..dúddírú..ég fer í fríið, ég fer í fríið...

Jæja föstudagurinn runnin upp - við mæðgur tilbúnar til að halda af stað á þjóðveg 1 og hlakkar í okkur einsog börnum á aðfangadagskveldi að farast úr spenningi yfir að fá að opna pakkana :)
Nú óma ferðalögin/föstudagslögin..."ég fer í fríið...."....búnar að hlaða burrann og nú skundum við af stað ...
Vona að helgin verði falleg og góð við ykkur öll og þið góð á móti....

"öll dýrin í skóginum eiga að vera vinir"

Sól sól sól...og ís :)

Nú er aldeilis pressan á manni að skrifa - því jú ég er oficially orðinn lélegasti bloggari sem sögur fara af...
Það er allt í gangi í litla kotinu og lífi okkar mæðgna. Fullt af breytingum á þessu fallega lífi - sem ég held að
séu bara af hinu góða ... verður maður ekki að lýta á það þannig ?
Lífið hefur alltí einu snúist heilan hring, ekkert einsog það var eða einsog "það á að vera" og ég er bara nokkuð
sátt ef að ég á að segja einsog er *bros*
Litla dýrið fer norður yfir heiðar á föstudaginn og við Yolanda höfum ákveðið að skutlast með dýrið...ferðinni var flýtt um viku og voru
allt önnur plön áður borðlögð sem er jú pínu svekkjandi - en maður bara gerir hið besta úr hlutunum og heldur brosandi út í dagin og barasta
veltir sér ekkert uppúr því...
Ég er bara farin að hlakka mikið til þessa litla bíltúrs okkar - erum meira að segja að spá í að breyta þessu litla "roadtrip" í svona "mini sumarfrí" og gista einhverstaðar hinumegin við heiðina *jeij*..
Annars er farið að styttast ansi mikið í sumarfríið hjá "húsmóðurinni" og hefur verið ákveðið að fara í tjaldferðalag um litlu eyjuna fögru...fara bara hringinn með góðu stoppi hjá Bjólfi kærastanum mínum...ég hlakka svo til að ég held að ég sé að springa..get eiginlega ekki beðið - en maður verður víst :)
Sumarfrí með sem minnstum plönum, helst að fara bara þangað sem sólin skín og öll úr bönnuð....svona tímalaust ferðalag - hljómar vel...eða hvað finnst ykkur?
Hvað er með veðrið þessa dagana - það er æææði....við kotverjar eru samt farnar að líkjast Körfum heldur mikið .... en ég meina maður kvartar ekki yfir svona sælu....elska þetta veður! Síðan eru svo margir óléttir sem að bara eykur á gleðina á mínum bæ.....óléttar konur er svo fallegar, svo glóandi...er hægt annað en að verða hamingjusamar þegar að maður sér þær?
En já, nú er nóg af tuði í bili...ég ætla ekki að lofa að bæta mig...skrifa næst þegar að hugurinn leitar hingað :)

Sólarkveðjur til ykkar allra...

..námsmaðurinn..

Ég á í mesta basli við að skrifa þessa dagana, ég hef svo mikið að segja og veit ekki á hverju ég ætti að byrja, ég er ekki alveg að getað ákveðið hvort það eigi heima í netheimum eða ekki, ég er orðin rugluð þegar að það kemur að því að skrifa á íslensku - ég er föst í því að hugsa á spænsku, snúa því yfir á ensku og þaðan íslensku, eða öfugt þannig að útkoman verður einsog mjög illa þýdd skáldsaga sem að einhverjum ástæðum var samt gefin út (notabéne - hata þegar að það er gert *heh*)....
Ég vinn á kvennavinnustað (sem er bara frábært - allt góðar konur, margbreytilegar og misjafnar..), þar er mikið er gert að því að "ræða málin" - ég get ekki sagt að ég sé góður meðspilari í þeim leik þar sem ég er ekki mikið fyrir það að ræða mál annarra í fjarvist þeirra né ræða "mín" mál nema við þá sem standa mér næst - ég er ekki að segja að ég sé fullkomin-langt í frá, ég hef talað um aðra þó þeir séu víðsfjarri ... ég er bara að segja að ég legg það ekki í vana minn né nenni að eyða kaffi eða matartímanum í það....skiljiði hvað ég er að fara?
Allavegana, við sátum saman í kaffi um daginn og jújú það var verið að tala bara um lífið og tilveruna þegar að ein snýr sér að mér og segir..
"Urður - þú virðist vera sú sem mest veist um alla en enginn virðist vita neitt um þig!"
Hverju svarar maður, ég spyr?
Stundum held ég að það standi skrifað einhverstaðar á mér...."koddu til mín, segðu mér ALLT um þig - ég lofa að segja það engum!!"....
Ég viðurkenni það alveg að ég hef einstaklega gaman að því að fylgjast með fólki og hlusta á það þegar að það hefur eitthvað merkilegt að segja um sjálft sig, ég legg orð í belg þegar að ég held að það geti skipt einhverju máli eða þegar sá eða sú leytar svara...guð minn góður, ekki halda að ég sitji bara alltaf og þegji...
Stundum held ég að þetta sé það sem geri mig að þeirri manneskju sem að ég er, sé minn "skóli".. ég læri af lífi fólks (einsog við öll)....ég horfi og hlusta á fólkið í kringum mig og "glósa"
*Þetta vill ég....
*Þetta vill ég ekki...
*Svona myndi ég aldrei gera...
*Svona ætla ég að gera það...
*Þetta myndi ég aldrei láta út úr mér...
*Ég vona að einhvern daginn fái ég tækifæri til að segja einhverjum þetta...
......

"Urður - þú virðist vera sú sem mest veist um alla en enginn virðist vita neitt um þig!"
Þessi setning situr í mér - hún truflar mig en á sama tíma veitir hún mér einhverja svona öryggistilfinningu...
Á ég að breyta mér - segja öllum allt mögulegt um mig á öllum mögulegum stundum...eða halda mínu striki og halda áfram að glósa .....spurning *heh*

..laugardagur til leiðréttinga...

...við mæðgurnar vöknuðum eiturhressar klukkan 6 í morgun, einsog flestalla aðra morgna nema hvað ég er farin að efast um ágæti þess að við búum bara tvær í kotinu um þessar mundir....
Þegar að 27 ára gömul kona býr ein með 4 ára gamalli píu og er með henni 98.7% af tímanum fer þessi 27 ára smám saman að tala við 4 ára barnið einsog jafnaldra sinn - um hina ýmsustu hluti (ég veit hvar þessi fína lína liggur, ekki hafa áhyggjur *glott*)...
Síðustu dagar hafa mikið snúist um pólitík á þessu heimili þar sem fátt annað er í boði í fjölmiðlum og þar sem þessi 4 ára er með eindæmum forvitin, lærdóms og fróðleiksfús hef ég reynt eftir bestu getu að svara spurningunum sem koma einsog á færibandi til mín....
Sú stutta bjó til dagatal til að telja niður til kosninga (held hún sé spenntari fyrir þeim en jólunum), ég held að hún viti nöfnin á fleiri stjórnmálamönnum en ég og eflaust líka hvaða flokkum þeir tilheyra - ég bíð bara eftir að hún segir hvað sé á stefnuskránni, hún veit hvað við kjósum á þessu heimili og hvað við kjósum EKKI, hún veit við erum "til vinstri" ekki hægri og vill tildæmis að við beygjum bara til vinstri þegar að við erum keyrandi eða gangandi, séum á vinstri akrein og veifar nú með vinstri þó rétthennt sé (þetta er voða sport) hún segir ótt og títt "mamma, við erum vinstristelpur - er það ekki?"

...í morgun vaknaði ég við "mamma, mamma, mamma.....vaaaaknaðu - við verðum að fara í sparífötin og flýta okkur að kjósa"...Þannig að nú 3 tímum seinna erum við komnar í "betri fötin" og erum galvaskar á leið á kjörstað - ég er alin þannig upp að á kjörstað fer maður í sparifötunum með bros á vör, í þeirri trú að atkvæðið þitt skiptir máli..

Ég vona að dagurinn verði fallegur og góður við ykkur öll.....hasta pronto!

...vakna árinu eldri...

...í dag vakna englarnir mínir þrír árinu eldir...
Erfinginn, Hrönnslan og Tinna - til hamingju með daginn, vona að hann verði nú jafn fallegur og góður og þið þrjár eruð !!!

Titanic - Two the surface

...eruði ekki að grínast með þetta ??
Kaninn er næstumþví jafn duglegur að "mjólka" framhaldsmyndir einsog við að "mjólka" Supernova-tónleikana...úffa

..walking down memory lane - with boxes in my hands....

Jæja - ó svo margt gerst síðustu vikurnar. Veit vart hvar ég á að byrja.
Við mæðgur erum "semí" fluttar - fer í dag og geng frá Langholtsveginum og skila honum af mér, það eru viss þáttaskil í mínu lífi - okkar lífi.
Mætti segja að "litla kotið" hafi bjargað okkur mæðgum á sínum tíma - andlega. Við eigum svo margar fallegar minningar úr kotinu og margir fallegir einstaklingar hafa átt stóran þátt í að búa þær til...verður erfitt, skrítið, tómlegt að skila af sér - en að sama skapi erum við að byrja uppá nýtt á nýjum stað í nýju hverfi og það leggst mjög vel í mig. Enda skilja fyrri íbúar bara gott eftir sig - sem í mínum bókum skiftir höfuð máli.
Litli kjúllinn á heimlinu er að "missa sig" yfir öllu plássinu sem hún hefur og veit varla hvernig hún á að haga sér.

Það er hálf skrítin tilfinning að flytja heimilið sitt, þó kotið hafi verið smátt leið okkur mjög vel þar, búnar að búa okkur fallegt heimili, hver hlutur átti sinn stað, áttum okkar gönguleiðir sem oft voru farnar, kauppmaðurinn á horninu (Rangá), Helgi eilífðarmótmælandi alltaf 2 húsum í burtu með heimagerðu skiltin sín - einhverra hluta vegna tók hann ástfóstri við litla dýrið og gekk áleiðis með okkur þegar að við fórum í Rangá á laugardagsmorgnum eða til Jóa Fel á sunnudagsmorgnum...æi ég veit það ekki - maður kemst í rútínu, kanski festist maður í þeim - who knows, á meðan manni líður vel þá ætti það ekki að skifta máli.Nú er bara að finna nýjar rútínur og nýja leið....og okkur mun mjög líða vel.
Enda ekki hægt annað, komin aftur á æskuslóðir, mikið af góðu fólki allt í kring og hef innst inni mjög gaman að því að litli erfinginn alist upp 2 húsum frá staðnum sem ég ólst upp á.....er það skrítin tilfinning?

Ég get ekki beðið eftir að fá bókaskápana/hillurnar mínar svo að ég geti farið að raða bókunum mínum - já það er viss fetish - bókafetishinn...sem ég held að mjög fáir skilja, jú nema kanski mamma, Kollan mín og Æsa....Held samt að Æsan sé án efa konungur bókauppröðunar í heimilisbókahillum .... hvað segirðu, var það í stafrófsröð eftir eftirnafni eða fornafni, íslenskur eða erlendur - fræðibækur eða skáldsögur...heheh ?? Já þessu fylgir mikil pæling og slatti af ást sett í það líka.... ;)

Já einsog ég segi, hlakka óstjórnlega til að koma öllu á "sinn" stað í nýju íbúðinni, fá borðstofuborðið mitt og stólana (erfinginn er samt ekki sátt við það - "en mamma, þá hef ég ekkert dansgólf lengur"), losna við kassana, raða bókunum og öllu þessu smádóti sem eltir mann, hlakka til að setja nafnið mitt á bjölluna, halda fyrsta kaffiboðið, barnaafmælið ...... ég hlakka til!

