..obbobbobb...

...æi, ég tel mig ekki vera fordmómafulla manneskju en ég veit ekki alveg með ÞETTA mál...fékk alveg svona "ææii, neii..." tilfinningu í magan þegar að ég las fréttina...

..city of...??

..ji hvað mín var glöð í morgun þegar að við mér blasti fréttablaðið - haldiði að litli sænski strákurinn hafi ekki bara verið þar með föður sínum ... langaði helst að fara að grenja (aftur) en af gleði í þetta skiftið...

Heyriði já, að allt öðru röfli.....ég þarf svo mikið að vita hvað ein bíómynd heitir - Ég er nokkuð viss um að hún hafi komið út í byrjun þessa árs (ég sá hana í það minnsta bara núna í sumar) hún er frá Brazil og gerist öll þar, svona um eiturlyf, þennan fátæktarheim, vináttuna, ofbeldi, ástir, og bleeeeeee....og ég er líka næstum viss um að hún heiti City of gods eða eitthvað í líkingu við það...hún situr svo í mér þessi mynd og mig langaði svo að leyfa henni móður minni að sjá hana en þegar að ég kom í vídeóleiguna um daginn og bað um mynd sem að heitir City of Gods (að ég hélt) og reyndi að lýsa henni fyrir stúlkukindinni sem var að afgreiða þá afgreiddi hún mig einsog ég væri roðflettur hamstur með 7 í greindarvísitölu....man EINHVER - plís, hvað hún heitir??!?!?
Fékk voða mikla umfjöllun, vann til nokkurra verðlauna...æi ahhh...þetta er alveg að gera mig geðveika... :)

...úfff

...vaknaði með ljótuna og feituna í morgun. Alveg hræðilegir svoleiðis dagar...langar helst bara að skríða inní helli og halda mér þar í nokkra daga :) Stundum er manni bara ekki viðbjargandi, vonum bara að á morgun verði "bjútífúldei"... Er að fara í frænda og frænkuboð - einhverskonar "litlujól"....sturtudvergarnir kalla..bið að heilsa að sinni...chau guapitos

...koma svo...

Rauði Krossinn hefur sett upp söfnunarsíma til stuðnings fórnarlömbum jarðskjálftans 907 2020 en við að hringja í það númer skuldfærast heilar 1.000 kr af símareikningnum. Ég fór að grenja í gær þegar að ég horfði á fréttirnar og myndavélunum var í gríð og erg beinnt að litlum 2ja ára sænskum dreng sem er búin að týna allri fjölskyldunni sinni....ahhhhhhh.....óþolandi að geta ekkert gert!!! Ja, well ég geri það með glöðu að leggja til 1000 krónur ...

...úfff

...þemað hjá stöð2 er að drepa mig, eru búnir að láta 4 myndbönd með sálinni rúlla í röð og mig langar helst að drepa mig með rafmagnstannbursta.....arrrrg...alveg fæ ég grænar!
Get ekki sofið því að fólkið í hverfinu er eitthvað að fara á dagavillt, allir að sprengja og sprengja flugelda - voða flott og allt það en eru ekki örugglega 3 dagar í áramótin ?? Kanski eru þeir/þau að tékka hvort að þetta virki ekki allt saman...bara vera viss sko ....hmmmm....
Jæja dvergarnir farnir að kalla.........

...gleðilegan þriðjudag...

....og velkomin úr lengsta jólafríi sem að sögur fara af......eða ekki. Hmmm, fannst nú eitthvað smá mis að segja bara við samstarfsfólk mitt "góða helgi" á Þorlák....eitthvað pínu skrítið !
Ég fékk voða mikið af fínum gjöfum og ég fékk meira að segja gjöf frá leyndum aðdáanda....sem hefur vakið mjög svo upp forvitna dverginn í mér....en mér hefur tekist að troða honum aftur inní skápinn...og þar skal hann vera....Nú er ég að reyna að ákveð a hvað gera skal um áramótin, allt í einu allt að gerast og ég get ekki ákveðið mig og valið hvað mig langar að gera, hvert mig langar að fara, með hverjum og hvern mig langar að hitta.....úff vogin í mér alveg að gera út af við mig *bros*
Hvað er planið hjá ykkur litlu dýr....hvert leiða dansskórnir ykkur??

...jólin...

..Langaði nú bara að óska ykkur gleðilegra jóla litlu dýr...
Vona að dagurinn og kvöldið verði yndislegt og að jólasteikin verði góóóóð..


Stóð í 17 tíma í gær og held að ég sé algjörlega orðin tilfinningalaus í löppunum, djö var mikið að gera en mikið asskoti var gaman samt, ótrúleg stemming...Brjálæðislega erfiður dagur en samt alveg fullkominn...

...Láki...

Þorlákur er bara mættur á svæðið og allt að gerast, alveg magnað hvað tíminn er fljótur að liða...finnst það bara hafa verið í gær sem að ég átti afmæli og þá var einmitt verið að tala um að nú væru sko jólin að nálgast..well þau eru nú barasta á morgun...nokkuð sátt við allt mitt - allt klappað og klárt ... gleði gleði gleði dagur í dag....allt svo yndislegt og allir svo glaðir...ótrúlega sátt við landann í dag því að það verða sko svo sannarlega "bókajól" ef marka má söluna í bókabúðunum...víííííí......leggi frá ykkur símaskrárnar og takið upp jólabækurnar....
Jæja, sölugreddan alveg að fara með mig - best að halda áfram að brosa framaní heiminn og kúnnann og selja meira...selja selja selja...
jólaknús til ykkar allra......

....ótrúlegt...

...hvað allt er auðvelt og smellpassar í bíómyndunum..heheh...stundum vildi ég óska að lífið væri svona einfalt (einsog það er í bíó ss) en stundum er ég svo guðslifandi fegin að svo er ekki .... T.d. í bíó gengur það upp að vera bara í Bónus að versla í makindum sínum, maður stendur fyrir framan klósettpappírsrekkann að teygja sig í 12 saman í pakka og *úps* þið teygið ykkur í sömu pakkninguna og áður en þið vitið af eruði saman á deiti - and live happely ever after....æi skiljiði hvað ég meina *bros*....Æi var að horfa á e-h svona bíómynd í sjóbbanum rétt í þessu og fór að pæla í þessu...hehe....
Held ég sé bara orðin svo þreytt og úrvinda af öllu jólastressinu að ég er bara röflandi um ekki neitt...but hey þið þurfið ekki að lesa meir *bros*
Held ég sé bara búin með mest allt fyrir jólin, bara 2 gjafir eftir að pakka inn og koma þeim frá mér og þá er allt "listo". Erfinginn kominn norður og er í góðu yfirlæti þar, verður skrýtið að hafa hana ekki hjá sér svona yfir jólin, en hey það koma víst önnur jól eftir þessi.....alveg magnað hvað fólk er gáttað þegar að ég segi þeim að sú stutta verði með/hjá pabba sínum yfir jólin - einsog það sé bara einhver regla eða óskrifuð lög að börn eigi að vera hjá mömmum sínum eða þið skiljið....HVAÐ ER ÞAÐ....æi, get ekki alveg útskýrt hvað ég er að reyna að segja hérna - er bara að láta tuð annars fólks fara í taugarnar á mér ..... ég hef alveg komist að því hvað ég ætla mér ALDREI að gera og hata að horfa uppá aðrar einstæðar mæður gera og það er að nota börnin sem svona einhverskonar "vopn" .... vá er alveg að sjá það á hverjum degi næstum því og fæ alveg fyrir hjartað ....
Úff, komin út fyrir jólaandann hérna..heheh....nú er bara að hætta að hugsa um e-h svona niðurdrepandi....henda sér í góða sturtu og skríða undir sæng....Búa sig undir brjálæðisdag á morgun í vinnunni...það er bara gaman, allir í fínum fötum - mikil stemming í miðbænum....fullt fullt að gerast, hvet alla til að rölta í bæinn, tónleikar, upplestrar og alskyns uppákomur....
Góða nótt og dreymi ykkur fallega litlu lömb...

bakstursdella....

Jæja þá hefur bakstursæðið algjörlega náð tökum á okkur mæðgum (eða kanski bara mér...). Erum búna að "skella" (hljómar svo mömmu/ömmulegt að segja þetta hehe) í 2 sortir og erum að fara að vinda okkur í konfektgerð í kvöld eða á morgun....djísús hvað þetta er gaman...Leyfði prinsessunni að þeyta smá í gær sem að henni þótti að sjálfsögðu ótrúlega framandi og spennandi...en eldhúsið var líka einsog vígvöllur á eftir...heheh...Henni þótti nú ekkert sérlega gaman að hnoða - nema jú einn plús, það varð alltaf smá svona deig eftir á puttunum sem að hún gat svo hentuglega "óvart" stungið uppí sig...heheh...
En já, jólaandinn alveg komin yfir litla kotið okkar...við í góðum gír að baka og skrifa jólakort á kvöldin, erum búnar að fá okkur þetta líka fína og kanski pínu of stóra jólatré sem bíður bara eftir að vera skreytt....úff....þessi jólin leggjast ekkert smá vel í mig - verða skrítin þar sem að erfinginn fer norður með pápa sínum yfir blá-jólin en svona er þetta...við höldum svona "litlu" jól þegar að hún kemur til baka og höfum það svo blússandi fínnt um áramótin.....
Annars held ég að sveinki hafi verið á fylleríi eða í karókí niðrá Ölveri í nótt því að hann kom ekki og setti pakka í skóinn heldur var honum skutlað innum póstlúguna....hmmm

...SÚKKULAÐIbitakökur...

Magnað....ég var svo myndarleg í fyrradag, fórum mæðgurnar í búð beinnt eftir vinnu - nú skildum við sko kaupa allt sem vantaði til "SÚKKULAÐIbitakökugerðar", sem að við og gerðum....komum heim, elduðum okkur góðan kvöldverð og gerðum svo allt ready til baksturs, alveg massa stemning á heimilinu...jólatónlist á fóninum, piparkökur í skál, mandarínur með negulnöglum í glugganum og æi þið vitið ..... svona kósý bara.....dúddúrúúúúú....................allt var keypt - ready to go......nema haldiði að litla ljóskan hafi ekki bara gleymt að kaupa súkkulaði......djö var mín pirr þá....maður fer í búð til að kaupa í SÚKKULAÐIbitakökur......súkkulaði, súkkulaði, súkkulaði.....en kaupir ekkert súkkulaði.......HVAÐ ER ÞAÐ?!?
..En já , kökurnar voru og eru kempi góðar......

...geisp...

...dýrlegir dagar...æi allt er svo frábært eitthvað - alltaf jafn gaman þegar að hlutirnir ganga upp....búin að fá úr 4 prófum af 6 (8,9,9 og 9,5).....já kanski verður maður svona lærdómsnörd á eldri árum, missti einhvernveginn alveg af því þegar að ég hefði kanski betur átt að vera það... heheh....ég er í það minnsta alveg ótrúlega sátt við árangurinn....enda kostað mikið streð,svita og tár heheh....
Var að koma heim af F26 þar sem ég eyddi kvöldinu með fríðu og fróðlegum hópi ungra yngismeyja.....andrúmsloftið mjög rafmagnað á þeim bænum.....hver einasta setning þar endar á ".....og mig langar að kela"....."...ég verð að fara að kela"...."..djö er langt síðan að ég hef kelað" thíhíhí - hormónelt en úúúber skemmtilegt. Gæddum okkur á Devitos (eða er það Devidos..??) - gelneglur settar á dömuna og hendurnar þar af leiðandi komnar í jóladressið....allt á réttri leið....á morgun verða svo dansskónrnir dregnir fram, pússaðir og snúningur tekin...er að fara í massa FÍNT matarboð með 2 mestu dansdjöflínum sem sögur fara af svo að það er eins gott að dansþolið sé uppá sitt besta, sjáum til hvernig það fer .... líður bara allt of langt á milli hvers dansiballs hjá mér...En well, best að fara að skríða undir sæng...heyri koddann kalla á mig...góða nótt litlu lömb....

* Bebbz - gangi þér vel í lokaprófinu litla dýr, skemmtu þér fallega á hlaðborðinu - enga tælenska kariokibæklinga "takk"...hef heyrt að "sjaldan falli mandarínan langt frá innkaupakörfunni"

..námskeiðin góðu....

ALLIR VELKOMNIR
AÐEINS FYRIR KARLA

Athugasemd: námskeiðin eru flókin þannig að aðeins átta geta sótt hvert námskeið

Hvert námskeið tekur tvo daga og efnið er eftirfarandi:





FYRRI DAGUR

HVERNIG Á AÐ FYLLA ÍSMOLAMÓT
*Skref fyrir skref með glærusýningu

KLÓSETTRÚLLUR ? VAXA ÞÆR Á KLÓSETTRÚLLUHALDARANUM?
* Hringborðsumræður

MUNURINN Á RUSLAFÖTUM OG GÓLFI
Æfingar með körfuefni (teikningar og módel)

DISKAR OG HNÍFAPÖR: FER ÞETTA
SJÁLFKRAFA Í VASKINN EÐA UPPÞVOTTAVÉLINA?
* Pallborðsumræður - nokkrir sérfræðingar

AÐ TAPA GETUNNI
Að missa fjarstýringuna til makans ?
* Stuðningshópar

LÆRA AÐ FINNA HLUTI
Byrja að leita á réttum stöðum í stað þess að snúa húsinu við gargandi ?
* Opin umræða

SEINNI DAGUR

TÓMAR MJÓLKURFERNUR; EIGA ÞÆR
AÐ VERA Í ÍSSKÁPNUM EÐA Í RUSLINU?
* Hópvinna og hlutverkaleikir

HEILSUVAKT; ÞAÐ ER EKKI HÆTTULEGT
HEILSUNNI AÐ GEFA HENNI BLÓM
* PowerPoint kynning

SANNIR KARLMENN SPYRJA TIL VEGAR ÞEGAR ÞEIR VILLAST
* Sönn saga frá manninum sem spurði til vegar

ER ERFÐAFRÆÐILEGA ÓMÖGULEGT
AÐ SITJA ÞEGJANDI MEÐAN HÚN LEGGUR BÍL?
* Ökuhermir

AÐ BÚA MEÐ FULLORÐNUM; GRUNDVALLARMUNUR
Á ÞVÍ AÐ BÚA MEÐ MÖMMU ÞINNI OG MAKA
* Fyrirlestur og hlutverkaleikir

HVERNIG Á AÐ FARA MEÐ EIGINKONUNNI Í BÚÐIR
* Slökunaræfingar, hugleiðsla og öndunartækni

AÐ MUNA MIKILVÆGAR DAGSETNINGAR
OG AÐ HRINGJA ÞEGAR ÞÉR SEINKAR
* Komdu með dagatalið þitt í tímann

AÐ LÆRA AÐ LIFA MEÐ ÞVÍ
AÐ HAFA ALLTAF RANGT FYRIR SÉR
* Einstaklingsráðgjöf og samtöl

..hlaðin

...átti algjöran súkkulaði dag í gær...alveg svona ekta "snikkersdagur" hjá mér....ótrúlega sætur, næstum of sætur til að maður gæti klárað en stökku hneturnar inn á milli héldu jafnvægi í honum ... og auðvitað klárar maður matinn sinn....
Kvöldið var síðan algjört "bántí".....fullkomið!!
...Ég skaut mig reyndar algjörlega í fótinn í gær...úfff...mætti samt segja að Kollan mín hafi hlaðið byssuna og ég hafi síðan sjálf skotið mig í lærið...heheh..alltaf gott að geta kennt e-h öðrum um ...
*Kolla - þú segir ekki sálu mín kæra...hmm!!!! Nema ef að þú plöggir stöffið og spliffir stöðunni...ef svo má að orði komast *glott*

..gleðilegan mánudag...

