..un fin de semana buenísimo....

...jebb - gæti varla hafa beðið um betri helgi, skap, náttúru, veður, fólk, mat....bara allt svo fullkomið. Vantaði reyndar Mjallhvítina mína en held hún hafi bitið aftur í eplið sitt - því miður er ég ekki prinsinn sem kyssir hana svo að hún vakni...var það ekki annars Mjallhvít sem beit í eplið og féll í "dá" ??
Ég held að við mæðgur höfum óverdósað af súrefni um helgina, erum nær ekkert búnar að vera innandyra síðan á föstudaginn...ótrúlega ljúft.
Föstudagurinn fór í kúr heima hjá "Tígrisliljunni" okkar, þurfti reyndar að fara með vin minn á slysó þar sem hann braut á sér öklann...var þar í góða 3 tíma og held að maður geti varla fundið ómanneskjulegri og leiðinlegri biðstofu en uppá bráðamótöku...maður situr þarna inni þar sem öll húsgögnin eru úr einhverju ljótu járni, blöðin frá '86 og manni líður einna helst einsog sardínu í dós...nowhere to go, nothing to do...síðan rann laugardagurinn alveg úber ljúflega niður í takt við veðrið...og jújú hafði bara gaman að júró....Gísli Marteinn var einstaklega bitur og það var bara gaman *bros*..síðan sóluðum við mæðgur okkur á Þingvöllum í dag (sunnudag), borðuðum ís og brostum framaní túristana sem að þóttu við einstaklega skemmtilegar og áður en við vissum af vorum við orðnar gædar hjá hóp af mjög fjörugum spánverjum...síðan mættum við í bæinn galvaskar og fórum í grasagarðinn, enduðum svo þessa helgi með yndislegu matarboði þar sem ég eignaðist eitt stykki fósturbróður (held ég *bros*)..erum núna hálf afvelta mæðgurnar...tilbúnar að skríða undir "feld" og halda af stað inní draumalandið...jáms einsog ég sagði áðan þá var þessi helgi bara "nær" fullkomin...hlakka til að takast á við nýja viku - vá, það eru að koma jól bara, tíminn líður svo hratt...úffa