Að flytjast búferlum er svolítið svona "walking down memorylane" tilfinning - maður fer í gegnum ógrinnin öll af dóti, sorterar og hendir....maður kemst ekki hjá því að skoða allt sem maður á og geymir - og dísus kræst það sem maður geymir, ég fann t.d. í þetta skiftið dásamlega hluti einsog;
* Fyrstu bekkjarmyndina sem var tekin af mér eftir að ég flutti heim til íslands,
* Ástarbréf frá "kærasta" sem ég átti þegar að ég var 10 ára - yndislegt hvað maður er einfaldur og fallega þenkjandi þegar að maður er ungur!
* Box með miðum sem skrifaðir voru í tíma í Grandaskóla og Hagaskóla (god knows af hverju þetta var geymt, en það er það nú samt og á sitt eigið box
*heh* )
* Miði af Fugees tónleikum sem haldnir voru hér um árið - þeir voru geðveikir (eða í minningunnni allavegana)
* Leikhúsmiðinn af fyrsta deitinu.....
* Teiknimyndasería sem ég og Sirrý bjuggum til....vantaði ekki hugmyndaflugið á þeim bænum!
* Myndin góða (*heh* Kolla - við vorum, erum og verðum alltaf spes - elska það)
* Fullt fullt fullt af vidjóspólum sem teknar voru á með "ekta gamaldags" vidjókamerum....þarf sko að láta flytja þetta yfir á dvd til að eiga *snilld*
* Samningur sem gerður um það leiti þegar að ég og Tinna urðum "blóðsystur" - frekar kanski ástæður fyrir vináttu okkar....
....já æi ég gæti haldið endlaust áfram....
Einsog ég segi hefur megnið af mínum tíma farið í pakka, taka uppúr kössum, þrífa, vinna og sofa....
Ég lofa að fara að skrifa eitthvað skemmtilegt þegar að tími gefst.....
---> Auðvitað langar mig að þakka öllum sem að hjálpuðu til síðustu helgi.....hefði aldreig getað gert þetta án ykkar.....TAKK TAKK TAKK !!

...vei vei...

..ég elska að fá "fréttirnar" fyrst - það er svo mikill heiður....

...lífið og tilveran....

..copy/paste....rakst á áhugaverða bloggfærslu inná síðunni hennar Guðfríðar Lilju sem ég rambaði inná af tiliviljun - Þetta er yndisleg grein sem að fær ábyggilegasta súrasta fólk til að hugsa aðeins um lífið og tilveruna..

"Í kirkjugörðum heimsins hvílir ómissandi fólk" söng Ellen Kristjánsdóttir á Vetrarsólstöðum Náttúruvaktarinnar um daginn. Það er mikill sannleikur í þessari setningu og ég hef hugsað dálítið um það nú um hátíðirnar. Í kirkjugörðum heimsins hvílir ómissandi fólk.

Líf okkar flestra hafa með margvíslegum hætti verið snert af ólíku fólki sem á einn eða annan hátt er horfið úr lífi okkar. Sumir hafa misst ómissandi ástvini á árinu á meðan öðrum hefur verið fengið nýtt líf í hendur. Við tímamót er það áskorun að taka allt það besta frá hinum ómissandi sem hvílast og fara með það áfram, geyma það og varðveita, rækta og miðla, en skilja það slæma eftir og leyfa því að tilheyra fortíðinni. Tengja framtíð við fortíð með því besta en ekki því versta.

Sumir fá aldrei annað tækifæri, en við hin sem enn stöndum getum búið þau til á hverjum degi. Í lífinu glötum við einhvern tímann einmitt því sem er ómissandi, óyfirstíganlegt, en við fáum áfram óvænt tækifæri til aukins þroska og vaxtar, kærleika og hlýju. Á hverjum degi sem rís getum við tekið á okkur örlítinn rögg og breytt einhverju litlu - þó ekki sé nema einhverju pínulitlu í okkur sjálfum. Það er erfitt og stundum ómögulegt, en góðar hugsanir um ómissandi fólk eru meðal þeirra afla sem geta hjálpað okkur til þess.

Ég vona að nýja árið færi okkur öllum tækifæri til að vera örlítið gjafmildari, umhyggjusamari og sannari í dag en í gær - og að við komum sem oftast auga á óvænta gleði. Við erum yfirfull af göllum og vanmætti, en Davíð getur samt alltaf unnið Golíat, ekki síst ef þeir á endanum búa báðir innra með okkur.

Njótiði lífsins og hvors annars.

...*heh* spurning með ný gleraugu...

..svolítið fyndin þýsk auglýsing....

...Stykkorðin 2006....

Janúarsnjór: sleðaferðir - OE - Kollzuafmæli - bókaútsölur - mokstur - sunnudagssnúðar - Einholtið - bóndadagur - þreyta - reunion - gleymska.
Febrúarhægagangur: sumarbústaður - uppgjör - nýtt sófadýr - sala - konudagsrósir - bollur - sprengimatur - lærdómur - innivera - Heiðmörk.
Marsafmælin: Solla stirða - Norðanferð - matarboð - árshátíð - amma rúlla - töluleikir - Tinna Diljá - afmælisbörnin - Kolaportið - Túngötubakgarður - erfinginn 3ja ára - brúðkaup - ný vinna - kveðjustund.
Páskaapríl: amerísk afmæli - OE - bókapartý - ný vinna - spánverjar - nýtt fólk - hjól - hjólreiðatúrar - Don Hörður - fermingar - ótti - pepp.
Fjölskyldumaí: Danmerkurbúar - námskeið - sunnudagskaffi - fundir - súkkulaðikökur - frænkur - boð - norðanferð - sól - eldhúsframkvæmdir - heimalingur - Tómas & Kristján - Austurvöllur - Kolla - Vigdís Grace - Luna - Keflavík - Fjölskyldugarður - Iceland Complete - Erna Rán.
SólarJúní: Luna - sól - Einholt - tjald - Hrönn - Þingvellir - ís - sunnudagsbíltúrar - vinnubrjálæði - grill - subwaysmákökur - Grænland - menning - fegurð - jöklar - Sara Rut - lýðveldi - gat í loft - endurfundir - hamfarir.
Erfingjalausjúlí: Norðanför - tómt kot - mikil vinna - sól - Stullz - Vigdís Grace - hjálp - Tóta - Pusi - Luna - skip - Einholtsframkvæmdir - loftbrot - tjald - vinir - Harley Davidson - Kolaport - Hrönn - Mongópartý - grill.
Endurfundaágúst: Don Hörður - goooool - fótbolti - gaypride - menningarnótt - flugeldar - samvera - fjöllistamenn - stolt - maraþon - Latibær - Tómasarparty - framkvæmdir - Kollakolaport - Spiderman - svefnloft - Blue Lagoon - vinnugleði - ömmuhús - rifsber.
Septemberhlýja: Ber - sulta - Erna Rán - útivera - Austurvöllur - Kollan - Bæjarins Besta - sáupukúlur - Vigdís Grace - Hvalfjörður - Doña Katla - brúðkaup - hjólreiðatúrar - hjól - fjöruferðir - haustlauf - sorg - fjölskylduboð.
Samveruoktóber: Afmælisbarn - heimboð - Njálsborg - amma rúlla "brill" - surprise - barbie - þakklæti - fjölskyldan - samvera - úrslitakostir - rólegheit - barnavagn - endalausar gönguferðir - blíðviðri - OE - Stockholmur - George Michael - góður hópur - englar - Bush - týndir vinir fundnir.
Náttúrunóvember: Nautólsvík - Gróttan - Heiðmörk - Þingvellir - Gullfoss - picknick - Nesfjöllan - New York búar - Vivienne Vigdís - Hólmar - trúnó - kaffi - notalegheit - Hveró - snjóleysi - Doña Dúa fimmtug - Hrufa - laufabrauð - konfekt - bakstur - málun - spiparkökur - flensur - England - fótbolti - snillllllld.
Dúnmjúkurdesember: samvera - kertaljós - kransar - hlýja - myndatökur - stúdíó - Njálsborg 25 ára - Karlotta - sumarbústaður - próf - fullt tungl - kanínur - flóð - hrós - heitir pottar - pakkar - kort - föndur - Túngötutrúnó - sög - veikindi - sólarlag - súkkulaði - málverk - Tómas & Kristján - hlátur - gleði - sorg - villibráð - ís.

..plötusnúðurinn ég....aha

Urður Harðardóttir spins tunes as DJ Snappy Space Get your dj name @ Quiz Me

..erfiðir dagar að baki...

...já ég get með sanni sagt að ég kvíði 26. des. á hverju ári - honum fylgir alltaf, dauðsföll, sjúkrahúslegu, erfiðar minningar eða mikil veikindin og þar af leiðandi ekki mikill gleðidagur í mínum bókum...og annar í jólum þetta árið var engin undantekning.
Nú er hann að baki, vonandi og maður gerir hvað eina til að bera bara höfuðið hátt og brosa framaní dagana sem koma...ég stend mig að því á hverju ári þann 26. des, segja við sjálfa mig eða þann sem þarf á því að halda "næsta ár verður betra, næsta ár verður öðruvísi" - og alltaf trúi ég því, verð nú að viðurkenna að það verður erfiðara í hvert skiftið en á meðan ég trúi að það verði betra og það verði öðruvísi held ég að ég sé nokkuð vel sett - er það ekki?
Sagt er að ekki er lagt meir á manneskjuna en hún þolir....askoti erum við sterk!!
Á meðan að ég get enn staðið upp þegar að ég hrasa eða dett og á meðan ég get ennþá hjálpað öðrum að standa upp þegar að þeir hrasa eða eru alveg að bugast - þá er ég glöð og sátt ....

...gleði..

...jæja "stóri" dagurinn kominn og farinn - allt var yndislegt og gekk upp!
Við feðginin borðuðum dýrindis hreindýrakjöt og meðlæti meðan restin af famelíunni "hélt í venjuna" og borðaði hamborgarahrygg en nartaði að sjálfsögðu í dýrið líka, enda ekki annað hægt - það var svoooo gott...heimagerði ísinn var snæddur af bestu lyst, rauðvínið rann ljúflega niður, allt of margar Sörur borðaðar, pakkar opnaðir, jólakortin lesin, mikið spilað og hlegið - Fimbulfamb er BARA skemmtilegt spil...
Hef heyrt að gjafirnar frá okkur "langmæðgunum" og jólakortin hafi vakið mikla lukku og fyrir það er ég líka glöð og þakklát - einna best finnst mér að vita að geitin hitti í mark og gladdi (ég reyndar keypti hana handa sjálfri mér en ákváð frekar að gefa hana áfram...)- hefði viljað gefa fleiri....
Aðfangadagur fékk 4 stjörnur þetta árið ;)
Vildi nú bara þakka kærlega fyrir allar fallegu gjafirnar sem ég fékk - hittu allar beint í mark og þótti ótrúlega vænt um ÖLL jólakortin sem bárust....væru sko engin jól án jólakorta...yndislegt allt saman...

...jebb ég brosi hringinn er ánægð með lífið og dagana, er hægt annað - Takk fyrir mig!!

...Þorlákur...