...1 próf eftir....búið að ganga svona upp og ofan....vonum bara það besta....
annars var helgin bara tekin í rólegheitum - algjört "qualitytime" með yndislegu fólki á yndislegum stöðum...við mægður keyrðum austur fyrir fjall og yfir heiði í blíðskaparveður...fengum okkur ís í og nutum dagsins alveg í botn... vá langt síðan ég hef átt svona góðan dag...keyrðum til baka seint um kvöld uppá heiði í snælduvitlaust og djöfullegt veður (lölluðum á 40 km. hraða í MJÖG langri bílaröð.....en það var bara spennó og gaman...), yfir fjallið fórum við og aftur í gott veður...well...rigning...en ég elska rigninguna svo að mér var nokk sama......held að ég geti með sanni sagt að hann (dagurinn) hafi verið FULLKOMIN frá morgni til kvöld, eða eiginlega var þessi helgi bara fullkomin í alla staði...
Annars byrjaði vikan ekki vel hjá okkur mæðgur, sváfum yfir okkur, brenndum hafragrautinn, þurkarinn hætti að þurka (öll fötin okkar í honum), bíllinn rafmagnslaus....úfff og allt þar fram eftir götunum.....en dagurinn hefur tekið á sig ágæta mynd - alveg brjálað að gera hér í vinnunni sem er voða fínnt því að þá líður dagurinn svo hratt....ætla nefnilega að fara heim, skella í eina sort á meðan ég læri undir síðasta prófið....gott plan??
Vona að helgin hafi verið góð við ykkur og þið góð við hana......
-Eitthvað slúður eftir helgina???? *forvitinbroskall*

*Mæli ekki með því að fara í blautar gallabuxur út í frostið...bítur í lærin...úfff

...

...2 tímar í próf...*úff*
...Gleðilegan desember !!

...æi...

...veit ekki alveg með þetta ... hmmmm

...ákvörðun...

..ég hef tekið þá ákvörðun - að grennast þegar að ég hætti að fitna....

...baul..

...jæja, vinir, vandamenn og samstarffólk mitt er strax farið að baula á mig í smsum , e-mailum og hrópum fyrir að hafa skrifað þennan lista...."þetta er sko ekkert vont"..."þetta er jólamaturinn"...."hammarar eru ógó góðir"........
Já, lömbin mín - sem betur fer er smekkur manna svona misjafn.....Ég myndi borða þetta ef að það yrði sett fyrir framan í matarboði og svoleiðis ég segi það ekki, ég er kurteis....ég bara reyni að komast hjá því ef ég get ehehheh....

...top 10 - 100 listar....

Það eru allir að skrifa svona lista þessa dagana, 10 bestu lögin, 100 bestu myndirnar, 10 uppáhalds drykkirnir mínir...well ég bjó mér til lítinn lista...nú er ekki aftur snúið, eigið örugglega eftir að sjá fullt fullt af listun hér á næstu dögum *thíhíhí*
Versti matur sem ég fæ (top 10)...ekki í neinni sérstakri röð...

* Skata
* Svið
* KFC
* Gellur
* Mc Donalds og sveittir sjoppuborgarar...
* Hamborgarahryggur (reykt svínakjöt.......jájá ég veit....sorry finnst þetta bara ekki gott)
* Hákarl
* Buff fiskibollur (nema 1 spes gerð hjá Ömmsu)
* Lifur
* 1944 réttirnir ALLIR með tölu

...stressið á ná hámarki...

...blæðandi magasár, nagaðar neglur, 3 hár eftir á höfðinu eftir hártoganir, svefnleysi........hmmmm...prófkvíði...HVAÐ ER ÞAÐ??

Held að leikur helgarinnar Liverpool-Arsenal hafi alveg bjargað geðheilsunni hjá mér...magnaður leikur og snilldar lokasek....hélt að þakið myndi skjótas af húsi föður míns þegar að M. skoraði sigurmarkið...úff - ég, karl faðir minn, brósi minn og ALLIR hans vinir og Liv.aðdáendur misstum okkur....heheh....já gaman að þessu....voða skiptar skoðanir samt í mínum húsum hver "maður" leiksins sé...hmm...
En vá, lofaði sjálfri mér að tala ekki um fótbolta hér....og er því hætt....

..detta...

...nú allir dauðir hamstrar undan höndum - eða dauðar lýs úr hári...hverni sem það var nú aftur...
Var að lesa grein sem að ég sá annan bloggara benda á...já nú held ég að þeir séu alveg að missa það...(kanarnir)...á ekki til orð yfir.....hmfr....

..gettómamman ég...

My goddamn rock solid ghetto shiznit name is Fellatio Juice.
What's yours?
Powered by Rum and Monkey.

...hlakka svo til að...

* Ganga niður Laugaveginn á Þorlák
* Byrja að baka smákökurnar
* Klára prófin (vika eftir)
* Lesa e-h af þessum jólabókum sem kalla á mig
* Fara í annan í jólum boðin, hitta alla sem að maður hittir bara 1 sinni á ári...
* Leggjast uppí rúm á aðfó með nýja bók, í nýjum náttfötum og sængin í nýju veri...*ljúf*
* Sprengja mig á jólamatnum
* Opna jólapakkana
* Fá VR áramótalaunahækkun
* Fara niðrá Austrvöll og sjá þegar að þeir kveikja á stóra trénu
* Pakka inn jólapökkunum með erfingjanum og mömsu
* Hringja í alla og þakka fyrir mig
* Horfa á flugeldana á gamlárskvöld
* Keyra um borgina og skoða öll húsin þar sem kauðar hafa TAPAÐ sér í skreytingum
* Gera jólahreingerninguna með jólalögin í botni
* Liggja yfir góðum jólamyndum
* Þegar að klukkan slær 17 í dag og vinnuvikan er búin..

...Hvað eru margir dagar til jóla annars...!?!? :)

...yndislegt...

...úff, ég fékk svo undursamlega, stórkostlega, brjálæðislega fallegt e-mail í morgun sem að var skrifað til mín í nóttinni....vildi óska að það biðu mín alltaf svona mail þegar að maður mætti til vinnu á morgnanna, bara til að gefa smá búst í daginn...held reyndar að það hefðu allir gott af því að fá svona mail annarslagið. Maður ætti kanski að opna svona þjónustu, þar sem að maður sendi viðkomandi falleg orð/bréf annarslagði, sem að segðu hversu góður og fallegur vinur hann væri...hehe..svo gæti maður fært út bissnessinn og farið út í að hringja í fólk..."bara að segja að ég sakna þín".....og svona...hehe.
Annars var ég spurð að því um daginn fyrir hvern ég væri að skrifa þegar að ég bloggaði..hmmm...hef ekki hugmynd um það! Hef reyndar aldrei mikið spáð í það fyrr enn mér var bennt á það....held að ég hafi nú aldrei látið neitt of ljótt flakka hérna inná þessari síðu né þá étið einhvern lifandi....Held líka að ég viti svona nokkurnvegin mörkin, hvað á heima í netheimum og hvað ekki...!! En, já ef að ég hef sært e-h eða látið eitthvað uppi sem ég átti ekki að gera þá bara biðst ég hér með afsökunar á því...það var nú aldrei meiningin litlu dýr...
..Jæja, best að fara að vinna....hringja fyrst í manninn í lífi mínu (pabba gamla) og tékka aðeins statusinn á "gráa silfrinu"....hehe...örugglega erfitt fyrir feður að vera mennirnir í lífi einstæðra dætra sinna...*bros*

...hnoff hnoff...

..deginum í dag ætla ég að tileinka "Holgóma hundinum í næsta húsi sem einhverra hluta vegna er það furðulegasta dýr sem ég hef augum litið, býð eftir þeim degi sem hann bankar uppá hjá mér og komi út úr skápnum sem kanína...."

Góðan daginn og gleðilegan mánudag lömbin mín!!

...Amélie...

...Hvað er betra en að enda góðan dag með æðislegri mynd (Amélie), ég alveg elska þessa mynd - gæti horft á hana oft á dag...
Dagurinn leið og gekk upp 100%...vaknaði alveg úber snemma, hress og kát með erfingjanum, fórum í leiðangur og nutum morgunsins alveg til hins ítrasta meðan að megnið af borgarbúum hraut...en mikið djö var kalt, en ekkert sem ekki var hægt að klæða af sér....æi svona jólasnjófílingur, ískalt úti, svarrauðbleikur himinn og brakandi snjórinn...yndislegt! Síðari hluti dagsins var síðan nýttur til lesturs og lærdóms - erfinginn fór í pössun og ég skundaði með Nóann minn á kaffihús, tengdist netheimum og voilá skilaði af mér nokkrum verkefnum..nokkuð sátt við afrakstur dagsins bara. Varð fyrir pínu sjokki þegar að ég sat inná ónefndu kaffihúsi í 101 og inn skundar snaggaralegt par, í "góðum" fíling bara, sest á borðið við hliðiná mér og fer að tala saman um afrakstur næturinnar....hvaða pillur þau hefðu verið að "poppa", hvað þau væru sátt við og hvað þau skildu nú aldrei taka aftur því virknin væri nú ekki nógu góð fyrir þennan pening...úff hvað mín átti bágt með sig þá - þau voru ss að koma beint úr partyi og voru að bíða eftir næsta skamti til að halda áfram....æjæjæjæ....hafa ekki verið deginum eldri en 19 (úfff - held ég, en hvað veit maður annars....) Þeim var líka svo skítsama um alla i kringum sig og hvað fólk heyrði inná þessu blessaða kaffihúsi því þau töluðu þarna saman einsog þau væru nú bara að skiftast á kökuuppskriftum.....Mikið andsk.. er ég feginn að vera blessunarlega laus við þann djöfulinn (dópið) í mínu lífi, þvílík sóun á manneskjum...Annars var þarna maður á næsta borði (heheh hljómar einsog 3ja borða kaffihús) sem að bjargaði þessu því að það var svo guðdómleg lykt af honum...elska karlmenn með góðan rakspíra/ilmvatn....sveif bara um á einhverju ilmvatnsskýi eftir að hann settist þarna við hliðiná mér og hélt áfram að læra.....En aftur að Amélie...vona að dagurinn hafi verið góður við ykkur og að nóttin verði betri...

..Lennon...

....já fyrir þá sem eru e-h fyrir Bítlana eða Lennon, þá er ég með æðislegan disk í spilun þessa dagana...Acoustic. Var alin upp með Bítlana í bakrunnin og hef erft þessi Lennon gen frá honum föður mínum....þetta er æðislegur diskur...bara Lenni gamli og kassagítarinn hans...úff elska lagið "Love"...og ekki má gleyma laginu "Happy Christmas (war is over)" þar sem jólin eru nú á næsta leyti....

...allt er nú til....

..ok Pocahontas kemur með barnaplötuna "Perlur" núna í nóv. sem er ekki frásögu færandi...nema hvað......hvað er þetta... ... áður en við vitum verða Lenocie, Sveppi og Jónsi líka komin með dúkkur............úffff

...sjúkir....

..jæja, þessari viku senn að ljúka...heimilislífið hjá mér ekki búið að vera uppá marga fiska síðustu 2 vikur..allir 3 fjölskyldumeðlimirnir (ég, erfinginn og "gráa silfrið") búnir að liggja fyrir með flensur og hlaupabólur...komst í fyrsta skipti út úr húsi í gær í 2 vikur og var orðin svona nett geðveik á inniverunni....ég búin að liggja með hita og hor, erfinginn tók við og fékk háan hita og hlaupabólu - líktist einna helst geimveru með rauða og hvíta díla (nú veit ég hvernig geimverur líta út...) og gráa silfrið fór á sjúkrahús og verður útskrifaður í dag...djö verður gott að komast á eigin kagga aftur og engum öðrum háður...ekkert smá erfitt líf að vera svona bíllaus og búa í "104", væri svo sem ekkert mál ef að maður væri bara einn...maður gat þetta áður en maður fékk bílpróf og varð bíleigandi segi það ekki....en DJÖ verður maður háður bílnum sínum...það er nokkuð ljóst...Æi, kanski er það bara ég - á ekkert allt of auðvelt með að biðja um hjálp og hvað þá sömu manneskjuna oft...úfff, erfitt líf...en maður á góða að sem að bjóða manni hjálp *bros*
Ég var nú samt sniðug á meðan ég var heima og massaði ritgerðunum mínum af...það tókst að lokum, eftir að mér tókst að stytta helvítið...ég hefði frekar átt að gefa þetta út sem bók því að þetta var svo langt en síðan hófst þetta allt saman og endaði í 6 síðum einsog til var ætlast...er bara svo erfitt að skrifa um eitthvað svona "heitt" mál og þurfa að stoppa sig af...hafa eitthvað limit...ég átti semsagt að skrifa um jafnrétti/misrétti gagnkynhneigðra og samkynhneigðra...úff úff úff...don´t get me started....
En jæja, þarf að ljúka mínum degi, fara svo með blóm og leysa út sjúklinginn minn....hafið það rosa gott um helgina, reyni að verða duglegri að skrifa...vona að það fari að hellast yfir mig e-h bloggþörf...
bleeeeeee

...vetrarljóð...

...ohhh, Ragnheiður Gröndal er bara snillingur....er með ekkert smá mjúka og fallega rödd þessi kona/stelpa...er með einhvern nýjan disk í spilaranum sem var að koma út frá henni um daginn "vetrarljóð" og hann rennur svona ljúft niður hjá manni..alveg eitthvað sem að maður þarf svona í snjónum og frostinu....mæli með henni voða ljúf...

...namm...

..ef þetta er ekki kvöld til að liggja undir teppi með heitt kakó og góða bók þá veit ég ekki hvað...Hlakka ekkert smá til 2 des þegar að síðasta prófið er búið, ég get grafið skólabækurnar og farið að háma í mig allar þessar girnilegu jólabækur....tilhlökkunin er að æra mig....ég er samt ekki frá því að jólabækurnar í ár séu mun minna áhugaverðar heldur en í fyrra...reyndar fegin að það er ekki jafn mikið af svona "sjálfshjálpareyðimerkursnípsaftökubókum" einsog í fyrra, en ég meina það eru víst tískubylgjur í bókum einsog öllu öðru...í ár eru meira svona "baráttubækur", ekki að þær séu í miklu uppáhaldi hjá mér en mér þykir það skárri kostur .... voðalega mikið af svona bókum um fíknir, hvernig eigi að læra að lifa með þeim og kanski komast jafnvel í gegnum þær.....bækur um eiturlyf, neyslusögur - baráttusögur fjölskyldna .. og svo svona sjúkrasögur...æi þið vitið svo eru náttúrulega alltaf slatti gefnar út af ævisögum og sögur e-h staða/borga/sveitafélaga....allt allt allt of lítið af góðum, rétt er að sagt áhugaverðum skáldsögum (íslenskum)....held ég sé samt búin að finna bókina sem að verður aðfangadagsbókin mín....ohhhh.....allt brjálæðið búið, búin að sprengja mig á góðum jólamat, komin í jólanáttfötin með bókina og smákökur.....ummmmmmmmm

...hvílíkt frelsi...

Finn hafgoluna strjúka vanga minn þegar að ég geng upp að húsinu.
Geng eftir stórum rauðbrúnum steinvölum sem hafa alltaf verið þar en eru á sama tíma einsog málaðar á jörðina bara til að fullkomna myndina. Horfi út á hafið sem blasir við mér, horfi á staðinn þar sem himinn og jörð mætast...Heyri hafið syngja öll uppáhaldslögin mín og vindin segja mér öll uppáhalds ævintýrin mín...Þarna sit ég í háu grasinu, mér er ekki of heitt og mér er ekki of kalt. Umvafin uppáhalds blómunum mínum, frelsið liggur í loftinu og allt er fullkomið – eins fullkomið og ég vill hafa það!

... hvílíkt frelsi að geta horfið til þessa staðar – bara til að hreinsa hugan....

...túddílú...

...jæja litlu dýr, ætla að taka mér frí frá bloggheimum....skrifa kanski aftur einhverndaginn, vonandi sem fyrst....verð dugleg að lesa ykkar blogg....
..lifið heil....

hmmm...

...."úti er ævintýri"...

..barnahvað..

..ohh ég vildi óska að ég væri bara barn núna...allavegan í svona nokkra daga, engar áhyggjur, ekkert stórbrotið að hugsa um (eða þannig)..öfunda mömmu á öllum póstinum sem að hún fær innum lúguna - geri mér náttúrulega enga grein fyrir að reikningar eru ekkert gleðiefni né ástarbréf heheh, hlakka til að fara í búðina eftir skólann án þess að gera mér grein fyrir að þá eru allir "dauð"þreyttir eftir erfiðan dag nema ég...æi þið vitið....þegar að allt var svo simpled...Þá fengi ég líka kanski eitthvað af þessum snilldar barna/unglingabókum sem eru að koma...úfff, ekkert smá mikið úrval af fallegum og flottum bókum þetta árið....þoli samt ekki hvað sögurnar eru orðnar einfaldar og bleikar eitthvað...hvað varð um gömlu góðu grímsævintýrin og sögurnar...þar sem úlfar voru ristir á hol til að ná út fólki, Skrútsi litli sem átti enga vini og engin þoldi hann...Óliver litli Twist fékk ekki meira af súpu og lærði að stela, Litla stúlkan sem átti engan að og var með e-h elspýtur..........nú er allt svona happy happy joy joy...heheh...kanski er það bara betra.....allt voða bleikt og ljósblátt

aðeins að losa um....

Ég veit fátt óþæginlegra en þegar mér þykir fólk taka “of stórt uppí sig” – flokkar fólk í hópa eða bara plain kallar aðra “aumingja”. Fólk hefur rétt á sínum skoðunum, alveg einsog þetta eru mínar skoðanir en ég get ekki neitað því að ég fæ fyrir brjóstið þegar að aðrir (eða mér þykir aðrir) setja sig á einhvern stall. Ég er ekki að segja að ég sé fordómalaus, held að enginn sé fordómalaus...alls ekki !
Nú hef ég verið að lesa hinar ýmsustu síður, síðustu daga og mikið verið að tala um alskyns fólk í allskyns myndum, stéttum, gerðum....æi þið skiljið.
Æi, ég veit ekkert hvernig ég á að koma í orð eða niðrá blað það sem að ég er að reyna að segja, en ég ætla mér að reyna...
Einsog tökum dæmi, um daginn var ég að tala við kunningjakonu mína sem að vægast sagt úthúðaði strippurum....ok, ég hef ekki mikið álit á því sem að þær eða þeir eru að gera við líf sitt, en þetta er þeirra líf og þetta er eitthvað sem að sum af þeim kjósa að gera en önnur ekki. Ef að þetta er það sem að þarf til að setja mat á borðið og borga reikninga, koma þeim í gegnum skóla, halda uppi fjölskyldunni e-h.staðar erlendis...eða þið vitið, vera til....þá þykir mér það bara ótrúlega sorglegt frekar en eitthvað annað. Mér finnst þær/þeir ekkert minni manneskjur eða ógeðsleg einsog fyrrnefn vinkona mín – hún sagði að þetta væri bara ógeðslegt fólk og hórur upp til hópa. Halló, góðan daginn – hvað er það? Ég held að þau hafi það alveg nógu skítt fyrir að þurfa að hafa þetta að atvinnu (þ.e.a.s. þau sem ekki vilja vera í þessu...) og að við hin sem erum í okkar 9-17 vinnu alla daga séum ekki að úthúða eða stimpla þau...æi skiljiði eitthvað hvað ég er að fara?? Hvernig eru þær eitthvað verri en maðurinn sem að fer inn á staðinn og borgar fyrir að sjá þær dansa, ég bara spyr??
Síðan eru það “dópistarnir/alkarnir/spilafíklarnir...” – þetta er bara þeim að kenna, þau eru aumingjarnir...já, já og þú hefur aldrei tekið rangar ákvarðanir í lífinu....right. Lífið er ein skólaganga og suma daga gengur manni vel og aðra ekki, stundum nær maður prófi og stundum fellur maður eða gengur ekki nógu vel....er ekki spurning um að gefa fólki annað tækifæri leyfa því að taka sjúkraprófið eða?? Ég hef líka svo oft heyrt, hann/hún bara vill ekki hjálp, þetta er bara henni/honum að kenna, hún kom sér í þetta og hún skal nokk koma sér sjálf út úr þessu......ég veit að stundum nær vonleysið tökum á fólki og ég skil það líka alveg 160% og ég er alls ekki að segja að allt sé fyrirgefanlegt eða þannig....aðstæðurnar eru náttúrulega jafn margar og margbreytilegar og fólkið er margt.....ég trúi því samt sem áður að maður megi/egi ekki að gefast upp á fólki en veit mætavel að hægt er að gefast upp á aðstæðunum...skiljiði mig?
Úff, nú getur það komið út einsog ég sé sjálf að alhæfa eða staðhæfa eitthvað – er bara að reyna að koma þessu einhvernvegin frá mér...hef eitthvað svo mikið að segja en er ekki alveg að koma því frá mér einsog ég vil *bros*
Ástæðan líka fyrir því að ég er eitthvað að þrugla um þetta allt saman hér er að ég er búin að vera í einhverjum varnarham síðustu vikur út af einhverjum fordómum gagnvart fólki.....og einhvernveginn er alltaf einhver sem að ég þekki og mér þykir vænt um í einum af þessum “hóp”.....öryrkjar, hommar, svertingjar, stripparar, lespíur, alkóhólistar (virkir og óvirkir), dópistar(virkir og óvirkir), spilafíklar (virkir og óvirkir), tælendingar, aðeins of feitt fólk....og svo mætti svo LENGI telja...
hehe....ég er búin að finna út hvar mínir fordómar liggja..........”ég er með fordóma fyrir fólki með fordóma” .... eða með öðrum orðum.......ég þoli ekki þraungsýnina, fáfræðina og viljan sem VANTAR aljgörlega til að fræðast um eitthvað......kommon það er árið 2004, er ekki spurning um að hætta að ganga um götur borgarinnar einsog hestar með leppa fyrir augunum...líta aðeins til hliðar...hmmm

...

"Never think of the future - it comes soon enough"

...Edduverðlaunin...

....mér finnst nú að allir ættu að skella sér inná kosningasíðuna fyrir Edduverðlaunin og smella sínum atkvæðum í pott, alltaf gaman að vera með....
Annars var helgin mín bara blússandi fín, gerði allt sem að ég ætlaði að gera nema þá kanski að sofa....vann og lærði einsog mófó og hafði það svo ótrúlega notalegt þess á milli, því miður gafst ekki nægur tími til að slappa bara af og njóta þess að vera í fríi því að það fór í hundana...fríið þ.e.a.s ... en það kemur önnur helgi á eftir þessari og önnur eftir henni (hef ég heyrt)..Í gær á miðnætti kom út nýjasta bókn hans Arnaldar Indriðasonar Kleifarvatn og það var einhver voða miðnætursala á bókinni hans, gekk ótrúlega vel og skemmtileg stemning sem að myndaðist við það...fullt fullt af fólki og fjölmiðlamönnum mættu á staðin - svolítið spes fólk inná milli en bara gaman að því...fullorðnir eru engu skárri en börnin, einsog þegar að síðasta bókin með Harry Potter hófst í sölu eitthvert miðnættið í fyrra, var búið að skreyta alla M&M búðina, börn voru í skykkjum og svaka múnderingum...ótrúlega æst og spennt yfir þessu öllu saman...well þetta var alveg eins í gær nema þá kanski vantaði skykkjurnar.....En já, í dag hefst talning.is og ég sé framá að vera hér til áramóta eða kanski næstu páska...en það er bara gaman, alltaf gaman að breyta út af sinni venjulegu 9-17 rútínu og gera eitthvað annað...

....eigiði ráð við....

...svefnleysi...úff, dagur 2 sem að ég ligg og tel kindur...ekki gott mál, allt of erfið helgi og ágætis helgi/tækifæri til að ná smá svefni en NEIIIIII.....Kunniði eitthvert gott ráð við svefnleysi....eitthvað annað en flóuð mjólk og svoleyðis "ömmuráð"...virkar ekki...enda bara fyrir karlmenn og aumingja (hehe- bara að prufa að segja þetta - fer mér engan vegin)....
...ætla að prufa á hlaupa á vegg, vonandi rotast ég og dett útaf...hasta pronto...ZZZZzzzz

...hmmm

* True knowledge exists in knowing that you know nothing.

...strákar í flösku....

...úff, það var verið að virkja eitthvað dót/drasl í tölvunni minni...var sko að fá glænýja og FLOTTA tölvu *liggalá*....well sem að gerir mér kleift að hlusta á úpartið í henni...en ég hefði nú betur bara slept því, mér líður núna einsog að það sé lítið "boyband" fast í flösku á borðinu mínu og sé að reyna að syngja sig út...úffff....einhverra hluta vegna næ ég bara létt fm og bylgjunni og það eru bara búin að vera HRÆÐILEG lög í gangi...Mækol Bolton og e-h strákabönd....úff og nú byrjar "Æris Fíver" að gaula.....hvert hvarf "Pocahontas" btw...?!?!

...bingótattú...

...bíddu, bíddu - mér skilst að ef að maður fer og lætur tattúvera sig í beinni þarna í þessu "bingó" sem að var að byrja á skjá1 ... maður getur látið tattúvera á sig hlut sem að kostar allt að 300þús...og maður fær hlutinn gefins...??
ekki spurning hvað ég myndi láta setja á mig.....mynd af litlum heimi/hnettinum...og biðja um (heims)reisu eða ferðalög á framandi staði ... ætli það myndi ganga?? Ég veit líka um skvísur sem að ætla (myndu) láta tattúvera á sig parket, rúðuþurkur og alskyns nytjavörur....hmmmm....hehe..já svona eru langanir fólks misjafnar....

*Bebz....eru fleiri föt fokin....eftir Brennsluna...?"
(maður verður bara hálf æstur með þér á borði, áður en maður veit af er hálft kaffihúsið nakið...úff...*glott*)

...uppáhalds....