..jæja - langþráður dagur runnin upp, litla jólahjartað mitt slær hin fallegustu jólalög og ég brosi allan hringinn. Maður lætur nú ekki smá "sudda" hafa mikil áhrif á sig, er það nokkuð?
Erfinginn komst loksins með flugi norður eftir um rúmlega sólarhrings bið...alveg er starfsfólkið hjá Flugfélaginu hetjur gærdagsins í mínum huga - þvílíkur viðbjóður sem fólk var að láta út úr sér við þau, ég skammaðist mín og ég skil ekki svona framkomu. Fólk gekk svo langt að persónugera reiði sína og lét hluti einsog "gerirðu þér grein fyrir því að ÞÚ ert að eyðileggja jólin fyrir okkur fjölskyldunni með öllu þessu" - "hvernig getum við haldið gleðileg jól ef við komumst ekki norður/austur/vestur vegna þess að ÞÚ skipuleggur ekki nógu vel flugumferðina ef að svona skyldi koma upp (frestun/seinkun þ.e.a.s.)"...ég er með svo lítið hjarta að ég hefði farið að gráta ef einhver hefði sagt þetta við mig og hefði örugglega farið að biðjast afsökunar Á VEÐRINU...dísus..einsog ég sagði, starfsfólkið stóð sig vel og tók á þessu eftir bestu getu og ég vildi óska að ég gæti gefið þeim öllum pakka *heh*....geri það bara í huganum!
...Nú er það Bónusferð fyrir þá gömlu sem þakkar örugglega fyrir það að hafa aldrei tekið bílpróf á svona dögum því þá fer ég örverpið fyrir hana í allar þær búðir sem frúin óskar - og geri það með glöðu, ætli það sé ekki orðin partur af jólahefðinni, drekka kaffi með frúnni, fara yfir inkaupalistann og skunda svo í búðir með bros á vör...skrítið, ég hata stórverslanir og mannmergðina sem er þar alltaf en á Þorlák mætti hun vera tvölfalt stærri og tvöfalt troðnari og ég kippi mér ekki upp við það....ég hlakka til alls í dag og er svo glöð...pínu meyr vegna fjarveru engilsins....en maður bara geymir söknuðinn í litlu hólfi í hjartanu og heldur áfram út í daginn með jólaskapið og brosið að vopni....
Ég óska ykkur öllum gleðilegan Þorlák og vona að dagurinn/kvöldið verði nú fullur af jólabrosum...skiljiði bara stressið eftir heima því þetta hefst allt að lokum, gerir það alltaf, er það ekki??

...John Lennon og Yoko syngja mig inní daginn.....Happy Xmas....jólajóla...

...hvað er hægt að gera í lyftunni....(af því lyftuferðir eru svo skemmtilegar alltaf)

1. Ef einungis ein manneskja er í lyftunni, skaltu pikka í hana og þykjast svo ekki hafa gert það.

2. Ýttu á takka og láttu sem þú fáir raflost, brostu og gerðu það aftur.

3. Spurðu fólk um hvaða hæð það sé að fara á og ýttu svo á vitlausa takka.

4. Hringdu í Sálarrannsóknafélagið úr gemsanum og spyrðu hvort þeir viti á hvaða hæð þú sért.

5. Misstu pennann þinn a gólfið og bíddu þar til einhver tekur hann upp og öskraðu þá:"ÉG Á HANN"

6. Taktu myndir af öllum sem koma inn í lyftuna.

7. Settu skrifborðið þitt í lyftuna og spyrðu alla hvort þeir hafi pantað tíma.

8. Farðu í flugfreyju-gírinn og segðu öllum hvað skal gera í neyðarástandi.

9. Stattu mjög nálægt einhverjum og þefaðu vel af viðkomandi.

10. Sláðu til ímyndaðra flugna.

11. Grettu þig, lemdu í hausinn á þér og segðu:"Þegiði, þegiði allir!!!"

12. Búðu til handbrúðu úr gömlum sokk og talaðu við alla sem koma inn.

13. Líktu eftir sprengjuhljóði i hvert skipti sem einhver ýtir á takka.

14. Starðu hreykinn á viðstadda og segðu þeim að þú sért í nýjum sokkum.

15. Teiknaðu hring á gólfið og tilkynntu viðstöddum að þetta se þitt persónulega svæði.

...þetta er alfarið tileinkað henni Yolöndu minni !!!!!

...falleg helgi að baki..

...við mæðgur áttum að ég held með fallegri helgi saman sem við höfum átt saman í langan tíma - svona stundir í lífi mans eru svo ómetanlegar og skilja svo margt eftir sig - vonandi hjá okkur báðum.
Þar sem maður hefur verið frekar "skrítin" að undanförnu sökum prófa og mikillar vinnu ákvað ég að litla dýrið fengi nú hverja mínútu af helginni sem leið.
Hápunktur helgarinnar held ég samt að hafi verið þegar að ég, erfinginn og Don Hörður fórum eldsnemma í sunnudagsbíltúr sem endaði uppí Heiðmörk þar sem við völdum og hjuggum okkar eigið jólatré, það var nú ekki margt um mannin þegar að við komum þangað þannig að sú stutta fékk mikla athygli jólasveinanna á svæðinu, heitt kakó var á thermobrúsum og smákökur í dúnkum...röltum aðeins um svæðið "mínískóginn" og nutum veðurblíðunnar, lékum okkur í nýföllnum snjónunum - snjóenglar framleiddir, gamalt fólk grítt með snjóboltum, rendum okkur í brekkunum og bara nutum þess að vera saman...Þegar við loksins fundum hið fullkomna tré (sem er btw flottasta tré sem ég hef átt og haft...) og komnar að skálanum aftur þá var orðið margt um mannin og fjölskyldurnar farnar að flykkjast að - þetta svotilgerða 6 bíla bílastæði var vel sprungið af svona 30 jeppum og óðum fjölskyldum í leit að "sínu fullkomna tréi". Ég mæli með þessu fyrir hvern þann sem hefur tök á að fara þarna að ári og ná sér í tré og fallegar minningar - held ég hafi fundið "jólahefðina" handa okkur mæðgum sem ég hef verið að leyta að ......okkur er í það minnsta báðum farið að hlakka til næsta árs þegar að við förum aftur ;)
Í gærkveldi var svo kveikt á þriðja kertinu á litla aðventukransinum okkar og tréð skreytt meðan jólalögin ómuðu í kotinu....gerðum konfekt í konfektmótum, með fyllingum og alles, skelltum okkur í "sveitina" og skárum út laufabrauð og skreyttum piparkökur með góðum hóp af fólki...
Stuttlingurinn fór í myndatöku á föstudaginn, sem tókst vonum framar - er búin að fá send "sýnishorn" sem að lofar bara góðu - lýst vel á þetta og hlakka mikið til að sjá afganginn...
Æi já, helgin var bara yndisleg í alla staði - engillinn kúrir núna á koddanum eftir massíft jólaball í vinnunni hjá mér...það er eitthvað svo mikið að gera framundan hjá okkur mæðgum en alltaf svo lítill tími - ekki vika í jólin...en um að gera að nýta hann bara vel og vera glaður og ánægður með það sem maður getur gert og kemur í verk, er það ekki ?!?!?

..."making a list - cheking it twice"...var það ekki einhvernveginn svona sem lagið var? Nú er mín kona að reyna að skipuleggja dagana þar sem erfinginn fer að öllum líkindum norður fyrr en áætlað var og að svo mörgu að huga áður....vona að helgin hafi verið falleg og góð við ykkur öll..kveðjur úr kotinu...

..leynivinadagar..

Næstu 3 dagar eru svokallaðir "leynivinadagar" hérna í vinnunni og eru allir mjög lúmskir og leyndardómsfullir - þessu fylgir svo sannarlega mikil spenna hérna - gaman að sjá!
Leynivinur minn var svo hugulsamur í dag, var mér fært (á silfurfati notabéne) þessi ljúffengi morgunverður og kertljós í fögrum stjaka ...... leynivinurinn fær svo sannarlega plús fyrir að gefa mér "ójóló" gjöf - ég er nefnilega með ofnæmi fyrir svona snjókalla og jólasveinasprittkertastjökum *hrollur* og það er eitthvað sem að virðist vera "inn" þegar að kemur að svona litlujólum og leynivinadögum....dagurinn ss byrjar vel...styttist í lokaprófið...pínu stress en samt fegin að þetta er að verða búið...
Vona að þið eigið góðan dag.....chauuuuuu

...svefnleysi, lítil matarlist, stress...en samt svo glöð...

...úff - síðasta prófið á morgun og ég hlakka svo til, er líka búin að lofa að verða "góður vinur vina minna" aftur á fimmtudaginn þar sem flestir voru bara settir á "hold"!
Líður einsog heilinn á mér sé að springa, ansi hrædd um að augun fari nú að poppa út úr hausnum bráðum, lifi á mandarínum, kristal og kaffi og get ekki sofið...dísus hvað ég hlýt að líta vel út *heh*
Maður getur orðið eitthvað svo einhverfur í svona próflestri...nógu einhverf er ég nú fyrir :)

En á sama tíma er desembermánuður búinn að renna svo ljúflega niður og hefur verið með betri mánuðunum á þessu ári - ég er hamingjusöm, glöð, ástfangin, spennt....hvað er ekki gott við þetta?
Við mæðgur erum líka búnar að vera svo duglegar við að "jólast"- búnar að skrifa og senda rúml. 50 jólakort og velja myndir sem eru EKKI jólalegar, baka piparkökur og skreyta auk baksturs 2ja annarra smákökusorta, gera konfekt, föndra skrilljón gjafir handa ættingjum og vinum úr leir og trölladegi, skreyta allt heima í kotinu (hlakka til að fara með dýrinu að velja jólatré - hvenær ætli sé best að gera það ?), erum að fara í laufabrauð og meiri piparkökumálun næstu helgi, 2 jólaböll framundan....einsog ég segi búnar að vera duglegar að jólast og eigum helling eftir - bara af skemmtilegum hlutum þar sem allar jólagjafir eru komnar í hús og alles klar sem viðkemur þeirri hliðinni...held að ég hafi aldrei verið jafn tímanlega með neitt sem viðkemur jólunum einsog í ár og það er yndislegt - held ég geti þakkað skipulagsfríkinu, jólabarninu, "making a list" fíklinum og samstarfskonu minni henni Örný stóran hluta af því hversu tímanleg ég var í ár - bara gott mál...hef aldrei skilið húsmæðurnar/fólkið sem byrjar fyrir desember að undirbúa, kaupa, baka fyrir jólin og fara í inkaupaferðir til útlanda...en er farin að skilja þetta aðeins betur núna - mikið asskoti eru þau sniðug og séð...
Fyrsti jólasveinninn er kominn til byggða víst og ég er farin að hlakka til að rölta niður Laugarveginn á Þorlák, vonandi í smá snjó, kíkja í búðir, finna laust borð á e-h litlu kaffihúsi, drekka heitt kakó og skoða allt hamingjusama fólkið....hlakkar ykkur ekki til?!?!

...fagrir eru fimmtugir....

...Tileinka þennan dag henni múttu minni sem er fimmtug í dag.....

Larry Bird..

Ég man þegar að Magic Johnson og Larry Bird (jújú og auðvitað Jordan) voru aðalmálið - það var hipp og kúl að safna körfuboltamyndum og allir horfðu á NBA og vissu út á hvað leikurinn gengur....þegar að þeir voru í stuttum þröngum stuttbuxum (dear lord) þetta snérist meir um hvernig leikurinn fór og leikmenn stóðu sig heldur en hjá hverjum hver svaf eða hver barði hvern....Djö er maður orðinn gamall eitthvað...Datt inná e-h síðu þar sem fram kom að Larry Bird ætti afmæli í dag - fimmtugur kallinn..... fór allt í einu að hugsa um þetta allt saman...átti vini sem að lögðu líf og sál í að safna þessum körfuboltamyndum og "bítta" - þetta var sett í fallegar möppur, með spes plöstum og allt gert á mjög skipulagðan hátt - "þetta var hobby og þetta var buisness"...alltaf gaman að fá svona "flashback"...

...hvar væri ég án smávegis jazz.....

Árið 2004 var ég kynnt fyrir "enn einum" tónlistarsnillingnum - honum Herbie Hancock og maðurinn er snillingur með meiru....tók mig smá tíma að melta hann, veit ekki af hverju en á síðustu 2 árum hefur hann runnið svona ljúflega niður...mæli eindregið með honum fyrir ykkur sem hafið einhvern áhuga eða gaman að funk/jazzi..