Dísus, það er allt of mikið af flottum og áhugaverðum bókum að streyma inní litlu búðina þessa dagana....hlakka svo til um jólin þegar að manni gefst e-h tími til að hanga bara heilan dag í náttfötum með smákökur og góða bók...namm...það er samt svo skrítið hvað jólin byrja alltaf fyrr með hverju árinu, áður en maður veit af hættir fólk bara að taka niður jólaskrautið á þrettándanum og hefur jól allt árið...af því að það tekur því ekki lengur að taka það niður...það er voða freistandi að hafa bara jóla allt árið - en samt ekki ..... greyið fólkið með "hlaðkort" (kreditkortin) það væri bara "jólavísa" um hver mánaðarmót...úfff...
Já en aftur að bókunum góðu...það ss var að koma út nýja bókin hans Dan Brown "Englar og Djöflar"..hún er reyndar löngu komin út á ensku (mæli eindregið með því að fólk lesi hana frekar á ensku) og hún er bara algjör snilld, mér þykir hún betri heldur en Da Vinci lykillinn...annaðhvort er fólk algjörlega sammála mér eða ósammála - það er einsog það sé enginn millivegur með þessa bók, eða þá bara bækurnar hans yfir höfuð! Önnur bók sem að ég ætla að lesa og var að koma er eftir einn af mínum uppáhalds uppáhalds höfundum Paulo Coelho "Ellefu mínútur"...sami höfundur og skrifaði "Alkemistann" (fyrir þá sem að kannast við hana) sem er án efa uppáhalds bókin mín...held ég sé búin að lesa hana svona skrilljón sinnum og fæ barasta aldrei nóg....finnst ég alltaf vera að lesa hana í fyrsta skiptið...elska svoleiðis bækur, það eru alveg til nokkrar svoleiðis....
þetta er einsog með fólk...ég á td nokkra vini sem að ég er alltaf að kynnast meira og meira, þið vitið, maður er alltaf að kynnast nýrri og nýrri hlið - samt er maður búin að þekkja viðkomandi í LANGAN tíma og hefði haldið að maður þekkti viðkomandi nokkuð vel eða bara...æi ég get ekki útskýrt þetta....bara brilljant tilfinning
Úff...farin að tala vrugl núna...þá er víst best að hætta bara...vona að helgin hafi verið góð við ykkur...

....úfffaaa...

...jæja í gær fór maður alveg með sig í einhverri fimmtudagsgeðveiki....ég og Kónga bræddum úr okkur í gær og erum í dag að tína saman brotin og sjóða allt saman aftur...það er þemað hjá okkur í dag að leggja fallega samstarfsfólkið okkar í einelti......já heimurinn er fullur af regnbogabörnum...

....æzuvíma...

...úfff, það er gott að hafa nokkra fasta/bjarta punkta í lífi sínu...einn er alltaf hjá mér klukkan 16:30 á hverjum (vinnu)degi...sko þá kemur Æzi Maximus til vinnu...það góða við það er náttúrulega hvað hún er frábær sko...og þá veit maður að það er bara hálftími eftir af vinnudeginum, alltaf hægt að hlægja MIKIÐ AÐ/með henni þessari elsku..fluffar manni svona upp eftir erfiðan dag....nema kanski í gær þegar að hún var einsog afvelta, rakaður hamstur í skurði einhverstaðar í Bangladesh...en ég meina þá hló maður bara að henni og allt varð gott...og maður fer í gott skap og oftast brosandi þreyttur heim....díííí og það ætla ég svo sannarlega að gera í dag...

"Hey æsa....hvað er strapon ??"

...thíhíhíhí...

Inni í hverri manneskju er mjó manneskja að reyna að komast út,
en það er yfirleitt hægt að róa hana með nokkrum bitum af súkkulaðiköku.

...vel lesið...

Alveg finnst mér magnað hvað það er til mikið af "vel" lesnu fólki...og þá sérstaklega á það við (ömm-veit ekki hvað ég á eða má kalla þetta/það) sérstakt, einstakt, seinþroska, misþroska....etc....fólk. Maður er búin að eignast nokkra svona "vini" hérna í jobbinu sem að hafa ákveðið að maður sé bestasti vinur þeirra og þeir þurfa algjörlega að segja manni allt.....en það er ekkert smá gaman að hlusta á það sem að (sumir) hafa að segja, þeir eru einhvernveginn svo uppfullir af fróðleik og einhverjum yndislegum viskumolum. Það er einn hérna sem að veit gjörsamlega ALLT um stjórnmál í öðrum löndum og þá skiptir það engu máli hvaða landi, annar sem er allur í indjánamenningunum, nokkrir sem "stúdera" heimspekibækurnar.........æi þið vitið......svo eru auðvitað fríkin líka (ljótt að segja svona ég veit það), sem að manni langar ekkert að spjalla við og viskumolarnir þeirra eru bara alls engir viskumolar...það er einn hérna sem að ákvað fyrir nokkru að hann skildi lesa allar bækur sem væru í ákveðinni deild, og hvar hann skildi enda..taka þetta svona í e-h systemi (mjög spes maður)..well hann byrjar og gengur svona bara la la, er duglegur að koma og les mikið - en bölvar alltaf jafn mikið og verður REIÐUR þegar að ný bók hefur komið inní stafrófið e-h.staðar og ruglar ÖLLU SYSTEMINU.....hallóóóóó...núna rétt í þessu var hann nefnilega að biðja mig (sem btw hef ekkert með þessar tilteknu bækur að gera og hann veit það) að stoppa ALLAR pantanir á bækur í þessum flokki, svo að hann kæmist örrugglega í gegnum þetta...........úffaaaa...æii samt er bara svo gaman að þessu......elska margbreytileika fólks, vá pælið í því ef að það væri ekki einn og einn þarna inná milli sem að væri pínu "spes" heheeh...djö væri lífið e-h döll............

...sjálfsmynd...

..inná síðunni hennar Ásu litlu var bennt á að gera svona sjálfsmynd...heheh...endilega ef að þið hafið tíma og þolinmæði...kíkið á þetta....

..bloggfyllerí...

...dízzz, ég elska það (þegar að tími gefst) að fara á svona "bloggfyllerí"..þegar að maður rambar af einni síðunni yfir á aðra, svo gaman að sjá hvað fólk (þótt það hljómi kanski pínu sad og undarlega hehe) er að pæla og bralla....maður tekur eftir því hvað heimurin/skerið/eyjan sem að við búum á er lítil því aðþessi, þekkir þennan sem var víst að deita eina af þessum(eða ekki) en sem er samt ekki frænka þessarar...en gæti samt verið frænka þín eða mín.............fneeee...farin að vinna..

...furðulegt...

...upp að mér kemur kona í frekar eldri kantinum, spjallar við mig, ég finn það sem hún leytar að og rétti henni "sjálfshjálparbókina"...
*gjörðu svo vel
*úff, hvað er að sjá þig barn...hvað er svona ung og falleg kona að naga neglurnar, eyðileggja líkama sinn (höh ??) ?? Þú ættir að skammast þín fyrir að vera svona og gera svona nokkuð. Vissirðu að fólk sem að nagar neglurnar er haldið sjálfseyðingarhvöt !?!?!?
*já, já.....var það eitthvað fleira

- langaði helst að segja "heyrðu ´skan láttu renna af þér og koddu svo og pretikaðu yfir mér!!!

Úff, held að dagurinn í dag verði fullur af furðufólki.....litlu lömb...er að fara að hitta Kollsuna mína, fara að fá "ferðasögur" beinnt í æð...*liggalá*...og opna jólapakka....vííí

...

Úff, var að koma úr löngu félagfræðiprófi og ákvað að hreinsa aðeins hugan með því að fara í 1 svona próf...Annars var gærdagurinn/kvöldið bara tærasta snilld...langt síðan að .. ég hef haft það svona notarlegt...Kollan mín að koma heim í dag, Hrönnslan mín í dagmömmuhlutverkinu og stendur sig einsog hetja, Liljan mín orðin hálf fimmtug (til lukku gamla mín)....og allt að gerast hjá Heiðrúnu...góð góð góð helgi...


You are naturally born with a gift, whether it be
poetry, writing or song. You love beauty and
creativity, and usually are highly intelligent.
Others view you as mysterious and dreamy, yet
also bold since you hold firm in your beliefs.


What Type of Soul Do You Have ?
brought to you by Quizilla

...

..vá ég á bestu og fallegustu vini í heimi.....úúfffff

...

Það er barasta komin föstudagur....víííííí....ég hlakka svo til helgarinnar að ég er að springa...*bros*....plön mín breyttust allskyndilega en maður verður víst að gera það besta úr því sem að manni er rétt, ekki satt!?!? Er búin að eiga mjög DÝRAN en góðan dag, búin að fjárfesta í bílrúðum, þar sem að yndislegir samborgarar mínir ákváðu að brjóta eina þar sem önnur var hvort eð er brotin.....arg...svo ákváðu þeir líka að skera á 2 dekk hjá mér þannig að á eftir þarf ég að fara og kaupa ný dekk...var að svo að koma frá tannlækni og þeir eru svo óDÝRIR að það er nú bara alveg djók sko...heheh...en ég fékk samt verðlaun þar sem að maður er orðin hundgamall og aldrei fengið skemd ... víííí..en dagurinn í dag er samt góður, eftir vinnu ætla ég heim og synda í peningatanknum mínum...ohh hvað ég hlakka til...það er ótrúlega spennandi kvöld framundan.....morgundagurinn fer svo í að smíða með englinum og pabba gamla og ritgerðasmíð um kvöldið....æiæiæiæi...maður verður víst bara að halda áfram að brosa....ég meina ef að maður drepur á bílnum setur maður hann bara aftur í gang og heldur áfram, er það ekki...
Jæja ég vona að dagurinn í dag hafi verið frábær hjá ykkur öllum og njótiði nú helgarinnar...

A MIX OF AIR AND WATER! you are very rare, you can
have traits of either so here are both - Water
- you are very popular and make friends easily,
you can be shy and quiet or the opposite, you
hange quickly, you are easy to over look, you
like to explore but usually bring someone with
you, you are not that energetic, you are a very
common type of person, you don't tend to be
emotional much...
Air - you are a directional person, you set your
goals high and dont give up untill you reach
them, you can be a good leader... PLEASE RATE


Your TRUE element - In 3 questions! - cool pics on later
brought to you by Quizilla

...

..Var að horfa á hann Jay L. í gær og þar var ruggludallurinn Tom Green, vá hvað þetta er weird maður...hehe...hann er svo leiðinlegur að hann verður skemmtilegur...hann er allavegana með bloggsíðu, skellti mér á hana núna áðan, fyndið hvað hann er venjulegur þrátt fyrir það hvað hann er óvenjulegur......TOM GREEN
Síðan er allt að gerast á kommentakerfinu hans Björns sem er með síðuna þarna dópsalar...fólk er alveg að tapa sér í "með og á móti" slagnum sem þar á sér stað...gaman að fylgjast með þessu....margt sem að manni langar að leggja til málanna en læt kjurt liggja held ég bara....

..prófin..enn og aftur

You're orange. You're strong and have the reflexes
of a tiger. You're overly protective, and
those skills come in handy... You're a natural
person, with a taste for natural foods (I mean
organic, here.). Well, that's not true.
...Just food in general! You're as
quick-witted as your reflexes, and sometimes
painfully logical. You love wild animals and
pets. (Preferably wild animals!) You're a
natural person, and a true child of Gaia.
You're a stimulating, and outgoing person. You
enjoy making people think, especially with your
infectiously spontaneous attitude. You're a
generally optomistic person, with a love for
showing off all of your good traits. Although
many people may see you as strung-out, or just
plain weird, you're very down-to-earth and
humble. You're incredibly sweet (as this
color's other name!), and you care about people
in general. As this color would describe,
you're energetic beyond all human
comprehension. You've got a nack for drawing,
and you enjoy it, too. When it comes to
school, you're a good listener with an even
better memory. You're studious... At least
when you need to be!


What color are you? (Amazingly detailed & accurate--with pics!)
brought to you by Quizilla

...sprautumæðgur...

...við mæðgurnar fórum uppá spítala í gær til ömmunar, bara svona að smella á hana kossi og vera yfir matartímann með henni og svona..litli engillinn/erfinginn/skæruliðinn/prinsessan sló öll met í að heilla fólk uppúr skónum...Við fórum allavegana út með fullt af blómum, sem að fólk hafði verið að fá gefins frá vinum og ættingjum en litlan mín er bara svona sæt að fólk varð að gefa henni blómin af því að hún var alltaf að kyssa og strjúka blómin og tala um hvað þau væru nú falleg og "ynisleg"..heheh....henni tókst örugglega að klára allt nammið á öllum stofum, borðaði mat með hjúkkunum og fékk að horfa á barnatímann með e-h konu sem að ég hef ekki hugmynd um hver er..hehe...þær eru orðnar bestu pellar bara...láu þarna saman og horfðu á imbann einsog þær hefðu ekki gert annað alla ævi...heheh...
Well ferðin endaði þannig að hún litlan mín var með vasana fulla af alskyns læknadóti sem að hjúkkurnar höfðu gefið henni, sem er ekki frásögu færandi nema þá að í lyftunni detta út sprautur heheh...ég svona "taktu nú upp sprauturnar elskan mín, við skulum fylla þær þegar að við komum heim og leika okkur með þær....." Gamla parið í lyftunni horfði á mig einsog ég hefði verið að lemja dóttur mína í höfuðið með klaufhamri...............HALLÓ....dú æ ker...nó...ég fékk brjálæðislegt hláturskast sem að ég gat ekki stoppað og ég held að fólkið hafi haldið að ég hafi sloppið af geðdeildinni þarna og rænt þessu barni e-h.staðar frá...

....HMMM....

SKOÐA...úffa hvað þessi síða á eftir eða er byrjuð að valda miklu tali meðal fólks.............vííííí.....er rosa ánægð sjá þennan lista, veit ekki af hverju.....en á sama tíma drulluhrædd við að hafa hann á netinu, skiljiði hvað ég meina..

..breytingakláði....

..tiltekt og breytingar....var farið að klægja í puttana .... og þá er sko bara málið að klóra sér held ég...linkar og annað drasl kemur inn á næstunni...

...