..Jebbs - ég trúi því að allt í lífinu og viðkoma allra í lífi mans hafi einhvern tilgang og ekkert gerist nema það eigi að gerast....manneskjan sem kynnti mig fyrir Herbie, stoppaði stutt en kenndi mér og fræddi mig um "ó svo margt" og er ég ævinlega þakklát fyrir tímann og fróðleiksmolana - sumir fróðleiksmolar eru fallegt veganesti...

..photoshopjól....

...er fólk ekki að skjóta svolítið langt yfir markið þegar það er farið að laga fjölskyldumeðlimina til í photoshop áður en þeir geta sent út jólakortið....??
Æi ég veit ekki, elska tæknivæðinguna, leik mér mikið í/með photoshop sem er algjört töfratæki...fyndist fyndið að skella inn e-h. frægum einstakling inná fjölskyldumyndina eða stækka hausinn á mér um helming etc...en æi ég veit það ekki þegar ég heyrði;
"síðan lagaði ég bara hárið á honum aðeins til(þar sem sumt er þynnra en annað) og tók undirhökuna af sjálfri mér og voilá.....bara einsog nýjar manneskjur..."
..veit það ekki, kanski ég segji bara "pass"....Hver veit nema ég stækki aðeins á mér vinstra eyrað og setji þessa mynd í jólakortið....


Þetta hafði ég að segja um svipað leyti fyrir um 4 árum- maður hefur ekki mikið breyst er það - kanski pínulítið!?!

Tvöföldun Suðurlandsvegar og Vesturlandsvegar

Ég ákvað að gera ekki ekki neitt og að mannslíf fólks á Íslandi skipta mig máli, tek ég því þátt í að skrifa undir að skora á Alþingi að tryggja tvöföldun Suðurlandsvegar án tafar á vefsíðunni: UNDIRSKRIFT

Ég hvet þig líka til að gera ekki ekki neitt og leggja þitt af mörkum með að skrifa undir listann og senda þetta áfram á alla í þinni netfangaskrá.

Sýnum samstöðu, hjálpumst að og látum stjórnvöld taka mark á okkur. Hver undirskrift skiptir máli.

Fékk eina harmasöguna enn í e-maili....

..ör hjartsláttur....

...það er ekki margt sem fær hjarta mitt til að taka "þennan litla aukakipp"...lófana verða svona þvala og andadráttinn pínu þyngri og laumulegri....það gerðist um helgina og svo aftur í dag....*namm*...yndislega skrítin tilfinning...elska það þegar þetta gerist...

..ég hlakka til jólanna...

Æi ég er aftur dottin í þá gryfju að vera meira í því að blogga í huganum og lesa annarra heldur en að setjast eitthvað niður og blogga sjálf eitthvað af viti...
Það er allt í gangi þessa dagana - síðustu 2 vikur hafa verið alveg stórskemtilegar skal ég segja ykkur, mikið af ákvörðunum teknar og mikið af fólkið "fundið" sem hafði verið týnt í þó nokkurn tíma..
Við mæðgur erum að fara að flytjast búferlum 1 febrúar á næsta ári og er ferðinni heitið á Hvanneyri.......eða ekki - heldur erum við að flytja á Seltjarnarnesið, finnst þetta samt eiginlega flokkast undir vesturbæinn þar sem þetta er alveg á "landamærunum"...kanski kem ég út úr skápnum einhverntíman og segi með stolti "ég bý á nesinu"...einhver ósiður sem að ég beit í mig í æsku - uppalin á Gröndunum/vesturbænum....einhver ákváð að á Nesinu bjyggu bara snobbaðir og frekar "súrir" einstaklingar - sögunni fylgdi að sjálfsögðu ekki að föðurfjölskyldan mín býr/bjó og er af Nesinu og ég hef kynnst möööörgu góðu fólki sem er þaðan...en á ákveðnum tíma var bara ekki "ætlast" til að manni þætti neitt til Nessins og fólksins þaðan koma og átti helst ekkert að vera að mingla neitt of mikið við það - það var ekki töff...síðan hafa árin liðið og maður þroskað kanski "pínulítið" og hættur þessu hverfasnobbi.....þau hverfi sem ég man að höfðu e-h svona "viðurnefni" voru "Litla Hollywood" - "Gettóið" - "Bragginn" - "Snobbhill" - "101" - "Cristania" ....... munið þið e-h fleiri??
En já aftur að flutningunum, einsog ég var að segja þá situr þetta fast í mér og má vel vera að þetta sé e-h hroki sem ég bara veit ekki af hverju fer ekki - hef ekkert á móti Seltjarnarnesinu né þeim sem þar búa en samt fæ ég e-h svona hnút í magan að vera að flytja þangað......yfir jólin skál sá hnútur vera leystur og við mæðgur flytjum með bros á vör í febrúar....
Á döfinni eru svo jólaprófin sem byrja á fullu í næstu viku og verða næstu 2 vikur að mestu eyddar með nefið ofaní bókunum og hver laus mínúta er eydd með erfingjanum....á þessum tímapunkti hverfur "litla ég" alveg eins djúpt inní litla hellinn sinn og hún mögulega kemst - þannig að ekki verða súr ef að reynt verður að hringja eða koma í kotið og ekki næst því munu flestir vera "ignoraðir" þar til 14 desember....
Jæja - þarf að kveðja, miklar jólahreingerningar standa yfir hérna í vinnunni - allt er skreytt og minna sumar deildir einna helst á Jólalandið fyrir norðan *úff*...síðan gengur dómnefnd um húsið og velur flottustu deildina (held þetta virki svoleiðis).....maður verður nú að sýna smá lit og vera með....
Góða helgi litlu lömbin mín....og gleðilegan 1 des.......og og og og ekki gleyma....Degi rauða nefsins

..Til Kollz.....svar óskast....

1. miðnafnið þitt: "hamstur"
2. Aldur: 27 (..takk fyrir að minna mig á það..)
3. Single or Taken: frá-tekin :)
4. Uppáhalds bíómynd: ó dísus, ég get ekki valið bara eina - í dag er það....Frida
5. Uppáhalds lag: A change is gonna come (Sam Cooke)
6. Uppáhaldshljómsveit: "pass" - er meira fyrir sólóartista...
7. Dirty or Clean: ó só clean
8. Tattoo eða göt: bara bæði..
9. Þekkjumst við persónulega? ..jaháts..
10. Hver er tilgangurinn með lífinu? ..að lifa því og gera eins vel og maður getur og kanski örlítið betur..
11. Myndiru bakka mig upp í slagsmálum? ekki spurning - þó ég sjái það ALDREI gerast (hjúkk)
12. Myndiru þaga yfir leyndarmáli ef það skipti mig máli? játs (er aðþví *heh*)
13. Besta minningin þín um okkur? ..æi þær eru svo margar í uppáhaldi...(hehe, þegar að þú sagðir mér leyndarmál...ætti að mega segja frá því núna...) Þegar að þú treystir mér fyrir því að mamma þín væri ólétt af Hjalta bróður þínum - þú varst svo fallega, æst, spennt, leyndardómsfull, glöð, hættir ekki að brosa - ert ennþá brosandi yfir því held ég....yndislegur dagur - við sátum í herberginu þínu á Seilugrandanum í marga klukkutíma og SPÁÐUM í sónarmyndinni....magnað móment..
14. Myndir þú gefa mér nýra? - nú af hverju, viltu það? (já, en ekki hvað?)
15. Segðu eitthvað skrýtið um þig: Ég er hellisbúi (og er stolt af því)
16. Myndir þú hugsa um mig ef ég væri veik? Jább - þó að ég haldi að þú sért með "topphjúkku" á þínum snærum.... ;)
17. Getum við hist og bakað köku? Þú meinar, ég baka, þú horfir á og svo borðum við hana saman - er það ekki? Anytime sko...
18. Hefuru heyrt kjaftasögu um mig nýlega? ..heh...neibb - hlusta ekki á kjaftasögur ;)
19. Talaru eða hefuru talað illa um mig? Dísus hvernig spyrðu - all the time - þú veist það alveg!! (eða ekki)
20. Finnst þér ég góð manneskja? Jaááá - með fallegri manneskjum í mínu lífi !!!
21. Myndir þú kerya með mér hringinn í kringum landið? Jájá - mætti ég þá vera driverinn??
23. Hverju myndiru vilja breyta í mínu fari? sko fyrst myndi ég..........ENGU...svo fullkomin á þinn ófullkomna hátt ;)
24. Kæmiru í heimsókn af tilefnislausu, bara til að chilla? jájá - ef ég væri svona "dropin" týpa *heh* (þá væri þá þitt hús eitt af fáum sem yrði fyrir valinu)
25. Ef ég ætti einn dag ólifaðann, hvað myndum við gera? Hvað vildir ÞÚ gera mín kæra?
26. Ætlaru að setja þetta á þína síðu svo ég geti fyllt þetta út? jábbs - ahorita...

...Yolanda, Hafrún, Kreizí....mig langar að sjá ykkar svör ;)

Philippe Noiret

...ég man það einsog það hafi gerst í gær þegar að ég sá myndina Cinema Paradiso - held að þetta sé fyrsta myndin sem að ég hef sem hefur skilið eitthvað eftir sig...
Í dag hef ég horft á hana svona 8-10 sinnum og mér finnst hún alltaf jafn yndisleg, hún eldist svo vel..kanski er það ég sem eldist ekki - mér líður alltaf einsog í fyrsta skiftið sem að ég sá hana, það má líka vera ða ykkur finnist hún ekkert sérstök en það er einhver strengur milli mín og myndarinnar...milli mín og Alfredo (Philippe Noiret) eins af leikurunum.
Las það inná mbl að hann er dáinn og mér líður skringilega - sumt fólk finnst mér að eigi að vera eilíft....Kvöldið í kvöld fer í að horfa á myndina aftur, vera auðmjúk og kanski fattar maður að ekkert er eilíft....
Ef að þið hafið ekki séð þessa mynd mæli ég hikstalaust með henni - hún er falleg og ljúf.

..enginn tími til stefnu stundum...

...þar sem að ég er að drukkna í vinnunni í tilboðsgerð og marketing-bootcampi
Sem er alveg brilljant ráðstefna sem að ég sit þessa dagana - alveg ótrúlega fróðleg.....Ég veit ekki alveg hvað ég er búin að koma mér út í hérna í vinnunni, en plönin eru stór og allir virðast á eitt sammála að ég geti þetta svo....það er bara stórkostlegt - held ég ;)
Lítill tími fyrir blogg þannig að ég bara verð að láta nægja að henda inn yndislegustu tvíförum vikunnar ... bið að heilsa ykkur að sinni....

..já þið segið nokkuð - ég hef heyrt þá fyndnari...

Samkvæmt CNN er þetta fyndnasti brandari í heimi - og það eftir árslanga leit....

LONDON, England -- The world's funniest joke has been revealed after a year-long search by scientists.

In an experiment conducted in Britain, people around the world were invited to judge jokes on an Internet site as well as contribute their own.

The LaughLab research, carried out by psychologist Dr. Richard Wiseman, from the University of Hertfordshire, attracted more than 40,000 jokes and almost two million ratings.

And here it is...

Two hunters are out in the woods when one of them collapses. He doesn't seem to be breathing and his eyes are glazed. The other guy takes out his phone and calls the emergency services.

He gasps: "My friend is dead! What can I do?" The operator says: "Calm down, I can help. First, let's make sure he's dead." There is a silence, then a gunshot is heard. Back on the phone, the guy says: "OK, now what?"

Mér finnst þetta mun fyndnara *heh*

Farin ...flogin

Skrifað í Eymundsson Leifsstöð af einkaritara Urðar :

hér standa tvær stúlkur að ofsækja mig í búðinni minni ..önnur þeirra á jú þetta blogg.
Hún vildi endilega tilkynna ykkur að hún sé á leið til útlanda.

Kveðjur til kalda landsins.

Kolla

...að búast við því versta....fá það besta....

Af hverju ætli það sé að maður býst ALLTAF við því versta eða ......og hvað er það fyrsta sem að poppar uppí hausinn á manni þegar að....

Ég er búin að vera í flækju *úff*...Nú er betri helmingurinn búsettur í s-ameríku og hafa verið miklar óeyrðir á því svæði sem að hann hefur verið að vinna (síðasta mánuð)...hann er vanur að senda mér svona skriljónogtvö sms/e-mail á dag og hringja alltaf að morgni dags og kvöldlagi...
- stuttu máli - það eru 16 dagar síðan ég hef heyrt frá honum og ég verð að viðurkenna að ég hef verið á barmi taugaáfalls síðstu vikuna og hugsanirnar og hugmyndirnar í litla kollinum mínum hafa alveg verið að drekkja mér og ég er ekki frá því að magasár sé farið a myndast í bumbunni....það er svo skrítið þegar að maður skynjar eða bara veit að það er eitthvað að...eitthvað ekki einsog það á að vera...
...fyrstu 4-5 dagarnir voru allt í lagi, stundum stendur nú bara þannig á og ég var nú ekki mikið að stressa mig á þessi, dagur 10 og til dagsins í dag hafa verið nær óbærinlegir....Hefurðu einhverntíman verið svo áhyggjufull(ur) að þú hefur ekki hugmynd um hvernig þú átt að vera, gera eða segja????
Ég hef verið svo dugleg síðustu daga að nýta mér netmiðla, lesa mig til um ástandið á þessu svæði, maður les um hvert dauðsfallið á fætur öðru og vooooonar að það sé ekki "minn maður" - ég varð enn kræfari/ákveðnari/hræddari síðustu daga og hef mikið reynt að hringja í alla mögulega síma og senda e-mail á alla sem ég veit að gætu mögulega verið með e-h svör handa mér og EKKERT...
Það var ekki fyrr en fyrir um klukkutíma að ég fékk símtal frá "tengdó" sem sagði mér að litla dýrið (kallinn ss) hefði lennt í slysi, haldið sofandi í 4 daga, er að skríða saman og ég heyri frá honum í kvöld....
Fyrstu viðbrögð mín voru ekki ánægja með að heyra að hann væri á lífi og syngja eitthvað "happysong" heldur varð ég reið út í hana fyrir að hafa ekki hringt í mig STRAX og segja mér frá þessu...ég var bara virkilega virkilega reið og hreinlega skammaði greyið - ekki líkt mér......
..Sat svo eftir þetta símtal í e-h geðshræringu, starði bara út í loftið og áttaði mig á því hversu dónaleg ég var að skamma greyið konuna, sem er sjálf búin að vera í sjokki síðustu daga og örugglega að reyna að halda lífinu saman.....ég tildæmis veit að það sem ég hræðist mest í þessu lífi er að missa dóttur mína þannig að ég ætti nú að geta gert mér í hugarlund hvernig henni hefur liðið að hafa næstum misst son sinn......ég skammast mín!
Af hverju varð ég reið......ég meina ég er búin að bíða eftir fréttum og lífsmarki - ég fékk þær fréttir sem að ég vonaðist eftir og ég varð REIÐ - af hverju, ég skil ekki.....ætli þetta séu ekki svona einhverskonar reiði-sjokk-hræðsu viðbrögð.....?
Núna sit ég og hugsa - 16 dagar, það er nú ekki langur tími - djöfull hefurðu verið nojuð kona......en þessir 16 dagar voru heil eilífð að líða...trúið mér!
...ég er komin aftur á jörðina, hlakka til að SOFA í kvöld og held ég sé lent á e-h happyskýji og er farin að raula jólalög.....svona er geðveikin jafn fljót að fara og hún er að koma.....lífið er flókið fyrirbæri, fullt af hindrunum sem við þurfum að fara yfir...en á móti kemur allt það fallega líka og þetta í bland er það sem gerir lífið svo yndislegt......

...kveð ykkur að sinni....

..bara að minna á...

..að síðasti dagurinn til að skila inn skókassanum er á laugardaginn kemur (11. nóv)..það þarf stundum ekki mikið til að gleðja lítil hjörtu - eða bara aðra yfir höfuð..og bónusinn er kanski að manni líður svo vel á eftir, eða mér í það minsta...

Hvað eru jól í skókassa?
Verkefnið jól í skókassa felst í því að fá börn jafnt sem fullorðna til þess að setja nokkra hluti, eins og ritföng, vettlinga, sokka, hreinlætisvörur, leikföng og sælgæti í skókassa. Kassanum er síðan pakkað inn í jólapappír og útdeilt til þurfandi barna víðsvegar um heiminn. Þannig viljum við mæta þörfum fólks sem eru fórnarlömb stríðs, fátæktar, náttúruhamfara og sjúkdóma með það að markmiði að sýna kærleika í verki.

Hvert fara skókassarnir?
Í ár, líkt og í fyrra, hefur verið ákveðið að íslensku skókassarnir verði sendir til Úkraínu. Í Úkraínu búa um 50 milljónir manna. Atvinnuleysi er þar mikið og ástandið víða bágborið. Á því svæði þar sem jólagjöfunum verður dreift er allt að 80% atvinnuleysi og þar ríkir mikil örbirgð. Íslensku skókössunum verður meðal annars dreift á munaðarleysingjaheimili, barnaspítala og til barna einstæðra mæðra sem búa við sára fátækt.

..alltaf lærir maður e-h nýtt..

In ancient England, people could not have sex unless they have consent from the king or unless they belong to the royal family.
If people wanted to have a baby, they have to ask consent from the king and the king will give them a card to be hung outside their door while they're having sex.

Written on it is: F. U. C. K. (Fornication Under Consent of the King), hence that's where the word "fuck" came from.

..Er ekki gott að læra e-h nýtt, á hverjum degi?!?!

Internetið er yndislegt fyrirbæri - en á sama tíma mjög scary...

Um daginn sat ég heima við tölvuna að reyna að finna mér efni í sálfræðiritgerð sem er í smíðum....
Ég notaðist einsog svo oft áður við Google - sem leiddi mig í hálfgerðar ógöngur, aldei þessu vant EN sem betur fer því ég datt þá inná síðu hjá íslenskri stúlku, búsetri í Danmörku, jújú augun læstust í síðunni, las hana aðeins niður og fannst ég kannast eitthvað við nöfnin og fólkið í færslunni - gat verið.... þessi skvísa sem þarna párar er frænka mín, fólkið og nöfnin sem ég kannaðist svona við eru að sjálfsögðu frænka mín, maðurinn hennar (og erfingjarnir tveir)...
Ég að sjálfsögðu festist aaalgjörlega inná síðunni hennar og datt inná tenglana og þá kom í ljós að fleira frændfólk er með heimasíður - sem ég ekki vissi um (ekki það að ég hafi nokkurntíman asnast til að spyrja......)
Að þessu leiti er internetið frábært fyrirbæri...ég er að sjálfsögðu rosalega "up2date" í þeirra lífi núna, veit allt um þau sem að þau vilja að netheimar vita og það er nú bara helmingi meir en ég vissi áður og það gleður mitt litla hjarta að getað fylgst með og séð myndir af frændum og frænkum hér og þar um heiminn - blómstra og gera sína hluti...bara gott mál.
Hin hliðin á málinu er þessi að ég rakst á "gamlan kunningja" um daginn - spjallaði eilítið við hann og leiðir skildu, gleymdi að grafast fyrir um fréttir af systur viðkomandi - fá símann hjá henni og annað, datt í hug að spyrja Google frænda og vitir menn eftir 15 mínútna sundsprett á netinu veit ég nær allt um systur viðkomandi, hvar hún kyntist núverandi manni sínum, hvenær þau sóttu um lóð, hvar þau fengu afhent og hvernig gengur með smíðin, hvernig sólpallurinn átti að vera, varð ekki og er núna, hvenær hún hætti með fyrrverandi kærastanum sínum og af hverju.....æi - og þetta veit ég gegnum síður hjá fólki sem ég veit ekki neitt hverjir eru, nefndu hana bara á nafn Googli tengdi við leytina mína og ég fór og skoðaði....finnst það óþæginlegt......
Veit ekki hvað það er, finnst óþæginlegt að lesa síður fólks ef þær eru ekki um þau sjálf.....mér finnst gaman að lesa síður þar sem fólk er að segja frá sjálfu sér, skoðunum sínum, draumum.....etc....en einsog þessar síður sem ég rakst á þá innuhéldu þær meir af upplýsingum um aðra en "síðueigandann" sjálfan og mér þótti það óþæginlegt - skiljiði eitthvað hvað ég er að fara?? Þetta er einsog með myndaalbúm á netinu, hjá fólki sem að ég þekki ekki - get ekki skoðað þær, finnst ég vera að hnýsast - veit að fólk myndi ekki setja þetta á netið ef ekki mætti skoða það en æi ég veit það ekki - líður einsog ég sé að fara yfir eitthvað strik eða jafnvel komin inní stofu til fólks.....óboðin....
Skrítin tilfinning - kanski eitthvað bull í mér ... en svona er það bara.....
Ég er á einhvern hátt sjúklega háð netinu en á sama tíma hræðir það mig....svo margt fróðlegt hægt að finna og fræðast en svo margt sem maður ætti aldrei að vita....

...spurning, hversu langt gengur maður þegar maður saknar...

~ ekki alveg svona langt en...viðurkenni það fúslega að ég veit fátt betra en að liggja í hálsakoti og kúra, heyra hjartsláttinn og andardráttinn... þá sérstaklega í svona veðri...grrrr....og verð að segja að ég er farin að sakna þess allmikið - enda mikil niðurtalning í gangi hér í kotinu hjá okkur mæðgum - í að "kallinn" komi heim..
Ætti maður að fjárfesta í svona "arm" þar til - ég meina fæst í mörgum litum og er eflaust á góóóðum kjörum....hmm...eða ekki ;)

..ástin....

El amor está en nuestras vidas, y siempre nos reímos de como llegó de una forma extraña. Es la historia de amor más linda de todas, la más especial, la que no quiero que tenga un final. Tengo a la persona más hermosa del mundo. Nos amamos mucho y somos felices juntos, aunque la vida haya guardado sorpresas y dificultades… Me había proyectado de varias formas en el futuro, pero nunca pensé que me pasaría algo tan increíble como conocer a .... Jamás me lo había imaginado. Y puta que soy feliz … por fin...
Te amo....y extraño..

...RING-RING....

* "Urður"
(sé strax eftir að hafa svarað...djööö)

- "Já, góða kveldið - Steindór heiti ég, hvernig líður þér?"

* "Ömmm - bara vel, þakka þér fyrir"
(dísus, who the fuck is Steindór - pottþétt e-h sölumaður dauðans?)

.....svolítið vandræðaleg þögn og þungur andardráttur hinumegin við línuna!

- "Er Guð með þér í þínu daglega lífi, amstri, erfiðleikum.....?"


* "Veistu, ef þú ert að kynna eitthvað eða selja verð ég að biðja þig að hringja aftur seinna, eeeeer bara að hlaupa út....."
(sat í makindum mínum uppí sófa, með kaffibolla, bók og í náttfötum....)

- "Nei, nei - alls ekkert að selja eða kynna neitt, bara svonaaaaa....."

....þögnin og þungi andardrátturinn byrjar aftur - krííípííí........