Your kind of beauty is mysterious. You are not a
very open person so you can be hard to figure
out. Some people would say ALL girls are this
way but your mysteriousness is intriguing and
makes people want to find out more about you.
Your beauty is like a pair os eyes. So pretty,
so deep, and yet they hold so much emotion that
you have to look hard to see. You're pretty
intoverted so you talk a lot less than some of
the people you might know and when you do it's
probably very soft and calm. You don't really
like the way you look but trust me, you're
beauty is special and desirable.(If you can't
see tje pics, go to my homepage and look near
the bottom and find your result)


What kind of Beauty should you have? (girl) (PICS)
brought to you by Quizilla

...ritgerðarval...

...dísus, er að skrifa ritgerð fyrir/í félagsfræðinni...ég hafði um þrennt að velja ss
* Atvinnuleysi - Atvinnuleysi stafar fyrst og fremst af dugleysi þeirra sem eru atvinnulausir.
* Hækka á kosningaaldur upp í 20 ár umsvifalaust - Ungt fólk á Íslandi er ábyrgðarlaust upp til hópa og hefur engar forsendur til að velja einn flokk fram yfir annann.
* Samkynhneigðir - Eiga að njóta allra sömu réttinda og gagnkynhneigðir.

...ég var semsagt byrjuð á þessari líka fínu ritgerð um Samkyn...af því að það var eina valið/efnið sem að ég var sammála og væri alveg til í að rökræða um og fyrir en var rétt í þessu að hætta við að skrifa um þetta og nú veit ég ekkert um hvað ég á að skrifa...hin tvö toppikin hljóma e-h erfiðari þar sem ég er þeim ósammála (upp að vissu marki) og mig langar því að skrifa um þau...en í síðustu ritgerð sem að ég átti að skrifa átti ég að lýsa/útskýra hinni típísku "kjarnafjölskyldu"...ég endaði að sjálfsögðu í þeirri sjálheldu að vera komin út í það að útskýra að það væri ekki til neitt sem að héti "kjarnafjölskylda".....úffff...ég þarf alltaf að gera hlutina erfiðari en þeir eru heheh.....ég veit...ég skrifa bara um 20 ára atvinnulausan, samkynhneigðan gutta á leið á kjörstað........hmm.....tek öll völin fyrir í einu...ætli það myndi ganga??
Úff...hætt þessu röfli og ætla að reyna að breinstorma smá...

...léttir...

...jæja var að skella á mömsuna mína, þvílíkur léttir að heyra bara röddina hennar .. þó svo að hún hafi hljómað pínu undarlega (lyfin sem töluðu aðalega hehe)...það var svolítið einsog að tala við holgóma rostung á fylleríi í afneitun og á leið á OA fund að læra að hekkla...en ég meina ég heyrði í henni og það var það sem að skipti máli...já nú hefur sú stutta (ég) tekið gleði sína á ný...ætla að valhoppa það sem eftir er af þessum degi....vííííí

...kvíðahnútur...

úff..helgin er búin að vera MJÖG spes, sérkennileg, ljúf, falleg, stressandi, vinnusöm, þreytandi, átakanleg og góð...er búin að vera með GÓÐU fólki og njóta hverrar mínútu alveg í botn...en held líka að ég hafi átt einn af erfiðari dögum sem að ég man eftir í gær...mamsan mín (besti vinur minn) var að fara í aðgerðir í morgun og í gær var maður uppá Lansa að fá það beinnt í æð hvað væri verið að fara að gera við hana...djö hvað ég var/er lítil í mér af stressi núna, er að bíða eftir að doksinn hringi í mig og segji mér að allt sé í lagi, allt hafi gengið vel og að nú fari allt að ganga hjá þeirri gömlu...samt veit ég að það eru alveg nokkrir klukkutímar eftir...hmmm...kvíðahnúturinn í bumbunni minni núna er svo stór...úffff..
Það er bara að krossleggja fingur og tær.......þetta fer allt saman vel!! Held samt að hjúkkan sem að ég talaði við hafi átt svolítið stórann þátt í því að gera mig pínu neikvæða og stressaðri ....hún var í því að segja mér frá ÖLLU sem gæti gerst og mætti alls ekki gerast í þessum aðgerðum....Þegar að líkurnar eru 50/50 að hún komist í gegnum þessar aðgerðir verður maður svolítið utan við sig....hefði ég átt að taka mér frí í vinnunni og sitja á sveittri biðstofu innan um fólk sem að ég þekki ekki neitt og telja sekúndurnar ... eða fara í vinnuna og vera þar sem að mér líður vel, með fólki sem að mér líður vel í kringum...hmmm....ææææiiiii.......hrmpf....
Æi, ætla að hætta - best að fara bara að vinna einsog mófó og dreifa huganum...vona bara að helgin hafi verið góð við ykkur lömbin mín og að vikan verði betri....

I'm exceptionally artistic!

Find your soul type at kelly.moranweb.com.

..skrítnufólkadagur...

..ja nú er sko þokkalega "skrítnufólkadagur" í dag...er búin að lenda í 5 nöttkeisum og klukkan er rétt skriðin 10 - úff...ætli þetta sé upphitun fyrir "skrítnufólkahelgi" , vona ekki...byrjaði daginn með sækósímtali frá ljúfri (hmpfrrr) gamalli konu....

*Góðan daginn - hefurðu litið út um gluggann

*Fyrirgefðu - ha?

*Með hvalveiðarnar, það er nú gott að hvalirnir við Íslandsstrendur eru ekki fullir af skít einsog hvalirnir í Canada

*Ömm já segðu

*Dóttir mín er flugkona og hvað get ég gert ef að ég týni henni, það er ekki einsog stjórnvöld þarna niðurfrá myndu gera e-h í okkar málum

*Ömm nei, eða

*Já, glugginn var brotinn á efri hæðinni á Laugarveginu í nótt..Þú skalt sko fara og fylgjast með unga fólkinu í bænum klukkan 11 í dag...vittu bara til

*Já, geri það - hvað gæti ég átt von á að sjá

*Þú sérð það bara þá.........

...og allt þar fram eftir götunum, við erum að tala um að kella talaði við mig í gott korter....um EKKERT. Ég kveð og skelli á, inn kemur sendill dauðans með bækur og hættir ekki að tala um hvað eg sé stinn og sæt í dag og hvað allt kvennfólki sé að breytast til batnaðar....bladibla....úfff....svona koll af kolli...veit ekki hvar þessi dagur endar eiginlega..

...áminning...

...djö ég og mitt gullfiskaminni...ég var að muna rétt í þessu að ég steingleymdi að vinna í lottóinu síðustu helgi...viljiði vera svo væn litlu lömb að minna mig á það næsta Laugardag....

...óbjóður...

...dísus, fyrst er manni boðið uppá það að horfa á e-h hryllilegan þátt sem kallast "Charmed"...síðan tekur við óbjóðurinn "Fólk"...hrmpfffff.......hvað er málið...þá held ég að ég grípi bara í skólabók...

...vírd..

...ef ég ætti að reyna að lýsa síðustu 4 dögum, væri það einsog að reyna að lýsa fyrir ykkur mynd af ósýnilegum manni..hmmm

..þakkir...

Takk takk þið öll fyrir frábær afmæliskveðju sms/e-mail/komment, hringingar etc......
Afmælisdagurinn var ansi hæðóttur ef að svo má að orði komast en endaði ótrúlega vel og rólega....æi bara svona einsog ég vildi að hann endaði *glott* ... Ég fékk hund í afmælisgjöf í gær, lítill, loðinn og þögull og gaf ég honum nafnið "Kisi" - hver þarf að fá sér Sekúrítasörryggiskerfi til að passa uppá heimilið þegar að maður á svona tipptopp öryggishund hmmm :)
Vaknaði eldsnemma og eiturhress í morgun og þakkaði mikið fyrir það að vera ekki þunn og lufsuleg í dag! Er búin að fara að vinna smá, taka til aðeins hérna heima í kotinu mínu, fá mér ótrúelga góðan kaffibolla og nú er stefnan tekin heim til múttu minnar þar sem að við erum að fara í skóleiðangur - úff hvað mig kvíður fyrir...veit fátt erfiðara en að finna mér skó! Ég er voða mikið þannig að mér þykja hlutir klæða alla aðra alveg svínvel en þegar að ég máta flíkina þá verð ég einsog Gremlins í sundbol - "eitthvað mis". Í kvöld er svo stefnan tekin til fjöllunar þar sem að uppáhaldsuppáhaldsuppáhalds maturinn minn verður á boðstólum og ætla svo að reyna að skella mér á Jazzinn á Borginni...ef að ég næ því ekki er stefnan bara tekin (einsog er hehe) undir sæng og e-h góð mynd í tækið...en ég meina það er planið núna, ég er samt svo erfið - svolítið svona einsog veðrið...En jæja, best að halda áfram út í daginn...bara takk aftur fyrir kveðjurnar og ég vona að dagurinn í dag verði góður við ykkur öll!!

...

:: how jedi are you? ::

..tventífokkingfæv....

..já krakkar mínir nú er ekki aftur snúið :)....maður er bara orðin HÁLFfimmtugur...hmmm

En allavega nóg um það sko...úfff, ég átti svo bágt með mig í morgun þegar að ég var að fara með engilinn á leikskólann - þar var mamma með barnið sitt, hún var eitthvað að spjalla svona við það og talar við það einsog hálviti...
"koú stíléli" .... "komdu úr stígvélunum"...það er engin furða að helmingur þjóðarinnar sé málhaltur ef að foreldrar tala svona við börnin sín...
Ég setti mér 2 reglur uppeldislegar, vera eins skýrmælt við dóttur mína og ég get og ekki hlaupa til í hvert skipti sem að hún dettur og meiðir sig...enda held ég að það hafi nú margborgað sig, hún/við fáum mikið compliment út á það hvað hún sé skýrmælt, tali mikið og tjáir sig skiljanlega og hún fer ekki að væla/grenja við minsta...
Ég er ekki að fara yfir málfræðiæfingar og stafrófið með barninu á kvöldin og ég segi ekki "stattu upp stelpa og hættu þessu væli" við barnið þegar að það dettur........ekki miskilja mig :)
Æi, ég veit ekkert hvernig ég á að útskýra hvað ég er að reyna að segja heheh......ætla bara að hætta þessu rugli og njóta dagsins - snilldin ein að það sé rigning....uppáhalds veðrið mitt er nefnilega rigning...ég fékk rigningu í afmælisgjöf, eða ætli Gussi sé að grenja af því að nú eru 25 ár síðan ég fæddist... :)

...bráðum koma....

...jæja börnin góð, september að ljúka og vitiði hvað...jújú - haldiði að ég hafi ekki bara heyrt jólalag á leið í vinnuna í gær........."HVAÐ ER ÞAÐ"...ég er jólabarn en eg meina er þetta ekki aðeins of snemmt, eða hvað finnst ykkur? Þar sem að ég vinn í bókabúð og sé um íslenskar bækur þar þá eru farnir að koma ansi margir póstar á hverjum degi um jólabækurnar sem eru víst að fara að skríða í hús..úff, maður fær svona áminningu að maður sé nú kanski ekki besta týpíska húsmóðirin, ekki farin að föndra, baka, raula jólalög né búin að hugsa út í jólagjafirnar í ár (veit um nokkrar sem hafa þær alveg á hreinu..úff). Mig langaði nú eiginlega bara að njóta októbers og nóvembers án jólaamstursins (eða þið skiljið) og hella mér svo bara í stressið í desember, en maður fær víst engu um það ráðið...eða hvað...
En jæja nóg röfl í bili, best að hella sér í Njáluna....

...frábært...

...mér tókst snilldarvel að láta 1 manneskju eyðileggja fyrir mér daginn..."skál fyrir því"...
:(

...bloggleti...

....ég held ég hafi frá of miklu að segja til að koma því frá mér, get með sanni sagt að dagarnir frekar spennandi...voða mikið af ætli/skyldi/myndi/ætti ég að ....spurningar að fljúga í gegnum litlu baunina mína - en það er nú bara gaman!!
Litli erfinginn er á fullu í aðlögun á leikskólanum, gegnur svona líka blússandi vel - vill bara ekkert fara þegar að maður er rekin þaðan, dísus samt hvað ég var fegin í morgun þegar að tíminn okkar var búin því að ég og einn pabbi sem að vorum með skæruliðana okkar þarna vorum frosin föst við tröppurnar...það er orðið svo kalt úffff...
Já og íbúðin er alltaf að taka á sig betri og betri mynd og mér líður alltaf meir og meir einsog heima með hverri mínútunni, svona er það þegar að maður á góða að sem að hjálpa manni MIKIÐ - smíða veggi, bora upp hluti, koma með þvottavélar (mjög gamla og flotta vél eheheh)......já lífið er svona líka blússandi fínnt þessa dagana :)
Ég er að reyna að ákveða hvað gera skal af sér á afmælisdaginn (föstudaginn),...einhverjar hugmyndir??
Jæja ég verð að fara, kaffið kallar - þarf að þyðna...finn ekki fyrir fingrum, fótum, eyrum, nefi....úfff..

...nörd...

...var í gær á spjallinu við eina af fallegri manneskju sem að ég þekki og hún er á því tímabili núna þar sem að hún "glóir" af því að hún er svo skotin .... heheh...ég bað hana að lýsa fyrir mig manninum, sem og hún gerði...en hún byrjaði því miður á því að segja ..."hann er svona pínu nörd....hann....". Bíddu, bíddu, hvað er að vera nörd" - "æi svona, les mikið, fer í ræktina, finnst gaman að vera heima og elda góðan mat"
.....hmmmmm....hvað er nördalegt við þetta ??? Og hvað í ósköpunum er að vera NÖRD....sumum finnst fólk sem að hefur gaman af tölvuleikjum nörd, fólk sem lifir fyrir vísindaskáldsögur, greinilega fólk sem les mikið, "hangir" í tölvunni, fer í ræktina, eldar góðan mát, finnst gaman á hestbaki, djammar mikið, fer mikið í bíó....horfir á Star Trek.....etc...bíddu - eru ekki bara allir pínu nörd....áhugamálin eru víst jafn mörg og margbreytileg einsog við fólkið erum mörg og margbreytileg....æææi, veit ekki - bara einhver hugarsúpa í gangi núna... :)

...frostrósir...

...ég var eitthvað svo voðalega mjúk í morgun þegar að ég vaknaði.....gekk um íbúðina með englinum, gerðum "morgunverkin", settumst svo niður og dáðumst að veðrinu og frostrósunum sem að höfðu sest á eldhúsgluggan....æi þær voru svona einsog í teiknimyndunum....ótrúlega fallegar....við alveg "vá fallegt - frostrósir - yndislegt - magnað....." og þar fram eftir götunum.....sólin skein, fuglarnir sungu...eitthvernveginn allt svo fallegt og yndislegt við þennan morgun....gerðum okkur klárar mæðgurnar og örkuðum svo út í bíl....kuldabolinn fór að narta í nebbana okkar og dóttir mín ennþá svona "Vááááá fallegt.......", ég meira svona "djöfulsins kuldaógeð...", setti hana í stólinn sinn og inní bíl........ég ennþá...."dauði og djöfull, skafa og ógeð, kalt, viðbjóður, úfff......" en brosti alltaf framaní engilinn sem að ég sá að sat í makindum sínum inní heita bílnum og alveg "VÁ MAMMA - FALLEGT"....

..ammæli...

...úfff...nú á maður víst afmæli eftir 8 daga og ég er farin að heyra spurninguna "hvað viltu í afmælisgjöf" ansi oft á dag...hmmmm...veitiggi, veitiggi, veitiggi....svo margt en samt veit ég það ekki...manni svosem vantar ekki neitt...æi þið vitið hvað er erfitt að fá þessa spurningu, eða kanski er það ekkert erfitt....ég þoli þær ekki..hvað viltu í jólagjöf og hvað viltu í afmælisgjöf....
litla græðgispúkanum í manni langar alltaf í eitthvað maður hefur bara EKKI HUGMYND um hvað það er sem að manni langar í heheh..
..farin að tala tungum....best að snúa sér þá bara að öðru en að blogga...heheh...hasta pronto guapitos..

...sms...

"Langar þér að koma með mér og nokkrum örðum í smá SKEMMTIferð til útlanda um miðjan okt...?"

"hverjir erum við, og hvað köllum VIÐ SKEMMTiferð ?"

"Við erum X, X, X, og X . SKEMMTiferð er 10 daga djamm, djús og mikill dans..."

"Nei takk, ómögulega..."

"Þú ert geðveik ung kona..."

....þetta eru nokkur sms sem flaug milli okkar vinanna fyrir stuttu.....SKEMMTiferð í mínum augum, er e-h svo langt frá djammi og djúsi í framandi borgum...það er e-h sem að hægt er að stunda mjög reglulega, eða svona hvern föstudag og laugardag hérna á þessari eyju...ég e-h.veginn myndi aldrei tíma útlandinu í eitthvað svona...en maður er víst stimplaður geðveikur núna af nokkrum félögum...heheh...

mið-viku-dagur

Hlú hlú gott fólk og gleðilegan miðvikudag !! Ég ætla nú bara að byrja daginn á því að óska Kötlunni minni til hamingju með daginn....26 ára gellan (eða 49 *glott*).....Í kvöld skal haldið uppá daginn, pakkar opnaðir og ljúffengar veigar verða á bostólum....*slurk*.....klukkan rétt að skríða í/yfir 9 og ég farin að slefa yfir kvöldmatnum... Slotið bara orðið nokkuð tilbúið og ég vel sátt við flest allt....flestar myndir komnar á sinn stað, bókum hefur verið raðað (mjög mikið issjú hjá mér heheh), gardínur komnar upp, fest hafa verið kaup á dýrindis ísskáp sem hefur fengið nafnið "Samúel"......það eina sem að vantar núna er bara þvottavél og þá verð ég 100% sátt... Nú getur maður farið að sinna náminu sínu sem skildi...hmmm....hef ekki alveg verið að gefa mér né finna tíma til þess.....hmmm....læra - flytja - flytja - læra.....FLYTJA...... Jæja, vinnan farin að hrópa á mig hástöfum....bið bara að heilsa ykkur í bili litlu lömb..

...góð helgi...

...úff hvað helgin mín var perfect!! Vona að það hafi líka ræst úr ykkar lömbin mín...!!
-Held að íbúðin sé bara að taka á sig skemmtilegri og skemmtilegri mynd með hverri mínútunni...gaman, gaman.....stóð í miklu nostri um helgina.....fann reyndar líka tíma til að fara á tónleika í Háskólabíói með Diddú og Jónasi I....sem voru bara mjög góðir, þrátt fyrir mitt "andlega" ofnæmi á Diddú...henni tókst bara snilldar vel upp þessari elsku.....tók 2 uppáhalds lögin mín (íslensku)..."sofðu unga ástin mín" og "Brennið þið vitar"....var ótrúlega sátt við það hvernig hún söng vögguvísuna en hún hefði nú alveg mátt vera heima hjá sér í útsetningunni á "vitunum"....ÞOLI ekki þegar að óperusöngkonur syngja lög sem ekki eru samdar fyrir raddir einsog þær hafa...úff........finnst ykkur "Braggablús" flottur í óperustíl...nei ég bara spyr....??
..Hafiði spáð í laginu "sofðu unga ástin mín....", þetta er örugglega lag sem að ALLIR þekkja og örugglega allar mæður hafa sungið eða raulað fyrir börnin sín.....samt er þetta ein sorglegasta vögguvísa sem að fyrirfinnst....Það er kona sem að stendur með barnið sitt (hvítvoðung) og syngur þetta lag fyrir það rétt áður en hún kastar því í vatnið til að deyja - úff ..... það er alveg krípí hvað þetta fallega flott lag en samt á sama tíma svo fallega ljótt.......
En jæja, nóg raus frá mér í bili..........ætla að fara að skríða undir sæng....heilsa uppá hann Óla vin minn Lokbrá....
Sofiði rótt lömbin mín

....víma...

....jæja sit heima í slotinu mínu og uni mér vel......yndis yndis tónlist á fóninum....var að enda við að bera e-h olíu dauðans á e-h við hérna og er ekki frá því að maður sé bara pínu "hæ" af þessu, samt var þetta gert utandyra....hmmm....þolið ekki meira en þetta :)
Morgundagurinn er svo planaður í bak og fyrir og ég hlakka svo til að vakna á morgun...úff...alltaf gaman þegar að "tilhlökkunarfiðrildin" flögra í maganum á manni!! Úff hvað ég er ánægð með lífið í dag....í gær var "eitur" dagur og ég lét ýmsa hluti bitna á ýmsu fólki (*úps* - kemur fyrir víst) en baðst svo afsökunar á því í dag heheh...
Æi, maður er svo "mjúkur" e-h núna....veit ekki alveg hvað er í gangi, er ekki komin á breytingaraldurinn svo að það eru ekki þeir hormónarnir...hmm...æi mér er alveg sama...svo lengi sem að þetta fer ekki út í öfgar og maður fer að grenja yfir Always Ultra auglýsingum, segir ókunnum vegfarendum að manni þyki vænt um þá eða fæ þær ranghugmyndir að ég geti bjargað heiminum....heheheh.....Ég átti nefnilega 1 þannig dag þegar að ég var ólétt um árið (vá hljómar einsog ég sé sextug *glott*)
......Ég grenjaði yfir Sjampoo auglýsingu (btw - held að þetta hafi verið auglýsing síðan 1984 og það var EKKERT fallegt né sorglegt við hana...bara gella í sturtu að þvo sér um hárið, gæti svosem verið að maður hafi verið að grenja úr öfund yfir fegurð og líkama konunnar heheh....)
Ég sagði við einhverja konu út í bæ (vorum á Subway - hafði ALDREI séð þessa konu áður) að hún væri svo sæt og liti svo vel út....ætlaði svo sama kvöld að taka að mér 4 kettlinga sem að kunningjakona mín gat ekki losað sig við og þurfti að lóga og passa kisurnar hennar 2 á sama tíma á meðan að hún og maðurinn hennar færi til útlanda.....why why why myndi nokkur manneskja gera e-h þvíumlíkt...........já svona getur maður nú verið geðveikur..
heheh...jæja best að fara að taka uppúr "þessum" kassa..........mjög girnilegur

"MJÖG private" (stendur á honu) hhehehe - pakkaði ofaní þennan fyrir MJÖG löngu síðan og man EKKERT hvað í honum er....

.."aktutaktu-skilnaður"

Mér finnst að e-h ætti að reyna að koma á laggirnar svona "aktu-taktu" stofunun...einsog sýslumaðurinn, tryggingastofnun, féló, skatturinn...æi þið vitið allir þessir staðir þar sem að hlutirnir ganga alveg afspyrnu erfiðlega og hægt fyrir sig.....Sjáið þið þetta ekki alveg fyrir ykkur..

"ég ætla að fá eina með öllu nema hráum....litla kók í gleri....og svo láta þinglýsa þessum húsaleigusamningi...heyrðu já hafðu sinnep undir og yfir..."
"370 kr.....gjörðu svo vel...og góða helgi..."

"Eitt frelsi fyrir þúsund hjá símanum....og skilnað ..."

:)

..stýrur...

...að sjálfsögðu vaknaði maður við að fara svona í sturtuna í gær...úff...var að taka uppúr kössum og raða og svona til rúmlega 6 í morgun, gat bara ekki hætt...held líka að ég hafi ekkert verið á leiðinni að hætta...hugsa að ég hafi bara dottið út...því að ekki man ég hvernig komst í bólið hvað þá eftir að hafa sofnað..heheh...Þannig að í dag er maður svona nett tussulegur og þreyttur - get samt ekki hætt að hugsa um allt sem að ég ætla að gera HEIMA í dag þegar að ég er búin í vinnunni.....langar bara til að vera allstaðar annarstaðar heldur en hér í dag...svo margt sem þarf að gera og svona...víííí....
Plan helgarinnar er
*bæsa
*pússa
*afsýra
*skrapa
*bera tekkolíu á viðeigandi hluti...

ohhhh

...kotið...

...sit í nýja/gamla kotinu mínu, þæginlega þreytt eftir erfiði dagsins....
*taka brothætta hlutinn....
*vefja honum inní ógeðisdagblað (verða mjög svört á puttunum....djö)
*setja ofaní kassann....
*taka næsta brothætta hlut.....og þar koll af kolli og kassa á eftir kassa...hmrf....
*fylla bílinn af kössum
*keyra í nýja húsið
*tæma bílinn
*aftur heim (x-heim)
*fylla bílinn.......bílferð eftir bílferð
*taka dagblaðapappírsklumpinn - taka brothætta hlutinn úr ...
*finna hlutnum stað.......og þar fram eftir götunum...

Sit nú umvafin kertaljósum, Eva Cassedie (man ekki hvernig nafnið er skrifað) á fóninum, rjúkandi heitt kaffi og ótrúlega sátt og ánægð með afrek dagsins....ískápurinn kominn í samband...margt komið á sinn stað og einhvernveginn líður mér "heima" - skiljiði mig...þó að ég sé enn umvafin kössum og dóti sem vex mér ótrúlega fyrir augum...þá verður maður eitthvað svo ánægjulega þreyttur þegar að maður er að flytja....þetta er allt svo gaman. Bjóst ekki við að fá íbúðina afhenda fyrr en 1 okt þannig að þetta var svona pínu óundirbúið .... en bara gaman....nú verður kanski allt orðið reddý fyrir ammælisdaginn.....þá verður bara opið hús, kaffi á könnunni og kökur...
Ég fór á alveg merkilega tónleika í síðustu viku með Sinfóníuhljómsveitinni...hef aldrei farið á Sinfóníutónleika hérna á Íslandi...þeir voru alveg magnaðir.....sat með gæsahúð allan tímann...Maríus tók nokkur lög með Sinfó......og gerði það alveg listavel...verst að það er ekki kominn diskurinn "Maríus og Sinfó"....heheh...hefði alveg verið meira en til í að kaupa hann....Ég er ekki - eða ég hélt ekki að ég væri þessi sinfóníutípa...en vitir menn þetta var mergjað og ég mæli með þessu...og þeir sem hafa engan áhuga en einhverra hluta vegna eru tilneiddir til að fara e-h.daginn eiga eftir að skemmta sér konunglega bara að horfa á stjórnandann..."á hverju er hann ??"..... ég lét hinsvegar 1 manneskju fara í taugarnar á mér, veit ekki alveg af hverju - jú þessi týpa sem að lét þjóðina safna fyrir fiðlu handa sér...úfff....sú fer í pirrurnar á mér, greyið konan heheh....en hún er örugglega algjör snillingur og vænsta skinn...*bro*
En jæja, nú ætla ég að fara í góða sturtu...og koma mér svo í bólið..Óli Lokbrá bíður eftir mér - vonandi með e-h fallegan draum í farteskinu...
góða nótt....og dreymi ykkur öllum fallega......

golf, golf, golf

Giftur maður átti í leynilegu ástarsambandi með eiknaritaranum sínum. Dag einn þegar ástríðan tók völdin ákváðu þau að fara heim til hennar þar sem þau áttu villta eftirmiðdagsstund. Eftir öll lætin voru þau orðin dauðþreytt og sofnuðu. Klukkan 20:00 vöknuðu þau og þegar maðurinn byrjar að klæða sig á fullu, segir hann einkaritaranum sínum að fara með skóna hans út og nudda þeim í grasið og moldina. Furðu lostin konan skilur ekki alveg hvers vegna hann biður um þennan greiða, en hlýðir engu að síður. Hann skellti sér svo í skóna og keyrði heim. ,,Hvar hefuru eiginlega verið maður ?´´ spurði konan eiginmanninn þegar hann kom inn um dyrnar. ,,Elskan ég get ekki logið að þér, ég á í leynilegu ástarsambandi við einkaritarann minn og við erum búin að vera á fullu í bólinu allan dag, svo sofnuðum við og ég vaknaði ekki fyrr en klukkan 8.´´ Konunni varð litið á skónna hans og sagði: ,,Helvítis lygarinn þinn, þú ert búinn að vera að spila golf í allan dag !!!´´

....geisp geisp....