* "Nú, nú - get ég þá aðstoðað þig við eitthvað, vantaði þig eitthvað....hvert var erindið?"
(vá, hvað ég nennnnni alls ekki að tala við þig)

- "Langar þig að fagna með Jesú, langar þig að kynnast áhyggjulausu lífi og góðum samferðarmanni......etc?"
(ó dear lord - gastu ekki hringt í e-h annan "heiðingjann" - ætli ég sé merkt svoleiðis í símasrkánni? Urður Harðardóttir Trúleysingi)

* "Nei, veistu - takk, en ómögulega....
(jæja, alveg komin með það á tilfinninguna að þetta sé e-h SÆKÓ)

- "Innri friður er það sem skiftir máli, heldur þér gangandi og er nauðsynlegt svo að jafnvægi komist á lífið og hinn ytri frið!!"
(...æææææææææi ..... dísus láttu mig í friði....flashback þegar að ég var 8 eða 9 ára komu svona "jesúfólk" og fékk mig til að kaupa FULLT af bókum og mamma fékk svo sendan GÍRÓ......fallega gert....jahá ég er sko ennþá bitur út í þetta fólk...*heh*)

* "Innri frið já, mjög mikill innri friður og jafnvægi í mínu lífi þessa dagana verð ég að segja...
(*heh* - ef þú vissir að ég lægi kúrandi uppí sófa alveg að sofna núna vissirðu hvað innri friðurinn væri mikill "gimpi þitt")

* "Heyrðu, það er bara verið að sækja mig og ég verð að kveðja - takk fyrir spjallið Steindór!"
(láttu mig nú í friði litla grey....)

....þögnin ógurlega og hlussuþungi andadrátturinn aftur byrjaður - óþæginlegt eitthvað....

- "Já, ég er komin að sækja þig - er fyrir utan"
(aha - scary movie taktar e-h, dísus..shit....dálítið fyndið en ok...er samt ekki að nenna þessu!!)

* "Heyrðu, alltílæ - sjáumst þá fyrir utan - bæjó"
(iiiiiii - Urður að leika e-h töffara en innst inni að verða dálítið hrædd/smeik
...aaaaalveg að skella á)

- "Heyrðu, heyrðu, heyrðu Urður eða Unnur.....ég var bara að stríða þér...sorry....!!
(kúlistinn kemur auðvitað strax til baka og veimiltítan kæfð við fæðingu....svona eftir bestu getu)

* "Aha, góður - en ég verð að fara í alvörunni...!
(innst inni drullusmeik ennþá og langar að losna við kauða úr símanum...samt forvitin...)

* " En, þarna hver ertu og hvað varstu að spá - ef ég mætti spyrja.....?"
(forvitnin vann...)

- "Ég heiti sko í alvörunni Steindór, fattaði að ég hafði hringt í skakt númer þegar að þú svaraðir af því að þú kynntir þig og það helltist bara einhver löngun yfir mig að prufa.....
(*heh* sniðugur og pínu ruglaður - aldrei myndi ég þora......)


....jæja það sem byrjaði sem "skakt númer" varð að "símaati" endaði í nær klukkutíma spjalli/rökræðum um "jesúfólk" og þeirra leiðir til að PRANGA sínu dóti/drasli/hlutum..inná fólk og börn - og ég sem haaaaaaaaaata að tala í símann....gaman að því

Frá Herði Torfa

Kæri þú.

Fyrir skömmu gerðist það í Færeyjum að ráðist var á ungan mann fyrir það að hann neitar að fela þá staðreynd að hann er samkynhneigður og hann neitar að yfirgefa Færeyjar og lifa sem kynferðislegur flóttamaður annarsstaðar,langt frá fjöldskyldu og vinum. Árásin var það alvarleg að hann er búinn að vera á sjúkrahúsi síðan það var ráðist á hann.
Staða samkynhneigðra í Færeyjum er skelfileg og það skelfilegasta af öllu er að Löggjafaþing Færeyinga styður ofsóknir gegn samkynhneigðu fólki. Ég skora því á alla að fara inn á meðfylgjandi tengil og setja nafn sitt á danskan lista sem mótmælir þessu ástandi og skora á Löggjafaþingið að breyta ástandinu. Löggjafaþingið kemur saman í byrjun nóvember og fjallar þá um málið. Láttu þessa frétt berast og hvettu annað fólk til a skrifa sig á listann.

SKRIFA UNDIR


Kær kveðja, Hörður Torfa

Hörður Torfa

Heimasíða: www.hordurtorfa.com

ásting og börnin...

...fékk þetta sent í töluvpósti svona í morgunsárið...verð að deila þessu með ykkur - það er ekki annað hægt en að eeeelska hvað börn er hreinskilin og falleg - væri gaman að sjá hvernig það væri ef við fullorðna fólkið "gætum" verið jafn hreinskilin ;) (þið vitið hvað ég meina)

"Þegar maður verður skotin í ástfanginn, þá er það rosalega sárt og maður getur meitt sig alveg fullt."
-Magnús 7. ára.

"Ég veit ekki alveg hvers vegna það eru svona margir ástfangnir,
en ég held það sé vegna þess að konur eru með ilmvatn og karlar rakspíra
og það er þá líklega vegna þess að þau ilma svo vel. Þess vegna seljast ilmvötn svo
mikið.
Mamma kaupir alltaf fullt þegar hún fer til útlanda og oftast fyrir pabba."
-Siggi 8. ára.

"Ég hef heyrt að ástin og að verða ástfanginn sé það mikilvægasta í heiminum,
en það er líka mikilvægt að Manchester United gangi vel!"
-Friðrik 8. ára.

"Strax á eftir þegar ég er búinn í leikskólanum ætla ég að finna mér konu."
-Tómas 5 ára.

"Mér finnst voða gaman að horfa á ástina, bara ekki á meðan Birta
og Bárður eru. Ég vil frekar horfa á þau."
-Helga 7. ára.

"Fyrst þegar kærustupar ferð út saman þá skrökva
þau alveg fullt að hvort örðu, en samt fara þau út aftur...og verða kannski hjón?"
-Finnur 10. ára.

"Ég er með svolítið margar freknur, svo að konan mín
verður að hafa freknur líka."
-Andri 6. ára.

"mamma sagði að ég ætti að velja mér mann sem væri
blaður og myndarlegur."
-Katrín 8. ára.

"Æ, hættu að spyrja mig að þessu með ástina, ég fæ hausverk...
ég bara krakki og ég þarf enga ástina."
-Ragnar 7 ára.

"Ég ætla sko ekkert að flýta mér að verða ástfanginn.
Það er alveg nógu erfitt að vera í skólanum."
-Regína 10.ára.

"Mamma segir að karlmenn séu heilalausir. Hún er búin að
reyna að finna marga sem eru með heila en það gengur illa."
-Agnes 10. ára.

"Maður og kona lofa að fara í gegnum allt saman, líka Hvalfjarðagöngin."
-Ómar 7. ára.

"Ég ætla sko ekki að eignast börn! Eða jú kannski? En ekki að skipta um
bleyjur! Ég myndi bara hringja í mömmu og bjóða henni í kaffi til að fá hana til að skipta um bleyjur."
-Kristín 10. ára

"Ástin er mjög asnaleg...en ég held ég verði
samt að prófa hana?"
-Sigrún 9. ára.

"Ástin finnur mann sko alltaf... jafnvel þótt þú reynir
að fela þig. Ég hef reynt að fela mig oft, oft, en alltaf finna stelpurnar mig og verða skotnar í mér."
-Davíð 8. ára.

...það rignir stundum kexkökum....

...svona miðað við "suddann" sem er úti núna langar manni helst bara að skríða undir feld með góða bók, kertaljós og siríussúkkulaði og halda sér þar bara fram í næstu viku.....hmmmmm - sé það í hillingum.
Ætli stefnan sé samt ekki tekin á eitthvað aðeins meira gefandi (fyrir erfingjann), einsog pollagallinn og náttúran - reikna með því, búin að lofa okkur mæðgur í fjallgöngu á morgun og andargrýtingar einsog vanalega, barnaafmæli á sunnudaginn og hinn vikulegi sunnudagsmatur í húsi Don Harðar
- jújú þessi helgi lítur bara vel út og maður lætur nú ekki smá rigningu skemmileggja neitt fyrir sér...rigningin er líka barasta fín á meðan hún er svon beint niður, svolítið svona einsog í útlöndum...það er svo allt önnur aría þegar að hliðarvindurinn og slabbið er farið að spila inní....

- Kolla manstu eftir kexskápnum heima hjá þér (veit ekki hvort að hann er ennþá....)?
ó well í gær eftir hádegismatinn var kaffi og kex - Þunnt súkkulaðikex frá Frón, ég tók ljúfan bita af því og einhvernveginn þyrlaðist aftur í tímann um svona 18 ár og ég gat bara ekki hætt að hugsa um það, þegar að við komum heim til þín eftir skóla, þú bjóst ennþá í "jólatrésblokkinni" og það var ALLTAF til kex og ALLAR tegundir sem framleiddar eru held ég barasta, manni var boðið uppá djús og kex - man ekki af hverju það var ekki mjólk, drekkurðu ekki mjólk??
Allavegana þá man ég að kexið sem að ég fékk í hádeginu í gær var uppáhaldskexið mitt þegar að ég var "yngri/lítil" og ég fékk það alltaf heima hjá þér...
Þetta fékk mig svona pínu til að hugsa og ég held að ég geti tengt mat við fólk alveg einsog sumir tengja lög og tónlistarmenn við fólk (ég geri það auðvitað líka) en matinn tengi ég auðveldara einsog t.d. Tóta frænka eeeeelskaði Malta súkkulaði, Tab í flösku, ostapopp og kartöflugratín og í hvert skifti sem að ég sé einhvern borða þetta eða finn lyktina af þessu þá verður mér alltaf hugsað til hennar....bara gaman að því....held ég eigi svona tengingar við alla vini mína...*heh*
- Ég er ekkert skrítin skrúfa, neinei....Góða helgi öllsömul.....

Jæja þá er maður "alveg" lentur - tekur alltaf góðan sólarhring að sætta sig við það að vera komin heim, alveg burtséð frá því að "heima er best".
Ferðin gekk ótrúlega vel og var alveg frábær í alla staði (skelli inn myndum seinna). Ég held að Gamla Stan sé með rómantískari stöðum sem ég hef farið á, hefði ekki verið leiðinlegt að labba þarna um með "betri eða hinum helmingnum"...minti mig allt svolítið mikið á gottneska hverfið í Barca nema hvað húsin eru öll svona fallega rústísk á litin - klædd í haustlitina, göturnar langar og mjóar, kaffiilmurinn lá út frá öllu litlu fallegu kaffihúsunum, ilmurinn af nýbökuðu morgunbrauði eða heitu súkkulaði lá í loftinu....grrrr.....þetta er himneskur staður.
Tala nú ekki um öll galleríin, og listaverkin sem að príða borgina.....já, þessi staður er algjört augnkonfekt og ég mæli eindregið með að þið farið þangað einn daginn, sérstaklega á þessum tíma þegar að allur gróðurinn er í þessum rauðgulu litum *namm* .
Myndi alveg vilja hafa eitt svona hverfi hérna í henni Reykjavíkinni - þar sem maður gæti bara stungið af inní og út úr allri brjálæðinni einsog aftur í tímann, röllt á milli gallería, búða, kaffihúsa og alveg gleymt stundarbrjálæðinu og tímaLEYSINU sem hrjáir landann.....síðan þegar að maður væri komin með nóg af afslappelsinu gæti maður rölt aftur 5 mínútur inní brjálæðina og nútímann - ekki það að mig myndi langa það !
Tónleikarnir með George voru bara hin mesta snilld - einsog ég sagði fyrr þá hef ég aldrei verið neinn brjálæðislegur fan en "o dear lord" hvað hann setti upp flott show og söng vel...viðurkenni það fúslega að hárin risu og gæsabólurnar gerðu vart við sig á nokkrum stöðum...síðan hefur maður verið raulandi lögin hans síðan á sunnudaginn......bara ljúft....æi já, ég er búin að dingla fótunum af bleika skýjinu síðan að ég kom heim...og ég veit ég fer aftur - bráðlega...
Ég get mælt hiklaust með 2 mjööög góðum veitingarhúsum, bæði í Gamla Stan Magnus og La Cantina (fann ekki heimasíðuna þeirra)

...skipulag - af hinu góða eða??

dúddírú....á sama tíma á morgun verður maður eitthvað að spóka sig í útlandinu...komið "tékk" í nær alla kassana á To do listann minn..
...jújú þetta er allt að smella saman, var að borga hótelið sem er demasiado flott á æðisgengnum stað og á mjöööög góðum díl - já það borgar sig stundum að vinna í ferðabransanum eða hjá einhverju sem endar á Gr... - það hefur alveg margsýnt sig....
Það er svo magnað að fylgjast með manni sjálfum stundum og hvað áherslur mans breytast með tímanum - ótrúlegt, en gott. Bara að skipuleggja og undirbúningurinn við ferð til útlanda núna og svo fyrir nokkrum árum - þá var ákvörðunarstaðurinn kanski tekin, gramsað aðeins á netinu eftir ódýrum hostelum og síðan var farið þangað sem vindurinn leiddi mann og tekist á við hvern dag og hverja nótt bara fyrir sig, ekkert stress bara hafa gaman af þessu - dálítill svona "þetta reddast cyndrome" i gangi...
Núna er miðinn keyptur löngum fyrirvara, hótelið valið af gaumgæfni, búið að lesa sig til um nákvæmar staðsetningar á nákvæmum hlutum, veit alveg hvað mig langar að sjá og hvenær....ekki þar með sagt að ég geri það en...æi þið skiljið - maður er orðin svo skipulagður, miðað við... Maður var svo líjeglað hér í den eitthvað...
Ég tek eftir svona breytingum hjá sjálfri mér og er ó svo forvitin að vita hvort að þetta séu breytingar sem að aðrið sjá og finna fyrir - er maður orðinn svona "anal" týpa sem skipuleggur dagana frá a-ö og ekkert má útaf bregða þá er allt farið í vaskinn ... ég þekki konu (vann með konu) sem var svo asskoti skipulögð og ég er á þeirri skoðun að hún hafi verið excelfíkill - það var bókstaflega allt sett í Excel, það voru tíma, stunda og skipulagstöflur til hjá henni yfir allt og allir í fjölskyldunni fylgdu með en ranghvolfdu augunum um leið og hún labbaði í burtu....daginn sem að ég set líf mitt upp í Excel eða þið sjáið að ég er á "rangri braut" - ss í áttina að Excel&Powerpointhelvítinu þar sem skipulagsfíklarnir búa - ó dear lord viljiði hnippa í mig eða bíta mig í eyrað....
...aftur að hinu - einsog ég sagði þá er allt klappað og klárt, þetta verður excellaus ferð en gott verður gert úr öllu - farin að hlakka til að sjá Jorge Mikael þó svo að ég sé nú ekki mikill aðdáandi - það er alltaf gaman að fara á flott show með góðum söngvurum, hann á alveg nokkur góð lög litla homsan og hefur gert svoooo mörg góðverkin fyrir peningana sem að frúin í Hamborg gaf honum að ég er ótrúlega sátt viðann...
...sjáum hvort hótelstrimillinn eftir ferðina verði eitthvað í líkingu við þennann...
...Góða helgi öllsömul......vona að veðrið haldist jafn fallegt....

...ég hlakka svo til...

...jebbsí - ekki á morgun heldur hinn þá verður sko farið til útlanda, bara stutt ferð en ó dear lord hvað ég er að farast úr spenningi...
Mikið búið að plana og skipuleggja í huganum en þó upp að "hófelgum" mörkum, búin að lesa mig til um borgina og hvað hægt er að sjá þar og gera - finna út hvar tívólíið er, litli adrenalínfíkillinn lætur það nú ekki klikka að finna sér tívólí að fara í....
Ætla mér líka að finna mér "mitt" kaffihús, fá mér gott kaffi og horfa á fólkið - juuuu ef að það er ekki eitthvað sem ég elska að gera þá veit ég ekki hvað...já og senda mér póstkort - frábær regla sem ég kom mér upp þegar að ég var ég veit ekki hvað ung - maður á alltaf að senda sjálfumsér póstkort þegar maður fer til útlanda - ótrúlega gaman að rúlla í gegnum þau síðar meir...eða mér finnst það - mér þykir jafn vænt um að fá bréf/póstkort frá útlöndum einsog að láta stimpla í passann...muniði eftir þeim...nú þarf maður að biðja um það sérstaklega sumstaðar - ég er ekki alveg að fíla það....en o well...svona er maður skrítinn...
Jebbsí lífið er yndislegt...vona að þið hafið það gott þarna úti....bæjós

..svo hérna er mynd af erfingja eins "þríslingsins" Ágústu...alveg svotil glæný og sæt...fallegu mæðgurnar!! (pabbinn að sjálfsögðu líka - hann bara er ekki á myndinni *heh*)

..Markaðssetning...

..sá þessa snilld á síðunni hennar Strympu og finnst þetta svo góð útskýringi - útskýrt á mannamáli.....ákvað að stela þessu og sýna ykkur...

Loksins skil ég!!!!

Fólk biður oft um útskýringu á "markaðssetningu." Jæja hér kemur hún:

Þú ert kona og sérð flottan mann í partýi. Þú ferð upp að honum og segir, "Ég er frábær í rúminu."
Þetta er bein markaðssetning.

Þú ert í partýi með fullt af vinum og sérð flottan mann. Einn af vinum þínum fer upp að honum, bendir á þig og segir, "hún er frábær í rúminu."
Þetta er auglýsing.

Þú ert í partýi og sérð flottan mann. Þú labbar upp að honum, færð símanúmerið hans, hringir í hann daginn eftir og segir, "Hæ, ég er frábær í rúminu."
Þetta er símamarkaðsetning.

Þú ert í partýi og sérð flottan mann, þú lagar til fötin þín, labbar upp að honum og réttir honum glasið þitt og segir við hann, "Fyrirgefðu, má ég?" Lagar bindið hans, nuddar brjóstunum létt utan í hann og segir, "Ó á meðan ég man, ég er frábær í rúminu."
Þetta eru almannatengsl.

Þú ert í partýi og sérð flottan mann. Hann labbar upp að þér og segir,"Ég hef heyrt að þú sért frábær í rúminu."
Þetta er þekkt vörumerki.

Þú ert í partýi og sérð flottan mann. Hann langar í þig en þú færð hann til að fara heim með vinkonu þinni.
Þetta er söluorðspor.

Vinkona þín getur ekki fullnægt honum, svo hann hringir í þig.
Þetta er tækniaðstoð.

Þú ert á leið í partý þegar þú uppgötvar að það gætu verið flottir menn í öllum þessum húsum sem þú ert að labba framhjá. Svo þú klifrar upp á þakið á einu af þessum húsum, sirka í miðjunni og öskrar úr þér lungun, Ég er frábær í rúminu."
Þetta er ruslpóstur.

Menntamál - Meðmæli

SKRIFA UNDIR

..tímalaus dagur..

Úff í dag stendur tíminn svo algjörlega í stað - líður hvorki of hægt né nægilega hratt og í dag er líka svona dagur þar sem ég nenni ENGU - kanksi af því að það er svo mikið að gera *heh*, gæti verið.
Nýja skipulagið í vinnunni er að gera góða hluti, eða á eftir að gera góða hluti held ég, þarf að gefa þessu smá tíma til að þróast..þetta er allt að rúlla af stað og rúllar algjörlega í þá átt sem ég hafði vonað "perfecto".
Ég verð að viðurkenna að samstarfslufsurnar í nýja "teyminu" eru misskrítnar og mjög ólíkar þeim gömlu, sakna gamla "teymisins" (elska orðið TEYMI *heh*) en á móti kemur að ég er í betra vinnurími, ég er eyrnamerkt því djobbi sem ég hafði alltaf þráð, ég er nær óléttu lufsunni og get því truflað hana oftar yfir daginn og hef fengið fleiri hrós (og/eða öðruvísi) frá nýja yfirmanninum á 2 vikum en þeim gamla/eldri á 4 mánuðum...
Jebbs - get ekki sagt annað en að lífið sé eitt "bubblubað"...
Ég nefnilega lifði einu sinni á því mottói eða þeirri svörun (jájá, maður á "mistöff" tímabil í lífinu *heh*)
"maður verður ekki hreinn af því einu að hugsa um það að fara í bað, maður þarf actually að fara ofaní baðið" ... og núna er ég á bólakafi í notalegu heitu bubblubaði "and i´m lovin' it"

John Lennon sá SNILLI hefði átt afmæli í dag..það sem ég vildi óska að ég hefði verið uppi á "hans" tíma - hefði maður skellt sér á nokkra tónleika - jebbsí!!

...Emily Rose hvað?...

..notó..

..það er svo notarlegt að labba berfættur í sandi....

...niðurtalning - hápunktarnir mínir....

3 dagar síðan ég átti afmæli
17 dagar í Stockholm
19 dagar í Jorge a.k.a. George Michael tónleikana (ef runnið verður af kappanum og búið að beila hann út úr jeilinu *heh*)
36 dagar í Manchester - Leeds (finna mér góðan leik til að fara á)
37 dagar í kastalaferð í englandinu....
64 dagar þar til betri helmingurinn kemur "heim"
67 dagar í stóóóórafmæli múttunnar minnar
77 dagar í afmæli litlu sys
80 dagar til jóla
87 dagar í nýtt ár
165 dagar (+/- 2)í fæðingu Urðar JR. - treysti á þig Erna

Jaháts - allt að gerast sem er bara gott mál og mikið hlakka ég til þessa alls!
Búið að vera frekar skeptískt að gera í kotinu, maður nældi sér í júsí pest í síðustu viku og lá frekar "beyglaður" á afmælinu - en reif sig þó upp í byrjun nýrrar viku, skellti í kökur og heitt í ofni fyrir þá nánustu á sunnudaginn og bauð þeim í RGC einsog amma orðar það (really good coffe)...
Próf, verkefnaskil og skýrslugerðir alveg á fullu - eitthvað svo mikið að gera og aldrei finnst manni tíminn vera nógur...en er það ekki alltaf þannig. Þegar að manni líður vel, hlutirnir eru skemmtilegir og ganga upp þá flýgur tíminn og svo þegar að maður helst vildi að tíminn liði nú aðeins hraðar er einsog himinn, jörð og klukkan sé stopp?

-Nú á mín að vera að læra frá sér allt vit, skila af mér verkefnum fyrir miðnætti og þar sem óbjóðurinn Americans next top model er í imbanum ég búin að skrolla gegnum "skyldulesningu" dagsins er ekkert meir sem ég ætla að pára fyrir ykkur að sinni kveð ég og býð góða nótt...

...gellur og gæjar í morgunsárið...

...Já í mér býr lítill púki þessa dagana - og ekkert nema bara gaman að því ... nema náttúrulega í þeim tilfellum sem að fólk heyrir púkana tala við sig og fer að svara þeim - get ekki sagt að það séu "my type of púks"....

Ég parkeraði bílnum fyrir utan vinnuna í morgun, var tímanlega í því og sat þess vegna aðeins lengur og kláraði að hlusta á ansi áhugavert viðtal í útvarpinu (ég nenni nú ekki að segja ykkur frá því núna - áhugaverða viðtalinu *heh*).
Fyrir aftan mig stoppa Barbí og Ken (stjörnupar hússins - mjög falleg og fáguð bæði tvö), mér verður litið á þau í b.speglinum, sé þau spjalla aðeins saman, bæði frekar morgunfúl að sjá og eitthvað verið að tala um pickup tíma og stað greinilega (af handabendingunum að dæma)....
Nema hvað Barbí sveiflar hárinu aftur og stingur sér að Ken - ætlar greinilega að halla sér að honum til að kyssa hann inní daginn og kveðja, hún hefur greinilega lokað á kasmírslæðutrefilinn og þegar að hún styngur sér að Ken af fullum kröftum greinilega þá kippist hún til baka - tók sig næstum úr hálsliðnum við þetta allt saman...ég sturlaðist úr hlátri og af svipnum á Ken að dæma þá bætti þetta skapið hans til muna...en ekki hjá Barbí sem að opnaði hurðina í flíti og strunsaði út....