....hafiði upplifað svona daga þar sem að þið eruð endalaust þreytt en náið ekkert að sofa, þið vitið of þreytt til að sofna...?? Alveg undarlegt fyrirbæri...
Við mæðgur erum kanski/vonandi komnar með snotra íbúð núna 1 okt....úff - fæ að vita það í dag eða á morgun...get ekki beðið...Já, 1 okt er sko næstbesti dagur ársins myndi ég halda, þá gerist allt (allavegana þetta árið...)....erfinginn fer á leikskóla, við flytjum í nýtt húsnæði (vonandi), góður vinur byrjar í nýrri og laaaaaaángþráðri vinnu, besta vinkonana verður ríjúnætit með betri helmingnum og síðast en ekki síst þá á maður víst afmæli...já 25 ára geitin..úff...ykkur verður sko öllum boðið í vöfflur og fínheit í nýju íbúðinni.....*bros*

Fékk sendann eina góða skrýtlu í morgunsárið.....frá ljúfri Brók ..... ákvað að deila henni með ykkur..ath hvort að einhver kannast við þetta....

Afskiptasemi

Kona ein var að steikja egg handa sínum heitt elskaða eiginmanni. Allt í einu ryðst bóndinn inn í eldhúsið. Varlega varlega...! Settu meira smjör! Guð hjálpi mér...! Þú ert að steikja Of mörg egg í einu. OF MÖRG! Snúðu þeim! SNÚÐU ÞEIM NÚNA! Við þurfum meira Smjör. Guð minn góður! VIÐ ÞURFUM MEIRA SMJÖR! Eggin munu festast! Varlega...VARLEGA! Ég sagði VARLEGA! Þú hlustar aldrei á mig þegar þú eldar! ALDREI! Snúðu þeim! Drífðu þig! Ertu geggjuð! Ertu búin að tapa glórunni? Ekki gleyma að salta eggin. Þú gleymir alltaf að salta. Nota salt. NOTA SALT! S A L T!
Konan horfði á hann og sagði. " Hvað er eiginlega að þér? Heldur þú virkilega að ég kunni ekki að steikja tvö egg?
"Eiginmaðurinn svaraði rólega, "Mig langaði bara að leyfa þér á finna hvernig mér líður þegar ég er með þig í bílnum

...ohh, ég elska þetta veður - yndi yndi yndi...vildi bara óska að ég gæti notið þess uppí rúmi, undir sæng með góðri bók...*namm*
Í gær fór ég í bíó með fjöllunni, sáum myndina "Dís" sem var bara ágæt...fín mynd, ótrúlega sátt við hvað það voru mörg ný andlit í henni...orðin svona nett þreytt á sjá alltaf SÖMU andlitin ár eftir ár og mynd eftir mynd....mér fanst önnur aðal leikonan hrein snilld og kom mér alveg ótrúlega á óvart (minnir að hún heiti Ilmur K.) - hún á eftir að gera góða hluti þessi pía, ef að hún er ekki bara byrjuð á því...*bros*
Annars er lífið farið að róast aðeins í vinnunni, skólafólkið sem hefur e-h alvöru hug á að læra í vetur búið að kaupa bækurnar sínar og túristarnir farnir að týna sig heim....ó mæ god...sáuði þessa "huges" sardínudós sem að var hérna við land á laugardaginn....hún var húmongus.......ég man ekki hvað ég heyrði að það hefðu verið margir um borð, 2800 farþegar og 1100 manna áhöfn....3 leikhús, skemmtistaður, bíó....mall...úffff....djö væri gaman að fara í svona krúz e-h.daginn......eða hvað?

...titlaður...

...við sílin sátum saman í matnum áðan á Brennslunni þegar að framhjá okkur trítlar stöðumælavörður - en þó ekki í sínu vanalega jobbi heldur var að hann að tæma stöðumælana alla....við fórum svona að velta því fyrir okkur hvað maður skildi nú geta kalla sig eða sagst vinna við ef að maður væri nú í þessu jobbi og vildi nú hefja sig á aðeins hærri stall eða kanski skammaðist sín fyrir starfs sitt...eða e-h bara.....well það eru ekki fáir titlarnir...

* Féhirðir
* Ég vinn á fjármálasviðinu
* Yfirmaður innheimtu og söfnunardeildar R.borgar
* Ríkisféhirðir
* Ég er í innheimtudeild gatnamála
* Sparibaukamaðurinn
...
og þar fram eftir götunum....við horfðum á manninn og grenjuðum úr hlátri...úff, endilega komiði með fleiri tillögur......

..hormónelt hýena...

...úff, ég vinn á stað þar sem einungis konur/stelpur vinna (á daginn þ.e.a.s.) og andrúmsloftið hér getur orði svo rafmagnað og hormónelt að það er alveg yndislegt....ekki myndi ég hætta mér inní þessa ljónagrifju fyrir mitt litla líf ef að ég væri karlmaður....nú er t.d. sá tími mánaðarins á mínum vinnustað þar sem að klærnar eru brýndar og öskrin æfð...úff...en það er bara gaman að þessu...
Það er algjörlega hægt að líkja vinnustað mínum við "geðklofa hýenu á túr" í dag....
Það er brosað, verið yndislega hjálplegur og elskulegur við viðskiptavininn..en um leið og hann snýr í baki í þær þá er hugsuð besta leiðin til að króa hann af og éta hann....
Já það er gaman að fylgjast með hvað manneskjan getur verið margbreitilega GEÐVEIK...heheh

...söngfuglar...

...Ég er alveg ótrúlega mikið fyrir að syngja og hefur það aukist all verulega núna síðustu mánuði...það er alveg magnað hvað maður hefur mikla trú á sér þegar að maður er einn með sjálfum sér (ég allavegana), ég syng alltaf hástöfum þegar ég er í bílnum, sturtunni, elda matinn... eða bara e-h.staðar ein og finnst ég þá alltaf syngja einsog engill *bros*.
Það er svo fyndið - mér finst ég syngja "alveg" eins vel og flytjandinn í útvarpinu þegar að ég er að raula með e-h lagi og síðan þegar að það kemur fyrir að bakkus hefur bankað uppá þá finnst mér ég kunna alla heimsins texta og það skiptir sko "engu" máli á hvaða tungumáli þeir eru...ehehe...Ég fór e-h voða mikið að spá í þetta í morgun þegar að ég var að keyra engilinn til dagmömmunnar því að þá er sko alltaf trallað með *helv* Latabæjarstöðinni ... ég komst að þeirri niðurstöðu eftir miklar vangaveltur - að þetta raul mitt er ekki e-h sem að sest á sál dóttur minnar og hún mun ekki þurfa sálfræðiaðstoð á fullorðinsárum .... svo að ég ætla bara að halda áfram að "tralla" og syngja inn dagana..................

þetta er allt í góðu svo lengi sem að ég

*Stofna ekki hljómsveit og gerist "söngkonan"
*Fer ekki að liggja á karokebörum bæjarins
*Reyni ekki að komast inn í Idol
*Býðst ekki til að syngja í veislum
*Gef ekki út disk
...

Gleðilegan mánduag öll sömul...

Vona að helgin hafi verið góð við ykkur....og að allir séu nú vel úthvíldir og tilbúnir að takast á við nýja viku!!
Helgin mín var algjört æði...ég, mamma og erfinginn vorum einsog samvaxnir þríburar alla helgina - gerðum hluti sem að við erum búnar að humma af okkur allt of lengi og heimsóttum fólk sem að við höfum verið mjög lélegar í að heimsækja....æi bara alveg ótrúlega nice...síðan var veðrið svo gott og allir svo glaðir
!! Pínu spæld að hafa ekki komist í Ölfushöllina að horfa á krýninguna "kýr 2004".....hehe...snilld...allt er nú til - enn þetta er víst menning allstaðar annarstaðar svo að þetta verður víst að vera menning hér líka sagði hinn ágæti (eða ekki) maður Guðni Ágústsson í fréttunum....já það er nú einsgott að vera og gera örugglega allt einsog hinir!!
Úff, en jæja - búin að stimpla mig inn í nýja viku sem að leggst svona blússandi vel í mig....

....linkur...

heheheh.....varð bara að stela ÞESSUM link sem að var á annarri síðu...hehehhehe...þetta er alveg magnað..sumir eru bara geðslegri en aðrir...
Annars er bara búið að vera geðsýki að gera og held að "bloggdvergurinn" hafi ekki enn stimplað sig inn úr sumarfríi...veit ekki alveg hvort að hann snúi aftur...verð bara að bíða og sjá...


STAND UP: You are a natural stand-up comedian. You
watch the news with people, and when you give
your opinions, people start laughing. They are
not laughing at you, they are laughing because
what you say is so TRUE. The world is a very
funny place, full of natural comedy. All you do
is repeat various humorous things that you
notice from everyday life. Your unique
perspective on the world is what makes you so
funny. Of all the various comedy types, you may
be the funniest of them all!

PREMIUM COMEDY OF YOUR TYPE IS WELCOMED AT:
[LINK REMOVED]


How funny are you?
brought to you by Quizilla

....mánudagur til...

...jæja lömbin góð, gleðilegan mánudag...vona að þið hafið notið helgarinnar og Menningarnæturinnar til hins ítrasta....Helgin mín var tærasta snilld....fór í fallegasta brúðkaup og skemmtilegustu veislu sem að ég hef farið í síðan ég bara man eftir mér á laugardaginn....já Menninganótt er greinilega nóttin til að gifta sig - ekki spurning......gott að hafa svona spes flugeldasýningu í miðri veislu og heyra Egó og aðra snilla spila hihhihihhi....maður þarf í það minnst ekki að hafa áhyggjur af skemmtiatriðum á meðan...Átti svo yndislegan, yndislegan, yndislegan dag með englinum mínum á sunnudaginn.....já og svo er bara komin ný vika og brjálæðin er svo sannarlega byrjuð....skólatraffíkin alveg að gera sig þessa dagana...
Jáms, lífið leggst bara vel í mig þessa dagana...dæmið virðist bara að vera að ganga upp hjá fólki í kringum mig....æiiii.....á svona dögum er alltaf gott að vera til......atvinnulausir komnir með vinnu...fólk flýgur yfir höf til að hitta ástina í lífi sín....fólk gengur menntaveginn....hinir og þessir að stækka fjölskyldutöluna.......ææææi "jáms lífið er ljúft..."
Jæja, ég segi þá bara "góða nótt og dreymi ykkur fallega"

..yoga..

..snilld, snilld, snilld.....ég vildi óska að ég væri kjúkklingur !!
Fann hérna alveg hreinnt frábæra bók sem að heitir Yoga for chikens...hún er alveg mögnuð...
* Relaxing your inner chick..
* Feeling fried..
Alskyns svona frábærar stellingar/æfingar/teyjur....thíhíhí *glott*
* Single wingstand..
* Twisted chicken..
* Egg laying pose..

"It´s never too late to be a tender chicken in a tought world."

...vamos a la playa...

....gleðilegan menningarnætur-dag...úff hvað þessi dagur leggst vel í mig...er reyndar að vinna núna og hefði alveg viljað vera að gera eitthvað annað...en ég meina þetta er voða fínnt bara .. Kollsterinn minn kemur á eftir að leika "öryggistöffara" hérna í búðinni og held að það bjargi alveg deginum hjá mér (á meðan að ég þarf að vinna þeas...)...
Eftir vinnu þarf ég svo að fara á 150 km hraða því að ég er að fara í brúðkaup sem er uppí Mosó og byrjar 10 mín eftir að ég klára....betra að koma of seinnt en að koma ekki, er það ekki ???.......*jeij* hvað ég hlakka ótrúlega mikið til, held að brúðkaup og skírnir séu svona skemmtilegustu veislur sem að ég fer í...þá er allt eitthvað svo "ekta" ef að þið skiljið hvað ég meina....Held að maður sjá aldrei fólk eins stolt, hamingjusamt og ánægt með lífið .......
úfff, ja - nú held ég að baunin mín sé að bráðna hérna í hitanum....bærinn er FULLUR af fólki í þröngum spandex hlaupagöllum, ekki alveg það smartasta sem að ég hef séð en ég meina...hmmm....

...gullkeðjur og bringuhár....

Hlú hlú ..
Jæja manni tókst með herkjum að skríða undan feldinum í gær...úff hvað það er nú ljúft að komast aftur út á meðal fólks...Mér tókst nú samt í veikindum mínum að verðlauna mig pínu (þar sem að maður náði prófunum og svona *bros*), hafði samband við ætteiðingaskrifstofuna "Pennann" og ættleiddi lítinn prins af "Dell" ættum....úff hvað hann er fagur....hef gefið honum nafnið Nói *bros*.
Maður þarf víst að eiga tölvu ef að maður er í fjarnámi.....djö er orðið dýrt að vera í menntó - ég er ekki að segja að það hafi e-h.tíman verið ódýrt en shit......nú eru krakkarnir ekki menn með mönnum nema eiga fínustu fartölvuna og það er hálf plebbalegt að kaupa notaðar bækur........."hvað er það"......ótrúlegt að sjá hvernig litlu baunirnar þeirra virka......að sjá krakka koma inn þar sem að mamma og pabbi borga brúsann og síðan krakkana sem að standa að þessu öllu sjálf......dísus....það er hálf "sick" munurinn á hugarfarinu þar.....
En nóg um það.....ítalirnir skríða um bæinn einsog litlir maurar, flestir súrir eftir leik gærdagsins eða kanski bara þunnir eftir að hafa verið að drekkja sorgum sínum í gær...ítalir eru yndislega fyndið fyrirbæri.....got to love them....þessir litlu naggar halda að þeir séu mest sexy menn sem að fyrirfinnast....heheh....allt í lagi að leifa þeim það þessum greyjum....er samt viss um að það verði svaka ástand í Ítalíu næstu daga (þegar að þetta fólk er allt komið til síns heima) - það verða örugglega flest allir frá vinnu vegna eymsla í hálsi og höfði eftir allar þessar biltur og snúninga....þegar þeir/þær horfa á eftir öllum þessum ljóshærðu fögru fljóðum sem að ísland hefur uppá að bjóða...heheh
Jæja, ætlaði bara svona að láta heyra frá mér....vona að þið hafið það gott í dag...........

...guapitos...

...jæja lömbin mín...sólríkur laugardagur runninn upp og lífið leikur við mann...eða svona fyrir utan hita, beinverki, hor, hósta og svefnleysi...hihi...einhver verður víst að taka það að sér að vera veikur í svona veðri....já ég er sko sjálfboðaveik .... "góða konan ég".....
Á fimmtudaginn fór ég í þetta blessaða lokapróf mitt í stærðfræðinni og ó mæ god...hihi...þvílíkt uppsafnað stress og ógeð....en glöð að þetta er búið í bili....hríðféll á tíma en gekk vel í því sem að ég náði að klára....nú er bara að krossleggja fingur, lappir og eyru og vona það besta...
Jæja, ég ætla að skríða undir feld og halda áfram að vinna þessa sjálfboðavinnu vel...

...gera til geðs....

...vá hvað það er erfitt að gera fólki til geðs...hehehe...Íslendingar eru alltaf að kvarta undan veðurfarinu hérna á klakanum (einsog við eigum svo oft til að kalla þessa blessuðu eyju okkar)...það er alltaf of kalt, eða of mikill snjór, of mikið slabb...aldrei sól...well...sólin lætur sjá sig og þá er það ómögulegt líka ... hmmm...of heitt, maður svitnar svo mikið...etc..hvað þarf til....
Hmmm..ég er allavegana sátt og sæl...stefnan tekin á Austurvöll í hádeginu þar sem að snæddur verður ljúffengur ís með heitri súkkulaðisósu...."viljiði bita ?"

...stimpl...

..jæja, ég stimplaði mig inn úr sumarfríinu í gær....sál og líkami ekki alveg að starfa saman sem skildi, þó að ég sé mætt til vinnu er ég engan veginn hér...úfff....tekur örugglega smá tíma að komast í gírinn aftur...líka þegar að veðrið er svona...bærin alveg á iði...
Annars var sumarfríið alveg súper...naut mín alveg í botn...og ekki frá því að maður sé bara nokkuð brúnn og sáttur við fríið...maður fór út fyrir steypuklessuna eins mikið og maður gat, var alveg ótrúlega dugleg að læra...(úff lokapróf eftir 2 daga..shit)... já það gerðist svo mikið og merkilegt í fríinu...segi ykkur frá því betur svona hægt og rólega held ég...ég og erfinginn fengum marga góða sólardaga saman... maður borðaði ALLT of mikið af góðum grillmat (..eða er hægt að borða of mikið af góðum mat..hmm?)...Baðvogin tók mig allavegana á eintal eftir sumarfríið og tókum við þá ákvörðun stöllurnar (ég og vogin ss) að vinna aðeins á grillmatnum...
Þannig að nú er maður bara á fullu í æfingunum hehehe...
En jæja - nú er bara að sjá hvort að bloggpúkinn komi aftur úr sumarfríi...ég bið bara að heilsa ykkur og vona að þið hafið haft það alveg yndislegt...

.....ég er að fara í sumarfrí....

og það er rjómablíða...lítur mjög vel út....

....12 skrefin...

...já misjafn er nú aldeilis smekkur/vilji og veikleiki manna og allt það....það var semsagt að koma út bók sem að heitir " 12 spor til hráfæðis"...ok...öllu má nú ofgera...ég hef EKKERT á móti 12 spora kerfinu og hef orðið vitni að því hjálpa og breyta lífi margs fólk sem er náttúrulega bara frábært....en en en en.....þessi bók er um það hvernig enda megi fíkn sína í eldaðan mat.....WHAT...hvað er það.....þetta er bók fyrir fólk sem hefur áhuga lifandi fæði...æjæjæjæ...allt er nú til...
td er 4 sporið..
* Ég mun lifa í sátt við fólk sem borðar soðinn mat

Ó MÆ GOD

....

....VÁ hvað þessi dagur leggst vel í mig....8 tímar og 3 mínútur í að sumarfríið hefjist, ætli það spili eitthvað inní þessa gleði mína í dag...!?!?

....fiðrildin...

úff það er svo gaman að horfa á vini sína verða skotna/ástfangna...elska það.....Svo margir í kringum mig þessa dagana skotnir...vildi óska að ég væri skotin..*bros*
Hvað er betra tilfinningin sem að maður fær þegar að maður er skotin (segir maður það ekki annars, er maður orðin of gamall til að segja þetta..hmmm??) að fá sting/fiðrildi í magann þegar að skotið hringir í mann, hugsa um viðkomandi allan daginn, finnast herbergið lýsast upp þegar að manneskjan gengur inn...etc..
...í dag held ég á ég sé bara skotin í lífinu...og það er frábært...gaman og gott að vera til ...djö væri frábært að vera skotin allt lífið...það væri bara fullkomið *bros*

....mótmæli...

...VÁ...bærinn er FULLUR af fólki sem er að mótmæla .... það minnir svolítið á 17 júní (mannfjöldinn) nema það bergmálar yfir bæinn.."við viljum kjósa - við viljum kjósa !!!!"
Djö er ég ánægð með ykkur sem fóruð....ég horfði á í fjarska...

...Santa Cruz....

...Dísus hvað tíminn flýgur fram hja manni..fyrir 8 árum síðan var ég að synda undir þessum fossum og hafði engar áhyggjur aðrar en "ætli það séu blóðsugur í vatninu..."


...líður einsog það hafi verið í gær...

...uppáhalds...

....alveg finnst mér það erfiðustu spurningar sem að fyrirfinnast..."Hvað er uppáhalds maturinn þinn?"..."Hvað er uppáhalds bókin þín, myndin, lagið, litur, hljómsveitin/bandið, árstími...?"
Æi þið vitið...ég var spurð að þessu í gær og gat ómögulega svarað en komst svo að því að spyrjandinn hafði ekki hugmynd um sitt uppáhalds neitt heldur...held ég hafi spurt alla sem að ég þekki og hafa orðið á vegi mínum í dag og engin á sitt uppáhalds...eða sagt með vissu - fólk segir alltaf eitthvað en hætti svo við..."Humar er bókað uppáhalds maturinn minn - eða nei - lærið hennar mömmu - eða nei nautakjötið sem ég fékk á...."
Úff, ég er svo þrjósk og skal koma hér með lista yfir allt mitt uppáhalds.....(þó það taki alla ævi...*bros*)

mið-viku-dagur..

....2 dagar í sumarfrí...get ekki beðið....já svo er betri helmingurinn mættur galvaskur aftur til vinnu...djö er maður handlama án hans *bros*
Já, í dag er ég bara að springa úr gleði...allt að ganga upp - sem að getur gengið upp (maður fær víst samt ekki allt sem að vill...)...fékk lánaðann áttavita og er búin að velja mér leið á krossgötunum.....nú er bara að sjá....

...KÓNGA....

....hey, Kónga....næ ekki í þig...veit ekki hvort að þú lest bloggið þarna í sveitinni en ég er með smá fréttir handa þér...

VIÐ VORUM AÐ VINNA FERÐ TIL LONDON...gleði gleði gleði...

..."Survivor Ísland"...

...ég skora á alla þessa amerísku gaura sem eru að gera þessa vægast sagt ömurlegu raunveruleikaþætti (einsog Survivor) að koma til Íslands....Bara líf meðal Gunnars í Reykjavík (eða jú nó hvar sem er á landinu..) er nógu súrt til að gera góðan þátt...

Auðvitað ynni sá sem að hefði það súrast og gengi sem verst í lífinu....skuldir hans yrðu greiddar..víííí...
Þið vitið að það er alltaf svona drama kafli í Survivor þar sem að fjölskyldan kemur og étur pöddur og kúgast og svona (ótrúlega gefandi...)..well í þessum þætti kæmi e-h úr fjölskyldunni eða vinur og gæfi keppandanum svona fjárhagslegt sjokk...þið vitið.....sonur e-h lét lán falla á pabba sinn (keppandi), dóttir einnar þarf að fara í mega tannviðgerðir og svona (fjöllan má náttúrlega engan veginn við því), sonur einnar er spilafíkill og mamma (keppandinn) þarf að borga skuldirnar "pronto" eða fær handrukkara með hamar í heimsókn...æi þið vitið bara þetta normalbrauð í lífi íslendinga...Síðan eru alltaf svona "friðhelgiskeppnir" og þá yrðu settar upp svona alskyns þrautir...*lifðu á 15-20 þúsund út mánuðinn (meðal fjöllan eða einstætt foreldri)..sá sem að kæmi best út úr þessum þrautum fengi einn skuldlausann mánuð ("friðhelgina)...síðan auðvitað yrði alltaf e-h kosinn úr hópnum....

Já börnin góð, ég er öll í því að koma þessum þætti á laggirnar...heheh...Er komin með nett ógeð af því að heyra menn með nokkur hundruð þúsund á mánuði segja "það er vel hægt að lifa á ...... á mánuði" ... Börnin fá Vísakort og yfirdrátt í vöggugjöf .... og og og og.....

...The reason...

er gott lag sem að ég er með á repeat þessa dagana...man ekki hvað hljómsveitin heitir...eitthverju furðulegu nafni...e-h við rödd söngvarans sem að heillar...hmmm veit ekki...ekki alveg mín týpa af tónlist so far en ég meina hlutir, fólk, smekkur og skoðanir geta víst breyst..hef ég heyrt.
...Er á pínu krossgötum í lífinu þessa dagana..veit ALLS EKKI í hvaða átt ég á að fara..og að maður sé áttavilltur að eðlisfari er ekki að hjálpa..hmm..en ég fæst víst svör á föstudaginn...heheh...síðan er líka svo gott fólk í kringum mann sem að hjálpar manni að rata þegar að maður er villtur..maður þarf víst bara að kyngja stoltinu stundum og biðja um hjálp, er það ekki málið....
En lífið er bjart í takt við sólina sem að skín á borgarbúana í dag...átti alveg YNDISLEGA helgi með úber GÓÐU fólki....ég, erfinginn og gíraffinn verðum víst í e-h bók-ljósmyndabók eftir e-h norðmann....svona svolítið svipaðri og "íslendingar" sem að var að koma út núna...já maður gerðist bara módel í góða veðrinu í gær...gaman að því....svo fékk ég þær fréttir að ég er kanski, vonandi, held það komin með íbúð í september ef guðirnir lofa...æiæiæi...gleði gleði í höllinni bara...
Bið að heilsa ykkur að sinni...fáið ykkur ís með "lúxus" dýfu í tilefni dagsins...

...hæhó jibbíjei...

...vííííí....33 mínútur í helgarfrí (ég er ekki að telja niður - nei nei) og 7 dagar í sumarfrí...bara gleði á bænum.
Plan helgarinnar er að læra í kvöld, tilraunaeldhúsið mitt (sem er btw orðið mjög frægt *glott*), vakna svo eldsnemma og eiturhress með prinsessunni minni, baka súkkulaði/karamellu/kaloríubombuköku dauðans og fara með það yfir í hús andanna þar sem að engillinn er með lögheimili yfir helgina, liggja í heita pottinum (vona að það verði rigning) *bros* og sjóða rúsínumynstur í fingur og tær...síðan bara góður matur með litlu famelíunni, lærdómur og kósýheit um kvöldið...sunnudagurinn á síðan að fara í pikknikk með fegurðarálfinum og prinsessunni minni e-h.staðar rétt út fyrir klessuna (í þetta skiptið óska ég eftir sól *bros*)
En jæja, ég óska ykkur allra gleðilegrar helgar...vona að þið gangið varlega um gleðinar dyr og séuð öll með réttan lykil...annars get ég bennt ykkur á góðan lása & lyklasmið í grendinni....

Nýjir linkar...
Býflugan
Gæsin

..var ekki alltaf próf á föstudögum...??

You are Kermit the Frog.
You are reliable, responsible and caring. And you
have a habit of waving your arms about
maniacally.

FAVORITE EXPRESSIONS:
"Hi ho!" "Yaaay!" and
"Sheesh!"
FAVORITE MOVIE:
"How Green Was My Mother"

LAST BOOK READ:
"Surfin' the Webfoot: A Frog's Guide to the
Internet"

HOBBIES:
Sitting in the swamp playing banjo.

QUOTE:
"Hmm, my banjo is wet."


What Muppet are you?
brought to you by Quizilla

..í dag...

...er víst föstudagur, líður einsog það sé miðvikudagur, hlakkar til kvöldsins einsog það sé laugardagur, jafn þreytt og ef að það væri mánudagur, janf mikið að gera í vinnunni einsog það sé þriðjudagur, vildi óska að það væri sunnudagur en í gær var víst bara fimmtudagur...

Hefur ykkur einhverntíman liðið svona *bros* ??

...fne...

Heheheh (samt ekki fyndið....) í 10 fréttunum á Bylgjunni áðan var frétt frá Ameríkunni þar sem að var verið að tala um hryðjuverk og 4th of july hátíðarhöldin sem eru þar á næsta leiti..
Well það hafa verið gefnar út yfirlýsingar frá bandarísku stjórninni þar sem fólk er hvatt til að hafa augun og eyrun opin fyrir öll "óeðlilegu"...svo sem skringilega lyktandi fólki í víðum fötum þar sem að vírar standa út fyrir klæðin...

-Bíddu er eitthvað skrítið við það *hugs*

Snilld..

...Túrhestarnir í dag....

* eru klæddir einsog þeir séu á leið uppá jökul
* eru með girt vel upp undir handakrika
* eru flestir með peningaveskin um hálsin
* eru flestir að leita sér að stað til að sitjast INN á
* eru flestir með rassa sem eru 2 nr of stórir
* tala alveg óheyrilega hátt
* kaupa sér ALLIR Lundaboli/bolla
* spyrja margir hvort að Laxness hafi verið að skrifa um "íslenska drauminn" þegar að hann skrifaði "Independent people"...erum enn undir dönum í þeirra augum...hmmm
* verða allir miður sín þegar að ég útskýri fyrir þeim hversu langt í burtu Mc Donalds er en ljóma allir þegar að ég segi þeim að Subway er í mínútufjarlægð...

* eru ALLIR amerikanar .... *hrollur*