Fyrir nokkrum mínútum hoppaði ég út í 10-11 með samstarfskonu minni því hana langaði svo ógurlega í salatbakka - well við stöndum þarna í röðinni...og ég eins geðveik og ég er verð ég alltaf að fylgjast með öllu og öllum í kringum mig. Við hliðiná okkur í röðinni er svo ekta "töffarapæja" og á móti okkur er gorgeous gæji..það er mjög greinilegt augnadaður og mikið svona flirt í gangi þeirra á milli, sem er náttúrulega bara gaman og gott hjá þeim....Nema hvað í einu augnaflirtinu gleymir gæinn sér í augum ungu píunnar og hellir túnfiski yfir hálfann handlegginn á sér og niðrá gólf, það var roðnað og flissað smávegis -hann begir sig niður kappinn til að þurka upp túnfiskinn og ólíuna sem að svamlaði þarna á gólfinu (hefði pottþétt ekki gert þetta ef að hún hefði ekki verið þarna)...hann voðalega góður, þurkar og þrífur gólfið í 10-11, tími til kominn að reisa sig upp nema hvað hann dúndrar svoleiðis höfðinu í salatbarinn, einhverveginn hrasar og það glymur í öllu batteríinu - þannig að sæti maðurinn situr nú á miðri túnfiskhrúgunni, allur löðrandi í ólíu og með sárt ennið og gellan sem átti greinilega hug hans allan hafði látið sig hverfa þegar að túnfiskurinn (greinilega mannætu) hafði ráðist á upphandligginn á honum - hún var búin að pakka bakkanum, borga og farin þegar að hann loksins skarklappaðist á fætur......þarna aftur missti ég mig gjörsamlega í einhverju hláturskasti - reyndar ásamt hálfri búðinni sem hafði staðið þarna í röðinni og horft á þetta "mökunarferli" sem að misheppnaðist ógurlega....*tíst*

...kanski voru bæði þessi moment svona "you had to be there" - ákvað samt að reyna að deila þessu með ykkur - alltaf gott að flissa smá
Jájá líka flissa af óförum annarra - innana siðferðilegra marka - og já, ég er þannig manneskja, ég hlæ þegar að vinir mínir detta eða labba á staur...vonda ég :)

...alltaf jafn gaman að kreysta fram viðbrögð..

Já, hann "litli" bróðir minn er player með meiru og stoltur af því (held ég)..
Já litli bróðir minn með lakkrísbindið...
Jæja, haldiði að mér hafi ekki verið send mynd í tölvupósti rétt í þessu og subjectið var "Urður er þetta ekki LITLI bróðir þinn??"
Vitir menn á myndinni voru 2 menn að kyssast - mjög innilega og annar þeirra var jújú litli bróðir minn.....
Litli illkvittnispúkinn ég fór strax í það að áframsenda myndina og á hverja aðra en FORELDRANA *múhahaha*
skrifaði að kanski væru það ekki litlu "busastelpurnar" eða stelpur yfir höfuð sem að við þyrftum að hafa áhyggjur af etc ...
Viðbrögðin voru "JESÚSSSSS" og "Er ekki kanski kominn tími til að halda yfir honum alvarlega ræðu um siðferði og
kynhegðun almennt......"
ohhh - ég hefði svo viljað sjá svipinn á þeim ...
Bara gaman ;)

....hvernig ætli drengurinn verði skotinn í kaf við kvöldverðarborðið í kvöld??

...morgunstund gefur...

Jæja, eruði farin að taka eftir því að það er að verða ponsu erfiðara að vakna á morgnanna - eða í mínu koti í það minnsta.
Eitthvað svo notarlegt að kúra lengur í myrkrinu, augnlokin einhvernveginn þyngir og límdari saman og svo gott að hnuðrast aðeins lengur í sægninni (reyndar alltaf gott að hnuðrast)...
Annað en þegar að sólin skín fyrir utan, þá er maður fljótari í gangi og ekki aftur snúið þegar að maður hefur opnað augun einu sinni - maður vaknar einhverveginn tilbúinn fyrir daginn en á veturnar og haustinn þarf maður alveg sinn tíma til að komast í gang...er þetta kanski bara svona hjá mér??
Ég elska bæði - að hnuðrast og lurast á veturnar/í myrkrinu og að vera vel vakandi og rösk/fljót á sumrin...skiljiði hvað ég er að fara?
- Nú eru 5 dagar þar til Lufsan verður hva, 27 vetra gömul - úffa, gaman að því. Hafði hugsað mér að bjóða fjöllunni í kökur, heitt í ofni og meðví, bara svona til að sýna lit...er ekki mikið fyrir að halda uppá afmælin mín, elska annarra manna afmæli, elska staðreyndina að nú sé maður að verða einu árinu eldri en finnst ekki nógu gaman að halda uppá míns eigins afmæli - hefur líka orðið til þess að tvívegis hefur verið haldið "surprise" afmæli fyrir/handa mér - bara gaman og gerir það þeim mun sérstakara og skemmtilegra, er það ekki? En nú í ár hefur verið tekið af mér það loforð að heim skyldi boðið í kaffi og kökur og mun ég við það standa, að sjálfsögðu ;)
Mikið er verið að plana í "farfuglahópnum" (vinnunni) þessa dagana og á döfinni eru 2 ferðir erlendis staðfestar fyrir jól - ekki leiðinlegt það, sú fyrri til Stockholms og síðar til Manchester & Leeds....ekki einhverjar brjálaðar verslunarferðir "thank god"...ég hlakka ekkert smá mikið til...ég lít á þetta sem svona nokkurnveginn sumarfríið mitt...úfff hvað ég hlakka til...bara að komast smá í burt....namm ég elska haustið, án efa uppáhalds tími ársins hjá mér og hvað þá að fá að upplifa það í örðum löndum líka - það er nú bara bónus ..

...jæja, ætlaði bara að kasta á ykkur kveðju.....

..gæti það verið betra??

Þögli sumarfuglinn er að fljúga af stað til heitari staða og litli ritglaði
hellisbúinn að skríða heim..

Nú fer vonandi að losna um þessa endalausu "blogg og ritstíflu" sem hefur
verið að hrjá dýrið.
Lífið í kotinu er bara yndislegt þessa dagana, hamingjan liggur í loftinu
og við mæðgur tökum syngjandi glaðar á móti hverjum nýjum degi
- svona á lífið að vera, er það ekki??
Skólinn kominn á fullt skrið, vinnan og samstarfsfólkið enn jafn
skemmtileg, spennandi og gefandi - ný tækifæri og verkefni á hverjum degi.
Fólkið í kringum mig blómstrar, mishratt og misvel en það blómstrar.
Maður uppgvötar það betur og betur á hverjum degi hvað maður má vera
þakklátur fyrir það og þá sem að maður (og mans nánustu) á og hefur í
kringum sig!
...hvernig getur maður borgað til baka - allt það fallega sem maður hefur
fengið og fyllt hefur hjartað af gleði??
Í dag er svona dagur þar sem ég er svooo þakklát fyrir allt og glöð...

Ég bjó mér til litla áskorun í byrjun sumars, að hæla einhverjum á hverjum
einasta degi og MEINA ÞAÐ (og ekki endilega fólkið sem situr við hliðiná
þér alla daga allan daginn eða bestu vini þína, þá frekar fólkið sem þú átt
í minni samskiftum við etc....).
Ég hef verið meira í því að hæla fólki í huganum og ég veit ekki alveg -
vona að þau finni það á sér bara.
Ég elska viðbrögðin hjá fólki þegar að það fær hrós, það er sekúntubrot sem það varir en er yndislegt - og vitir
menn það smitar út frá sér. Maður hefur tekið eftir því að þetta litla hrós
er einsog orka sem lifir yfir daginn....
Ég skora á ykkur að prufa - vel þess virði

En jæja vinnan kallar víst..langaði bara að kasta á ykkur kveðjur..
knús út í góóóða veðrið....

...estem en contacte....

Jæja börnin góð...

...sólin skín og fuglarnir syngja - ætli það fari að rigna í kvöld?
Magnað hvað þetta hefur verið blautt sumar eitthvað - hef alveg verið að fíla það, er svo mikil "regntutla" eitthvað...
Annars er bara allt hið ljúfasta að frétta úr kotinu mínu á veginum langa - erfinginn reyndar í sumarfríi núna og karli föður sínum, búin að vera 2 vikur og verður 2-3 til viðbótar....frekar tómlegt án hennar, það viðurkenni ég fúslega. Maður er bara svo sniðugur að fylla uppí þennan tómleika með brjálæðislega mikilli vinnu, mætti líka segja að ég hafi ættleitt 2 dætur í 4 vikur þannig að það er nóg fyrir stafni.......það vantar ekki.
Vinnan er æðisleg - alveg í takt við veðrið í dag....er búin að fara í kringum landið 2var, gist á fínustu hótelum og verið í algjöru dekri, skroppið til Grænlands og mikið fínt út að borða...algjör draumur í dós. Jújú, það koma skeptískir og mjög erfiðir dagar inn á milli (einsog í öllum vinnum bara)- en allir þess virði....held að þetta sé eitt skemtilegasta starf sem að ég hef verið í.
Auðvitað sakna ég bókanna "minna" og fólksins "míns" í strætinu/101, get samt ekki sagt að ég sakni móralsins, launanna né vinnustaðarins.....og þar sem að S.O.E hittingurinn er ennþá í gangi þá fæ ég góðan skamt af þeim mæjónesenglum :)
Æji, já það hefur margt á daga mína drifið (eða daga okkar mæðgna) í sumar....sem kanski hefði verið mjög gaman að segja frá þegar að á því stóð - en "bloggpúkann" vantar einhvernveginn í mig, held hann hafi lagt land undir fót svona yfir sumarið og er vonandi væntanlegur með haustinu :)

Það sem búið er af sumrinu 2006 í fáum orðum og sem e-h vegin standa uppúr (apríl - júlí):
Hamstur - ástin - vináttan - bílar - kisur - óléttur - gifting - skírnir - dauðinn - sambandsslit - katalónska - erfiðleikar - dauði heimilistækja - hreinskilni - supernova - endurfundir - dansdansdans - S.O.E - veikindi - Grænland - fótboltamenn - óákveðni - uppgjöf - lúðrasveit - staðfesta - skilningur - rigning - tjald - vellíðan - Þingvellir - afmæli - stolt - gjafir.....

...magnað sumarið sem er að líða - svooo ógeðslega hratt, finnst ykkur það ekki??
Maður er að sjálfsögðu dottin inní Supernova dæmið allt saman og horfi stolt á "son Ísland" syngja sig inní hjörtu miljónir manna.....djö hlýtur þetta að vera gaman fyrir hann, brjáluð lífsreynsla....hann er landi og þjóð til sóma held ég /finnst mér.
(Supernovafansheh - allt er nú til)
....og djö getur fólk (íslendingar) verið leiðinlegt og neikvætt - strax var hann étinn lifandi eftir fyrsta kvöldið - verði þeim að góðu sem ekki geta horft á þetta og bara verið stolt af - það eru alveg nokkrir keppendur þarna sem að ýta undir "aumingjahrollinn" hjá mér þegar að þeir stíga á svið eða fara að tala...bara gaman að því...

En, já svona er nú það lömbin góð - allt gott að frétta og ég hendi í ykkur línum við tækifæri....knús út í sólina til ykkar....Urðz